अय्‍युब 41:3 - Sunuwar Bible

³ मेकोमी ‘आं कली प्रोंइ‍यी, शिशी पाइय्‍यीनी’ दे पुंइबा? मेकोमी इ कली मिलो शिलो पाइबा ङा?

अय्‍युब 41:3 ပူးပေါင်းရင်းမြစ်များ

अय्‍युब 41:2

गे मेको आ नें ख्रिश्‍शा डोरी लिक्‍ने चाप्‍नेवे? मेको आ शांपे बोल्‍सीम ब्‍वेक्‍ने चाप्‍नेवे।

अय्‍युब 41:4

मेकोम गे नु कबल पाइबा? ‘गो गेना हना यो वाइल दुम्‍नुङ’ देंबा?

भजन संग्रह 24:1

रागी नेल्‍ल, मेकेर ङा मारेइ मारेइ नु मेकेर ङा ब्रोंइशा बाक्‍ब नेल्‍ल परमप्रभु यावे केन बाक्‍नीम। यूहन्‍ना १:११; १कोरिन्‍थी १०:२६

भजन संग्रह 55:21

मिनु मेकोमी मिलो शिलो लोव़ पाप्‍तु। तन्‍न मेको आ थुंमी जिचा खेचा ला बाक्‍ब। मेको आ लोव़ तेल ख्रेक्‍शो खोदेंशो बाक्‍ब। तन्‍न आ आगाम शोइश्‍शो तरवार बाक्‍ब। येरमीया ९:७

प्रस्‍थान 19:5

गे आं देंशो लोव़ पाइतीनी नु आं कबल पशो टीतीनी हना, गे नेल्‍ल जात जात ङा मुर आन दातेमी आं योव़शो मुर दुम्‍नीनी। मारदे हना रागी नेल्‍ल आं केन बाक्‍ब। ब्‍यवस्‍था ५:२; ब्‍यवस्‍था ७:६

हितोपदेस 15:1

ब्रोव़शो पा लोव़ लेश्‍शोनु, गाइक्‍तीके तेक्‍ब। तन्‍न हुइश्‍शा पशो लोव़मी मुर आन कली गाइक्‍पाइक्‍ब। हितोपदेस २५:१५; १राजा १२:१३-१६

हितोपदेस 18:23

प्रुङग मुरुमी ब्रेम्‍शो लोव़ पा पुंइनीम। तन्‍न शुश शोंप पाइश्‍शो मुरुमी ठेयब लेश्‍शो लोव़ ले‍त्‍नीम।

हितोपदेस 25:15

फाल्‍तीकेमी हुकुम कली बिप्‍पाइक्‍ने चाप्‍नीम। ब्रोव़शो लोव़मी रुश जिक्‍ने चाप्‍ब। हितोपदेस १५:१

यसैया 30:10

मेकोपुकीमी नोले दुम्‍ब लोव़ ताइब आन कली ‘मतने। मकोव़ङीन’ देंनीम। मिनु परमप्रभु यावे आ लोव़ पाइब आन कली ‘ठीक पचा आ पर्बम आंइ कली लोव़ मपने। जोल पा हना यो, आंइ दाक्‍शो लोव़ ला पने। आमोस २:१२

हाग्‍गै 2:8

सुन चांदी नेल्‍ल आं के बाक्‍ब।