अय्‍युब 4:7 - Sunuwar Bible

⁷ मारेइ दोस मताइब मुर खतम दुम्‍शो बाक्‍नीमी? मेको मिम्‍तीन। गेना हना यो रिम्‍शो पाइब मुर साइक्‍चा पुंइसीनीमी?

अय्‍युब 4:7 ပူးပေါင်းရင်းမြစ်များ

अय्‍युब 36:6

मेकोमी आ अरेशो मटीब आन कली ब्रोंइचा मगेब। आइक्‍च मुर आन कली ठीक निसाफ पाइब। भजन संग्रह ७२:४,१२; भजन संग्रह १४६:७-९

अय्‍युब 36:7

मेकोम ठीक पाइब आन कली कोव़ब। मिनु मेको आन कली गेना हना यो पिप नु वोइक्‍ब। मिनु मेकोपुकी ठेयब सेल्‍चा पुंइसीनीम। भजन संग्रह ११३:७-८

अय्‍युब 8:20

नेनीन, परमप्रभुमी दोस मताइब मुर कली मतिल्‍ब। मेकोम मरिम्‍शो गेय पाइब मुर आन कली वारच मपाइब।

भजन संग्रह 37:25

गो ठिटा बाक्‍ती, मुल खाल्‍पा दुम्‍ती। तन्‍न ठीक पाइबपुकी नु आन तमी तौ नु चच युइमी मुल सम्‍म पुंइशा जशो गेनायो मतङमी।

उपदेसक 7:15

गो आं इच्‍का नाक्‍त ब्रोंइतीकेमी ठीक पाइब मुर आ ठीक पशोमी खतम दुम्‍शो नु मरिम्‍शो मुर आ मरिम्‍शो पशोमी शुश बर्स ब्रोंइशो ताता। उपदेसक ८:१४; भजन संग्रह ७३:१२-१४

प्रेरित 28:4

टापुमी बाक्‍बपुकीमी पावल आ गुइ बुस्‍सुम गिल्‍शो तशा “एको मुर मुर साइक्‍ब बाक्‍माक्‍त। समुन्‍द्रमी फश गिवार पा ग्रुम्‍शा हेररा बेक्‍शा यो ब्रोंइशा, रागीमी ग्रूशा यो बुस्‍सुमी कोक्‍शा बेक्‍ब दुम्‍त” देंमुम्‍तेक्‍म।

२ पत्रुस 2:9

परमप्रभु यावेमी चहिं आंम कली टीब मुर आन कली “दोपा थुं थाम्‍चा ङा श्‍येत रे ग्रुंइनुङा” दे तुइक्‍ब। मिनु ठीक मपाइब आन कली सजाइ गेचा कली निसाफ पची नाक्‍त सम्‍म वोइक्‍ब। १कोरिन्‍थी १०:१३