अय्‍युब 2:9 - Sunuwar Bible

⁹ मिनु मेको आ मीशेमी मेको कली “मार, गे मुल सम्‍म थमा सुइक्‍चा मप्रोंइनीनी? परमप्रभु कली सराप चीले पा बेक्‍कीन” दे मदा बाक्‍त।

अय्‍युब 2:9 ပူးပေါင်းရင်းမြစ်များ

उत्पत्ती 3:12

मिनु मुरुमी “इन गेशो मीश मुरुमी आं कली मेको रवा आ फल गेती। मिनु गो ब्‍वाता” देंमाक्‍त। २कोरिन्‍थी ११:३

उत्पत्ती 3:6

मिनु मीश मुरुम मेको रवा तशा ब्‍वशोनु, ब्रोव़चा ङा कोव़शोनु, दारशो, रुप्‍तीक थुं गेचा ङा तवा बाक्‍त। मोपतीके फल सेक्‍शा, ब्‍ववा बाक्‍त। मेको आ नेक्‍था बाक्‍ब आ वोंइश कली यो गेवा बाक्‍त। मेकोमी यो ब्‍ववा बाक्‍त। याकूब १:१४-१५; १तिमोथी २:१४

१ राजा 11:4

मिनु सोलोमन खूशो दुम्‍मेनु, मेको आ मीशपुकीम आ थुं अरु देवी देवता आन गे हिरपदमे बाक्‍त। मिनु मेको आ आफ दाऊद आ थुंम खोदेंशो पा आ थुं नेल्‍लेम परमप्रभु यावे, आ परमप्रभु आ नोले मखोदा बाक्‍त।

२ राजा 6:33

मिनु एलीशाम मेकोपुकी नु लोव़ पना पन बाक्‍मेनु मेको लोव़ कुरब मुर जाक्‍माक्‍त। मिनु पिपमी “एको खतम दुम्‍तीक परमप्रभु यावे रे जाक्‍शो बाक्‍ब। मुल गो मारदे परमप्रभु यावे कली आस पा बाक्‍नुङा?” देंमाक्‍त। आमोस ३:६

अय्‍युब 1:11

तन्‍न गे इन गुइ दिंशा, मेको आ मारेइ मारेइ थि‍ने। मिनु मेकोमी इन कली इन ङोंइतीन सराप चीले पाइब” देंमाक्‍त।

अय्‍युब 2:10

तन्‍न अय्‍युबमी “गे मूर्ख मीश मुर खोदेंशो पा लोव़ पाप्‍तीवी। परमप्रभु आ गेशो रिम्‍शो चहिं ताक्‍शा, मरिम्‍शो चहिं मताक्‍चा ङा?” दे मदा बाक्‍त। मेको लोव़ नेल्‍लेम अय्‍युबमी मारेइ पाप मपवा बाक्‍त। अय्‍युब १:२२

अय्‍युब 2:3

मिनु परमप्रभु यावेम सैतान कली “गे आं गेय पाइब अय्‍युब कली तवी? रागीमी मेको खोदेंशो अरु सुइ मबाक्‍नीम। मेको दोस मताइब, गेना हना यो ठीक पाइब नु आं कली मान पा हिंब बाक्‍ब। मेकोम मरिम्‍शो मपाइब। गे मेको कली श्‍‍येत गेचा कली आं कली क्‍युक्‍ती, हना यो मुल सम्‍म मेको आ थमा सुइक्‍तीके ग्‍येत्‍थ लुक्‍च मदुम्‍शो बाक्‍ब” दे मदा बाक्‍त।

अय्‍युब 2:5

इन गुइ दिंशा, मेको आ रुश नु श्‍ये थि‍ने। मिनु मेकोम इन ङोंइतीन इन कली सराप चीले पाइब” दे लोव़ लेत्‍ता बाक्‍त।

अय्‍युब 2:8

मिनु अय्‍युबम ब्‍वाम्‍सीचा कली गर आ गम्‍टे का शेशा पुलु तार निस्‍से बाक्‍त।

लेवी 24:11

मिनु मेको इस्राएली ममा आ तौमी परमप्रभु यावे आ नें थिशा, सराप पवा बाक्‍त। मिनु मुरपुकीमी मेको कली मोसा आ बाक्‍तीकेम चाक्‍गमे बाक्‍त। मेको आ ममा आ नें शेलोमीथ बाक्‍माक्‍त। मिनु मेको दान आ थर ङा दिब्री आ तमी बाक्‍माक्‍त।

मलाकी 3:14

गेपुकीमी ‘परमप्रभु आ गेय पचा, मोशीन बाक्‍ब। आ शेंशो लोव़ पचा नु बेक्‍शो मुर आ पर्बम रोंका पशो खोदेंशो पा मुर नेल्‍ल आन परमप्रभु यावे आ ङोंइती रोंका पचा, मोशा बाक्‍ब। भजन संग्रह ७३:१३-१४; जकरिया ७:३,५

न्‍यायाधीस 14:17

मिनु भोज के ७ नाक्‍ती मनुम्‍म सम्‍म आ मीश सिम्‍सोन आ ङोंइती ङाक्‍स ङा ङाक्‍स बाक्‍माक्‍त। मोपतीके ७ नाक्‍त सम्‍म शुश हिल्‍लो पा पुंइतीके सिम्‍सोनमी मेको लोव़ आ मीश कली शोव़ङा बाक्‍त। मिनु मेकोमी लशा, आ मुर आन कली देंमाक्‍त। न्‍यायाधीस १६:१६-१७