अय्‍युब 2:3 - Sunuwar Bible

³ मिनु परमप्रभु यावेम सैतान कली “गे आं गेय पाइब अय्‍युब कली तवी? रागीमी मेको खोदेंशो अरु सुइ मबाक्‍नीम। मेको दोस मताइब, गेना हना यो ठीक पाइब नु आं कली मान पा हिंब बाक्‍ब। मेकोम मरिम्‍शो मपाइब। गे मेको कली श्‍‍येत गेचा कली आं कली क्‍युक्‍ती, हना यो मुल सम्‍म मेको आ थमा सुइक्‍तीके ग्‍येत्‍थ लुक्‍च मदुम्‍शो बाक्‍ब” दे मदा बाक्‍त।

अय्‍युब 2:3 ပူးပေါင်းရင်းမြစ်များ

उत्पत्ती 6:9

नोआह आ तौ सां बाक्‍मा बाक्‍त। नोआह शुश रिम्‍शो मुर बाक्‍माक्‍त। मुर नेल्‍लेमी “ठीक पाइब दोस मताइब मुर बाक्‍ब” दे तुइक्‍तमे बाक्‍त। नोआह परमप्रभु नु गाक्बाक्‍माक्‍त। उत्‍पत्ती ५:२२

२ सामुएल 20:20

मिनु योआबमी “गो खतम मपोक्‍नुङ, मक्‍याम्‍नुङ।

अय्‍युब 1:1

साइ नेसी ऊज रागीमी अय्‍युब नें पाइश्‍शो मुर का बाक्‍माक्‍‍त। मेको ब्रोंइम सम्‍म दोस मतथु नु रिम्‍शो थुं पाइश्‍शो दुम्‍शा बाक्‍चा माल्‍ब मुर बाक्‍माक्‍त। मेको परमप्रभु कली मान पा हिंशा मरिम्‍शो पतीक रे ङोन बाक्‍ब मुर बाक्‍माक्‍‍त। येरमीया २५:२०; बिलाप ४:२१; इजीकीएल १४:२४,२०; याकूब ५:११

अय्‍युब 1:11

तन्‍न गे इन गुइ दिंशा, मेको आ मारेइ मारेइ थि‍ने। मिनु मेकोमी इन कली इन ङोंइतीन सराप चीले पाइब” देंमाक्‍त।

अय्‍युब 1:6

मिनु काबु स्‍वर्गम बाक्‍ब परमप्रभु आ मुरपुकी परमप्रभु यावे आ ङोंइती जाक्‍मानु, सैतान यो मेकोपुकी नु जाक्‍माक्‍त। अय्‍युब २:१; उत्‍पत्ती ६:२; १इतिहास २१:१

अय्‍युब 1:8

मिनु परमप्रभु यावेमी सैतान कली “गे आं गेय पाइब अय्‍युब कली तवी? परमप्रभु कली मान पा हिंब, मरिम्‍शो पतीक रे ङोन बाक्‍ब, रागीम मेको खोदेंशो पा पाप मपाइब नु ब्रेम्‍शो मुर अरु सुइ मबाक्‍नीम” दे मदा बाक्‍त।

अय्‍युब 13:15

मेकोम आं कली साइक्‍ब। गो आस मपाइनुङ। तन्‍न मुल गो आं लोव़ मेको आ ङोंइती वोइक्‍नुङ।

अय्‍युब 2:2

मिनु परमप्रभु यावेम सैतान कली “गे ते रे जाक्‍ङे?” दे हिल्‍लो पवा बाक्‍त। मिनु मेकोमी परमप्रभु यावे कली “रागी ङा एर ओंथ नेल्‍ल हिरशा जाक्‍ती” देंमाक्‍त।

अय्‍युब 2:4

मिनु सैतानम परमप्रभु यावे कली “कुशुल आ पा ङा कुशुल। मुरुम ब्रोंइचा कली आ मारेइ मारेइ मगेबा ङा?

अय्‍युब 9:17

मारदे हना मेकोमी आं कली फश गिवारम खतम सेल्‍ब। मोशान आं गार शुश सेल्‍ब।

अय्‍युब 9:20

गो दोस मताइब बाक्‍‍ती हना यो, आं लोव़मीन आं कली दोस ताइब सेल्‍ब। गो दोस मपाइश्‍शो बाक्‍‍ती हना यो, मेकोमी ‘गे दोस ताइब बाक्‍नेवे’ दे चिन्‍ड कोंइब।

भजन संग्रह 26:1

परमप्रभु यावे, आं कली निसाफ पने। गो मारेइ दोस तचा ङा गेय मपङ। परमप्रभु यावे, गो इन कली जिम्‍मा गेंसीशा, महिम्‍सीथु बाक्‍ती।

