अय्‍युब 27:9 - Sunuwar Bible

⁹ श्‍येत जचा चिक्‍तमेनु, आन ङाक्‍शो परमप्रभुमी नेंबा ङा?

अय्‍युब 27:9 ပူးပေါင်းရင်းမြစ်များ

भजन संग्रह 109:7

मिनु मेको आ निसाफ दुम्‍मेनु, मेको दोस ताइब दुम्‍ल। मिनु मेको आ परमप्रभु कली पुंइतीक लोव़ पाप दुम्‍ल।

भजन संग्रह 18:41

मेकोपुकीमी “वारच पाइक्‍की” दे ग्रीमानु, मेको आन कली प्रोंइब सुइ मबा। परमप्रभु यावे कली पुंइतेक्‍म हना यो, मेकोमी मेको आन कली लोव़ मलेत्‍त। हितोपदेस १:२८

भजन संग्रह 18:42

मिनु गो मेको आन कली फशेम बेरपाइश्‍शो फुरक खोदेंशो पा फस सेल्‍तामी। गो मेको आन कली लां ङा ग्रांग्रा खोदेंशो पा ताइक्‍‍ताक्‍ङमी।

भजन संग्रह 66:18

आं थुंमी पाप बाक्‍शो हना, परमप्रभुमी आं लोव़ मनेन वा। हितोपदेस २८:९

हितोपदेस 1:27

शुश हिंतीके ठेयब फश खोदेंशो पा इन तारी जाक्‍त हना, श्‍येत फश गिवार खोदेंशो पा इन तार जाक्‍त हना, श्‍येत नु हिंतीकेम इन कली सुम्‍तु हना,

हितोपदेस 1:28

मेना आं कली थोनीनु, गो इन कली लोव़ मलेत्‍नुङ। गेपुकीमी आं कली शुश माल्‍तीनी हना यो, मथित्‍नीनी। यसैया ५९:२; मीका ३:४

हितोपदेस 28:9

सुमी परमप्रभु यावे आ अरेशो लोव़ नेंशा मटीबा, मेको आ परमप्रभु कली पुंइतीक लोव़ यो ग्रांग्रा दिशो बाक्‍ब। हितोपदेस १५:८

यसैया 1:15

इन गुइ क्‍युक्‍शा, गो नु लोव़ पनीनु, आं कुल ख्रुइक्‍नुङ। गेपुकीम शुश पुंइतीनी हना यो, गो मनेंनुङ। मारदे हना इन गुइम हुश ख्राक्‍श पशो बाक्‍ब। हितोपदेस १:२८; हितोपदेस १५:२९; यूहन्‍ना ९:३१

येरमीया 11:11

मोपतीके परमप्रभु यावेमी “गो थमा पा, मेको आन कली ठेयब श्‍येत गेनुङमी। मिनु मेको रे प्रोक्‍ने मचाप्‍नीम। आं कली पुंइतेक्‍म हना यो, गो मेको आन लोव़ मनेंनुङ। भजन संग्रह १८:४२; यसैया १:१५; इजीकीएल ८:१८

येरमीया 14:12

मेकोपुकी माइजा बाक्‍तेक्‍म हना यो, गो मेको आन पुंइशो मनेंनुङ। मेकोपुकीमी चोशा चढ़ेतीके, अन्‍न चढ़ेतीके चढ़ेम्‍तेक्‍म हना यो, गो मेको आन कली मब्राइ‍नुङमी। मेको आ पा ङा गो मेको आन कली, तरवार, अन्‍काल नु बेक्‍तीक रोइम साइक्‍नुङमी” दे माइक्‍ती। यसैया ५८:३; येरमीया ६:२०

इजीकीएल 8:18

मोपतीके गो मेको आन कली आं गाइक्‍तीकेम गेय पाइ‍नुङ। गो मेको आन कली शिशी मपथु, सुइ आन कली ब्रोंइचा मगेनुङ। मेकोपुकीम ठेयब सेंदा पा पुंइशा ग्रीतेक्‍म हना यो, मेको आन लोव़ मनेंनुङ” देंत। इजीकीएल ७:४; यसैया १:१५

होसे 7:14

मेकोपुकीमी आन थुं नेल्‍लेमी आं कली मब्रेत्‍नीम। तन्‍न आन ब्राख्‍येमी रोंका पाइनीम। अन्‍न नु नक अङगुर शांबु आ पर्बम बुक्‍नीम। तन्‍न आं रे पा आन कुल हिरनीम।

मीका 3:4

मिनु मेकोपुकीमी परमप्रभु यावे कली पुंइनीम। तन्‍न मेकोमी मेको आन पुंइशो लोव़ मलेप्‍ब। आ अरेशो मटितीके मेकोमी मेको आन क्‍येङा आ कुल ख्रुइक्‍ब। हितोपदेस १:२८; इजीकीएल ८:१८

जकरिया 7:13

दोपा मेकोपुकीमी आं लोव़ मनेन्‍मे, मोपा गो यो मेको आन पुंइशो लोव़ मनेंनुङ।

लूका 13:25

मारदे हना खिं ङा मुरुमी लाप्‍चो चोक्‍ब। मिनु जाक्‍शोपुकी लाङगाम राप्‍‍शा ‘ओव़चा गेकी, प्रभु’ दे ब्रेत्‍नीनी। तन्‍न खिं ङा मुरुमी ‘इन कली मतुइक्‍नन्‍नी, ते रे जाक्‍शो ननी?’ देंब। मत्ती २५:११-१२

यूहन्‍ना 9:31

परमप्रभु यावेमी पापी आन लोव़ मनेंब, दे गोपुकीमी तुइक्‍नय। तन्‍न सुमी परमप्रभु यावे कली मान पशा, आ दाक्‍शो पाइबा, परमप्रभु यावेमी मेको कली आ पुंइशो गेब। भजन संग्रह ६६:१८; यसैया १:१५; हितोपदेस १५:२९

ब्‍यवस्‍था 1:45

मिनु गेपुकी लेश्‍शा जाक्‍शा, परमप्रभु यावे आ ङोंइती ङाक्‍तीनी। तन्‍न मेकोमी इन ङाक्‍शो मनेन। इन पुंइशो लोव़ यो मगेवो।

याकूब 4:3

गेपुकीमी पुंइतीनी हना यो, मारेइ मताइनीनी। मारदे हना आंम दला दाक्‍स पचा कली ला पुंइनीनी। मोपतीके इन पुंइशो मताइनीनी।