अय्‍युब 4:3 - Sunuwar Bible

³ गे शुश मुर आन कली शेंताक्‍नी। गे मचाप्‍ब मुर आन कली बोल्‍यो सेल्‍तीनी।

अय्‍युब 4:3 ပူးပေါင်းရင်းမြစ်များ

उत्पत्ती 18:19

गो अब्राहाम कली तुइक्‍नुङ, आ आल नु आ चच युइ आन कली परमप्रभु यावे आ लां गाक्‍पाइक्‍चा कली अरेब। मिनु मेकोपुकी परमप्रभु यावे आ लां खोइक्‍ब दुम्‍शा, ठीक नु रिम्‍शो पचा शेंसीशा पाइ‍नीम। परमप्रभु यावेमी अब्राहाम कली मार लोव़ देंमे, मेको नेल्‍ल दुम्‍ल” देंमाक्‍त। ब्‍यवस्‍था ६:७; ब्‍यवस्‍था ३२:४६

एज्रा 6:22

मिनु मेकोपुकीमी ग्‍येरशा ७ नाक्‍त सम्‍म बोरब ओख्‍ती मसुप्‍शो शोब्‍ले ङा चाड मानेम्‍‍तेक्‍म। मारदे हना परमप्रभु यावेमी मेको आन कली ग्‍येरपाइश्‍शो बाक्‍त। मेकोमी अस्‍सुर ङा पिप आ थुं हिरशा, मेको आन कली दाक्‍पाइश्‍शो बाक्‍त। मोपतीके मेको पिपमी इस्राएल ङा परमप्रभु आ खिं सेल्‍चा कली मेको आन कली वारच पाइक्‍तीमी।

अय्‍युब 16:5

गो इन थुं बारपाइक्‍तीक लोव़ पङ वा। मिनु आं शिशी पाइक्‍तीकेमी इन कली लेम्‍द वा।

अय्‍युब 29:11

आं ब्‍वाक्‍शो नेंबपुकीम आं कली ठेयब सेल्‍तीमी। मिनु आं कली तशा ‘रिम्‍शो बाक्‍ब’ देंतेक्‍म।

अय्‍युब 29:15

गो मिक्‍च मताइब आन मिक्‍च दुम्‍ती। मिनु खोइल मदुक्‍ब आन खोइल दुम्‍ती।

अय्‍युब 29:16

मारेइ मथीब आन कली आन आफ खोदेंशो दुम्‍ती। गो अर्को रागी ङा मुर आन कली आन मुददा कोव़शा गेतामी। अय्‍युब ३१:१८

अय्‍युब 29:21

गो लोव़ पङानु, मुर नेल्‍लेमी सिक्‍सी पा नेंतेक्‍म। मिनु नोफा दाइश्‍शा आ अर्थ नेंतेक्‍म।

अय्‍युब 4:4

दाइल पा गोल्‍शो आन कली इन लोव़मी आन थुं बारपाइक्‍तीनी। मिनु गे खोइल मथेक्‍ब आन कली खोइल थेक्‍ब सेल्‍तीनी।

हितोपदेस 10:21

ठीक पाइब मुर आन लोव़मी शुश मुर आन कली रिम्‍शो दुम्‍ब। तन्‍न मूर्ख आन निप्‍स मपाइक्‍तीके बेक्‍शा लाइनीम।

हितोपदेस 15:7

जोक्‍ब तुइक्‍ब मुर आन लोव़मी जोक्‍तीक फ्राइब। मूर्ख आन लोव़ मोदेंशो मबाक्‍ब।

हितोपदेस 16:21

जोक्‍ब तुइक्‍ब थुं पाइश्‍शो मुर कली रुप्‍ब मुर देंनीम। ब्रोव़शो लोव़म शेंतीक कली बारपाइक्‍ब।

यसैया 35:3

इन मारेइ पने मचाप्‍ब गुइ बोल्‍यो सेलीन। इन ख्रिंख्रि पाइब पोक्‍च बोल्‍यो सेलीन। हिब्रू १२:१२

यसैया 50:4

परमप्रभु, परमप्रभु यावेमी आं कली शेंब सेल्‍ती। गो मचाप्‍शो मुर आन कली लोव़ पा आन थुं बारपाइक्‍ब दुम्‍ती। मेकोम आं कली सुनी कुस कुस पोक्‍ब। आं कली शेंसीब खोदेंशो पा नोफा दाइश्‍शा नेंब सेल्‍ब।

इजीकीएल 13:22

मारदे हना गे जोल पा दोस गेशा ठीक पाइब मुर आन कली आन थुं लुक्‍च लपाइक्‍तीनी। गो मोदेंशो मपङ। मिनु आं अरेशो लोव़ मटीब आन कली टीब मदुमीन, देंशा ब्रोंइचा मगेनी। येरमीया २३:१४

सेफन्‍याह 3:16

मेको नाक्‍त यरूसलेम कली सियोन ङा मुर महिनीन। गे शुश गेय पने।

लूका 22:32

गो चहिं इ पर्बम परमप्रभु यावे कली ‘पत्रुस कली थमा सुइक्‍चा प्रोंइपाइक्‍चा मगेने’ दे पुंइता। गे नोले थमा पा इ थुं परमप्रभु यावे गे लेश्‍शा थमा सुइक्‍नेवे। मिनु थमा सुइक्‍ब आन कली ‘थमा सुइक्‍चा मप्रोनीन’ दे आन थुं बारपतो” दे अर्ती गेवा बाक्‍त। यूहन्‍ना १७:११,१५

लूका 22:43

मिनु परमप्रभु यावे आ स्‍वर्ग ङा गेय पाइब का ग्रूशा, येसु कली बोल गेवा बाक्‍त।

एफिसी 4:29

गेपुकी नना ओल लोव़ काइ मपने। मुर आन कली रिम्‍शो दुम्‍ब नु गारचा ङा लोव़ ला पने। मुरपुकीमी इन रिम्‍शो लोव़ नेन्‍मेनु, परमप्रभु यावे आ शिशी रुप्‍मेक्‍ल। एफिसी ५:४; कलस्‍सी ४:६

ब्‍यवस्‍था 3:28

मिनु गे यहोसु कली अरेशा, लोव़ पा ठेयब थुं पाइश्‍शो सेलो। मारदे हना मेकोमी मुर आन ङोंइती शोक्‍शा, इ तशो रागी मेको आन के दुम्‍चा कली योव़ब” दे परमप्रभुम आं कली देंत। ब्‍यवस्‍था ३१:३,७;

कलस्‍सी 4:6

इन पशो लोव़ हिक्‍सी ङाम्‍शो खोदेंशो दुम्‍ल। इन कली हिल्‍लो पाइब नेल्‍ल आन कली दोपा लोव़ लेत्‍चा, दे तुइक्‍चा माल्‍नीनी। मर्कूस ९:५०; एफिसी ४:२९

हिब्रू 12:12

मोपतीके श्‍येत जाइतीनी हना यो, लांमी गाक्‍शा दशो खोदेंशो मदुमीन, इन गुइ खोइल सेस दुम्‍शा गाक्‍कीन।