अय्‍युब 22:2 - Sunuwar Bible

² “बेक्‍शा लाइब मुरुम परमप्रभु कली मार पने चाप्‍बा ङा? शुश जोक्‍ब तुइक्‍ब मुरुम यो मेको कली मार गेय पने चाप्‍बा ङा?

अय्‍युब 22:2 ပူးပေါင်းရင်းမြစ်များ

अय्‍युब 21:15

‘नेल्‍ल क्‍येङा ठेयब सक्ति पाइश्‍शो सु बाक्‍म? गो मारदे मेको आ गेय पचा माल्‍नीकी? गो मेको कली पुंइशा मार ताइनीकी ङा?’ देंनीम। प्रस्‍थान ५:२; २ राजा १८:३५; भजन संग्रह १२:५; दानीएल ३:१५

अय्‍युब 22:1

मिनु तेमान ङा एलीफाजमी

अय्‍युब 22:3

गे ठीक पाइब बाक्‍‍तीनी हना, नेल्‍ल क्‍येङा ठेयब सक्ति पाइश्‍शो कली मार रिम्‍शो दुम्‍बा ङा? इन पशो नेल्‍ल दोस मततीक बाक्‍त हना, मेको कली मार रिम्‍शो दुम्‍बा ङा? अय्‍युब ३५:६-८

अय्‍युब 7:17

मुर मार नमी ङा? गे मेको आन पर्बम शुश मिम्‍नीनी? मारदे गे मेको आन कली शुश दाक्‍नीनी। भजन संग्रह ८:४; भजन संग्रह १४४:३

भजन संग्रह 16:2

गो परमप्रभु यावे कली ‘गे आं परमप्रभु बाक्‍नीनी। गो इन क्‍येङा अर्को मारेइ रिम्‍शो मतुइक्‍नुङ’ देंती। भजन संग्रह ७३:२५

हितोपदेस 9:12

गे जोक्‍ब तुइक्‍ब दुम्‍‍ते हना, मेको इ कलीन दुम्‍ब। गे शुक्‍शी पाइब दुम्‍ते हना, मेको रे पिशो दोस नेल्‍ल इ केन बाक्‍ब।

मत्ती 5:29

इ ग्‍युरा मिक्‍चीमी इ कली पाप पपाइक्‍तु हना, फेश्‍शा ताइक्‍तो। मारदे हना रां नेल्‍ल नरकम ख्रुम्‍चा पुंइसीचा क्‍येङा रां ङा मिक्‍च का जाम्‍शा लशो रिम्‍शो दुम्‍ब। मत्ती १८:८-९; मर्कूस ९:४७; कलस्‍सी ३:५

लूका 17:10

गेपुकी गेय पाइब ननी। परमप्रभु यावेम इन कली आ गेय पाइब सेल्‍शा, गेय पपाइक्‍तु। मिनु एको गेय पशा ‘परमप्रभु यावे आ देंशो पाइतय। तन्‍न सेवासी गेने मपुंइसय। मारदे हना आ वोइश्‍शो मुर नय’ दे मिम्‍तीने” दे शेंदीमी बाक्‍त। १कोरिन्‍थी ९:१६

प्रेरित 17:25

मुरपुकीमी परमप्रभु कली मारेइ गेचा ममाल्‍नीमी। आं कका रागीमी बाक्‍ब नेल्‍ल आन कली ब्रोंइतीक सोक्‍त नु आन माल्‍शो नेल्‍ल गेशो बाक्‍ब। भजन संग्रह ५०:९-१२

ब्‍यवस्‍था 10:13

दोपा दाक्‍चा नु गेय पचा देंशा हना, गो मुलाक्‍ती इन कली देंशो परमप्रभु यावे आ शेंशो नु आ फुल्‍लुम मुशा ब्रेक्‍शो लोव़ पचा माल्‍नीनी। मेको इन कली थम रिम्‍शो दुम्‍ब।