अय्‍युब 22:3 - Sunuwar Bible

³ गे ठीक पाइब बाक्‍‍तीनी हना, नेल्‍ल क्‍येङा ठेयब सक्ति पाइश्‍शो कली मार रिम्‍शो दुम्‍बा ङा? इन पशो नेल्‍ल दोस मततीक बाक्‍त हना, मेको कली मार रिम्‍शो दुम्‍बा ङा? अय्‍युब ३५:६-८

अय्‍युब 22:3 ပူးပေါင်းရင်းမြစ်များ

१ इतिहास 29:17

आं परमप्रभु, गे मुर आन थुं नाक्‍शा कोव़नीनी, दे तुइक्‍नुङ। गे ब्रेम्‍शो थुं पाइश्‍शो मुर तशा ग्‍येरनीनी। गो आं ब्रेम्‍शो थुं दुम्‍तीकेमी ग्‍येरशा एको नेल्‍ल इन कली चढ़ेता। मुल गो एक बाक्‍शो इन मुर आन कली ताता। ग्‍येरशो थुंमी एको नेल्‍ल चढ़ेम्‍तेक्‍म। भजन संग्रह ७:१०

अय्‍युब 21:15

‘नेल्‍ल क्‍येङा ठेयब सक्ति पाइश्‍शो सु बाक्‍म? गो मारदे मेको आ गेय पचा माल्‍नीकी? गो मेको कली पुंइशा मार ताइनीकी ङा?’ देंनीम। प्रस्‍थान ५:२; २ राजा १८:३५; भजन संग्रह १२:५; दानीएल ३:१५

अय्‍युब 22:2

“बेक्‍शा लाइब मुरुम परमप्रभु कली मार पने चाप्‍बा ङा? शुश जोक्‍ब तुइक्‍ब मुरुम यो मेको कली मार गेय पने चाप्‍बा ङा?

अय्‍युब 22:4

इन परमप्रभु कली मान पा हिं‍तीके आ पर्बम इन कली महुइक्‍ब। मेको आ पर्बम इन कली निसाफ मपाइब।

अय्‍युब 34:9

मारदे हना मेकोमी ‘परमप्रभु कली ग्‍येरशा टिचा, शोर गाक्‍शो बाक्‍ब’ देंब। अय्‍युब ९:२२

अय्‍युब 35:7

गे ठीक पाइब दुम्‍तीनी हना, मेको कली मार गेनीनी ङा? इन गुइ रे मेकोम मार ताइबा ङा? अय्‍युब २२:२-३; रोमी ११:३५

भजन संग्रह 119:59

गो इन पतीके मिम्‍शा, इन देंशो लोव़ ङा लांम गाक्‍नुङ।

भजन संग्रह 39:1

मिनु गो “गो आं गेय नेल्‍ल होस पा पाइक्‍नुङ। गो लोव़ पचा यो होस पा पाइक्‍नुङ। मरिम्‍शो पाइबपुकी आं नेक्‍था बाक्‍तेक्‍म हना, गो सिक्‍सी पा बाक्‍नुङ” देंती।

हितोपदेस 11:1

परमप्रभु यावेमी जोल पा नाक्‍तीक तशा, ग्रांग्रा दीब। तन्‍न ठीक नाक्‍तीक तशा शुश ग्‍येरसीब। लेवी १९:३५-३६

हितोपदेस 11:20

मरिम्‍शो थुं परमप्रभु यावे कली ग्रांग्रा बाक्‍ब। तन्‍न दोस मताइब रिम्‍शो थुं पाइश्‍शो मुर आन लां गाक्शो तशा ग्‍येरसीब।

हितोपदेस 12:22

परमप्रभु यावेम जोल पाइब आन कली तशा ग्रांग्रा दी‍ब। जोल मपथु, आ अरेशो टीब आन कली तशा ग्‍येरसीब।

हितोपदेस 15:8

परमप्रभु यावे आ अरेशो मटीब आन चढ़ेशो तशा, परमप्रभु यावे ग्रांग्रा दी‍ब। तन्‍न रिम्‍शो थुं पाइश्‍शो मुर आन पुंइशो नेंशा ग्‍येरसीब। हितोपदेस २१:२७; यसैया १:११,१५; हितोपदेस २८:९; लूका १८:९-१४

हितोपदेस 9:12

गे जोक्‍ब तुइक्‍ब दुम्‍‍ते हना, मेको इ कलीन दुम्‍ब। गे शुक्‍शी पाइब दुम्‍ते हना, मेको रे पिशो दोस नेल्‍ल इ केन बाक्‍ब।

मलाकी 2:17

गे इन लोव़मी परमप्रभु यावे कली ब्रीपाइक्‍तीनी। मोपा यो गेपुकीमी “गोपुकीमी मार लोव़मी इन कली ब्रीपाइक्‍का?” देंतीनी। गेपुकीमी “दूली लोव़ पा मरिम्‍शो गेय पाइब नेल्‍ल परमप्रभु यावे आ ङोंइती ठीक बाक्‍नीम। मिनु मेको, मेको आन कली तशा ग्‍येरसीशो बाक्‍ब” दे “निसाफ पाइब परमप्रभु ते बाक्‍बा ङा?” दे यो देंनीनी। मलाकी ३:१३-१४

प्रेरित 24:16

मोपतीके गो परमप्रभु यावे नु मुर आन ङोंइती रिम्‍शो पाइनुङ, दे आं थुं फ्रेंशा बाक्‍नुङ। प्रेरित २३:१

२ कोरिन्‍थी 7:1

आं दाक्‍शोपुकी, गो नेल्‍लेमी परमप्रभु यावे आ गेशो लोव़ तुइश्‍शो बाक्‍नय। मोपतीके इं रां थुं नेल्‍ल मरिम्‍शो पतीक रे ङोन बाक्‍नय। मिनु इं परमप्रभु यावे कली ला मान पा हिंशा ठेयब सेल्‍नय।

फिलिप्‍पी 4:18

गो मार मार माल्‍ङा, आं माल्‍शो क्‍येङा शुश ताता। इपाफ्रोडीटसमी इन सोइश्‍शो क्‍येट गेती। मेको ब्रोव़शो रिना पाइश्‍शो परमप्रभु यावे कली चढ़ेशो खोदेंशो बाक्‍ब। परमप्रभु यावे इन मो पशो तशा ग्‍येरसाक्‍व। फिलिप्‍पी २:२५