भजन संग्रह 37:37

दोस मताइब आन कली कोव़ङीन। रिम्‍शो थुं पाइश्‍शो मुर कली कोव़ङीन। मारदे हना मेकोपुकी थुं नाइश्‍शा बाक्‍शो बाक्‍नीम। उत्‍पत्ती ३९:७-९

भजन संग्रह 41:12

आं रिम्‍शो थुं आ पर्बम गे आं कली ग्‍योम्‍ताक्‍यीनी। मिनु गे आं कली गेना हना यो इन ङोंइती राप्‍पाइक्‍तीनी।

हितोपदेस 11:8

ठीक पाइब मुर हिंचा ङा श्‍येत रे प्रोंइचा पुंइसीनीम। तन्‍न परमप्रभु यावे आ अरेशो मटीबपुकी मेको श्‍येतमी हुम्‍सीनीम।

हितोपदेस 13:6

ठीक पतीकेमी रिम्‍शो थुं पाइश्‍शो मुर आन कली कोव़ब। तन्‍न परमप्रभु यावे आ अरेशो मटीब आन पाप पतीकेमी मेको आन कली खतम सेल्‍ब।

हितोपदेस 14:2

सु रिम्‍शो थुं पाइश्‍शो मुर बाक्‍मे, मेकोमी परमप्रभु यावे कली मान पा हिंब। तन्‍न सु हेंथे गाक्‍बा, मेको मुरुमी परमप्रभु यावे कली मदाक्‍ब।

हितोपदेस 15:8

परमप्रभु यावे आ अरेशो मटीब आन चढ़ेशो तशा, परमप्रभु यावे ग्रांग्रा दी‍ब। तन्‍न रिम्‍शो थुं पाइश्‍शो मुर आन पुंइशो नेंशा ग्‍येरसीब। हितोपदेस २१:२७; यसैया १:११,१५; हितोपदेस २८:९; लूका १८:९-१४

हितोपदेस 16:17

रिम्‍शो थुं पाइश्‍शो मुर मरिम्‍शो लां रे ङोन बाक्‍ब। मिनु मरिम्‍शो मपथु, होस पा बाक्‍ब ब्रोंइचा ताइनीम।

यूहन्‍ना 9:3

मिनु येसुमी “एको मुरुमी पाप पशो ममाइ, आ आम आफोमी यो मपाम्‍से। तन्‍न परमप्रभु यावे आ गेय कोंइचा कली एको मिक्‍च मताइब दुम्‍शो जरमेशो बाक्‍त। यूहन्‍ना ११:४

फिलिप्‍पी 3:12

मुल सम्‍म गो मेको नेल्‍ल मतङ। मिनु ठीक मदुम्‍ङ। तन्‍न मेको आं के दुम्‍ल, दे शुश गेय पाइनुङ। मारदे हना ख्रीस्‍त येसुम आं कली आ मुर सेल्‍ती। कलस्‍सी १:२९; १तिमोथी ६:१२; प्रेरित ९:३-६

याकूब 1:12

सु इन दातेमी आ थमा सुइक्‍तीके ठीक बाक्‍म कों, मबाक्‍म देय थुं थाम्‍चा पुंइसीशा फाल्‍ने चाप्‍बा, मेको मुर ग्‍येरसेक्‍ल। मेको थुं थाम्‍तीके ठीक दुम्‍त हना, मेको मुरुमी ब्रोंइतीक सिरपेच ताइब। परमप्रभु यावेमी “सुम आं कली दाक्‍बा, मेकोमी ब्रोंइतीक सिरपेच ताइब” दे लोव़ पशो बाक्‍ब। २तिमोथी ४:८

१ पत्रुस 1:7

मारदे श्‍येत जाइनीनी देंशा हना, इन थमा सुइश्‍शो थमा कों, जोल कों, दे नाक्‍चा कली श्‍येत जाइनीनी। मोपा श्‍येत जाइतीनी हना, इन थमा सुइक्‍तीके मीम याप्‍पाइश्‍शो सुन क्‍येङा शुश क्‍येट लाइब दुम्‍ब। मिनु येसु ख्रीस्‍त आ यिची ना ठेयब सेल्‍तीक, छेङछेङ नु मान पतीक दुम्‍ब। हितोपदेस १७:३, यसैया ४८:१०

१ पत्रुस 5:10

मिनु का निक्‍शी नाक्‍त श्‍येत जनी नोले नेल्‍ल शिशी पाइब परमप्रभु यावेमी “गेना हना यो छेङछेङमी बाक्‍चा गेनुङमी” दे ख्रीस्‍त आ नेंमी इन कली ब्रेश्‍शो बाक्‍त। मेकोमी इन कली आ राज्‍यम गारचा ङा सक्ति पाइश्‍शो नु ठीक सेल्‍ब। १पत्रुस १:६