अय्‍युब 4:6 - Sunuwar Bible

⁶ मार इन परमप्रभु कली मान पा हिंतीकेम थमा मसुइक्‍नीनी? इन ठीक पतीकेमी आस मगेबा?

अय्‍युब 4:6 ပူးပေါင်းရင်းမြစ်များ

२ राजा 20:3

मेकोमी “परमप्रभु यावे, गो इन ङोंइती रिम्‍शो पा बाक्‍ती। गो इन कली गेनायो मप्रोंइथु आं थुं नेल्‍लेमी इन नोले खोइक्‍ता। इन ङोंइती मार रिम्‍शो बाक्‍मे, मेको पाता, मेको मिम्‍तीन” दे आ थुं खाइश्‍शा ङाक्‍माक्‍त।

अय्‍युब 1:1

साइ नेसी ऊज रागीमी अय्‍युब नें पाइश्‍शो मुर का बाक्‍माक्‍‍त। मेको ब्रोंइम सम्‍म दोस मतथु नु रिम्‍शो थुं पाइश्‍शो दुम्‍शा बाक्‍चा माल्‍ब मुर बाक्‍माक्‍त। मेको परमप्रभु कली मान पा हिंशा मरिम्‍शो पतीक रे ङोन बाक्‍ब मुर बाक्‍माक्‍‍त। येरमीया २५:२०; बिलाप ४:२१; इजीकीएल १४:२४,२०; याकूब ५:११

अय्‍युब 13:15

मेकोम आं कली साइक्‍ब। गो आस मपाइनुङ। तन्‍न मुल गो आं लोव़ मेको आ ङोंइती वोइक्‍नुङ।

अय्‍युब 16:17

मो हना यो आं गुइमी मरिम्‍शो मपशो बाक्‍ती। आं पुंइशो लोव़ रिम्‍शो बाक्‍ब।

अय्‍युब 17:15

आं आस पशो ते लाक्‍गा? मिनु सुम आं पर्बम आस पाइबा?

भजन संग्रह 26:1

परमप्रभु यावे, आं कली निसाफ पने। गो मारेइ दोस तचा ङा गेय मपङ। परमप्रभु यावे, गो इन कली जिम्‍मा गेंसीशा, महिम्‍सीथु बाक्‍ती।

भजन संग्रह 27:3

मिनु ठेयब लडाइ पाइब हुलम पुम्‍ताक्‍यीमी हना यो, गो महिंनुङ। जिचा पोक्‍तेक्‍म हना यो “परमप्रभुमी आं कली प्रोंइब” दे थमा सुइश्‍शा बाक्‍नुङ। भजन संग्रह ३:७

हितोपदेस 14:26

परमप्रभु यावे कली मान पा हिंचा, मेको मुर आ ख्रुइश्‍शा ब्रोंइशा बाक्‍तीक बाक्‍ब। मेको आ आलपुकीमी यो मेको ताइनीम। हितोपदेस १८:१०

हितोपदेस 3:26

मारदे हना परमप्रभु यावे गे नु बाक्‍ब, मेकोमी इ खोइल कली रेत्‍तीक रे प्रोंइब। हितोपदेस १०:२९

यसैया 33:6

मिनु सियोन इ नाक्‍ती नेल्‍ल रिम्‍शो दुम्‍ब। मेना शुश पाप रे प्रोंइतीके, तुइक्‍तीके नु जोक्‍तीक गे नु बाक्‍‍ब। सियोन ङा मुर आन शोंप परमप्रभु यावे कली मान पा हिंचा बाक्‍ब।

१ पत्रुस 1:13

मोपतीके इन थुं फ्रेंदीन। गेय पचा ङोंइती मिम्‍तीन। येसु ख्रीस्‍त जाक्‍मेनु, इन कली शिशी पाइब, दे आस पा बाक्‍कीन। लूका १२:३५-३६

१ पत्रुस 1:17

गेपुकीमी परमप्रभु यावे कली “इं आफ” दे पुंइना पुंइन बाक्‍नीनी। मेकोमी मुर आन कुल मकोव़थु, आन पशो कोव़शा, निसाफ पाइब। मोपतीके गे रागीमी बाक्‍नीनु, पाप पचा हिनीन। रोमी २:११; फिलिप्‍पी २:१२