अय्‍युब 32:3 - Sunuwar Bible

³ अय्‍युब आ वारच सां आन कली तशा यो गाइक्‍ता बाक्‍ब। मारदे हना मेकोपुकीमी अय्‍युब कली लोव़ लेत्‍ने मचाप्‍मे बाक्‍त। मो हना यो मेकोपुकीम अय्‍युब कली दोस ताइब सेल्‍मे बाक्‍त। अय्‍युब १५:४; अय्‍युब १८:२१; अय्‍युब २०:२९; अय्‍युब २२:५

अय्‍युब 32:3 ပူးပေါင်းရင်းမြစ်များ

अय्‍युब 15:34

मारदे हना परमप्रभु आ अरेशो मटीब नु गाक्‍ब शोर गाक्‍शो बाक्‍ब। घूस जाइब आन ताम्‍बुपुकी मीम नेक्‍ब।

अय्‍युब 24:25

सुइमी आं कली ‘गे जोल पाइब नवे’ दे देंने मचाप्‍नीम। मिनु आं कली ‘फश लोव़ पाइब’ देंने मचाप्‍नीम” देंमाक्‍त।

अय्‍युब 32:1

मिनु मेको मुर सांमी अय्‍युब कली लोव़ पचा प्रोन्‍मे बाक्‍त। मारदे हना अय्‍युबम आंम कली “गो ठीक पाइब नङ” देंस ङा देंस पवा बाक्‍त।

अय्‍युब 32:2

मिनु राम आ खिं ङा बूज ङा बाराकेल आ तौ एलीहु गाइक्‍ता बाक्‍त। मारदे हना अय्‍युबमी आंम कली परमप्रभु आ ङोंइती शुश पाप मपाइब खोदेंशो सेल्‍से बाक्‍त। उत्‍पत्ती २२:२१; अय्‍युब १३:१८; अय्‍युब १९:६-७; अय्‍युब २५:५-६

अय्‍युब 32:4

मेकोपुकी अय्‍युब नु लोव़ पामेनु एलीहु चहिं सिक्‍सी पा बाक्‍शो बाक्‍माक्‍त। मारदे हना, मेको आन क्‍येङा आल बाक्‍माक्‍त।

अय्‍युब 42:7

मिनु परमप्रभु यावेम अय्‍युब नु लोव़ पने थुम्‍शा, मेकोम तेमान ङा एलीफाज कली “गे नु इ वारच निक्‍शी इन कली तशा, गो गाइश्‍शो बाक्‍नुङ। मारदे हना गे आं पर्बम थमा लोव़ मपनी। तन्‍न आं गेय पाइब अय्‍युबमी आं पर्बम थमा लोव़ पाप्‍तु।

अय्‍युब 8:6

गे ग्रांग्रा मदिचा ङा नु गेना हना यो रिम्‍शो पाइब बाक्‍तीनी हना, मेको थमा पा इन पोन बोक्‍ब। मिनु मेकोम इन खिं लेंशा, ङोंइती ङा खोदेंशो पा गेब। भजन संग्रह ३५:२३

प्रेरित 24:13

आं कली शुश अरु दोस यो गेतीमी। तन्‍न थमा पा ग्रुंइशा कोंइने मचबेम।

प्रेरित 24:5

मेको इन ङोंइती राप्‍पा वोइश्‍शो मुर कली गो रिम्‍शो पा तुइक्‍नीकी। मेको मुर थम हिंचा ङा रोइ खोदेंशो बाक्‍ब। रागी रागी हिरशा गाक्‍मेनु, यहूदी आन कली पोक्‍शा मरिम्‍शो पपाइक्‍बाक्‍त। एको नासरथ ङा दूली थमा सुइक्‍ब आन ठेयब मुर बाक्‍ब। प्रेरित १७:६