अय्‍युब 15:4 - Sunuwar Bible

⁴ गे परमप्रभु कली मान पा हिंतीके तेक्‍नीनी। मिनु परमप्रभु कली मिम्‍शा पुंइचा यो तेक्‍नीनी।

अय्‍युब 15:4 ပူးပေါင်းရင်းမြစ်များ

रोमी 3:31

मो देंतय हना, परमप्रभु यावे आ अरेशो लोव़ क्‍याम्‍नीकी? ममाइ, येसु ख्रीस्‍त कली थमा सुइश्‍शोमी परमप्रभु यावे आ अरेशो लोव़ टीतय, दे रुब्‍य। मत्ती ५:१७

गलाती 2:21

परमप्रभु यावेमी मो गेशो शिशी खेर मसोइक्‍नुङ। यहूदी आन पतीके पाप रे ब्रोंइसीब हना, ख्रीस्‍त साइक्‍चा पुंइसीशा बेक्‍शो शोर गाक्‍शो मदुम्‍बा ङा?” दे केफास नु मेकेर देल्‍शा बाक्‍ब आन कली माइक्‍तामी।

लूका 18:1

मिनु येसुमी आ शेंसीब आन कली “परमप्रभु यावे कली पुंइचा नु ‘गे रिम्‍शो पाइब बाक्‍नीनी’ देंचा गेनायो मप्रोंइचा” दे रुप्‍पाइक्‍चा कली कथा सेला बाक्‍त। १थिस्‍सलोनिकी ५:१७

सेफन्‍याह 1:6

गो, परमप्रभु यावे, आं कली ममाल्‍थु, मपुंइथु आं नोले खोइक्‍चा प्रोंइशा, नोले शोंइसीब आन कली खतम पोक्‍नुङमी।

आमोस 6:10

मिनु खिं ङा मुर कामी मेको आन बेक्‍शो रां चोइब, खिं आगा रे बेक्‍शो मुर ग्रुंइचा कली जाक्‍शा, मेकेर ख्रुइक्‍ब का कली “गेपुकी नु अरु सुइ बाक्‍नीमी?” दे हिल्‍लो पाइब। मिनु मेकोमी “मबाक्‍ब” देंब। मिनु खिं ङा मुरुमी “सिक्‍सी पावो। गोपुकीमी परमप्रभु यावे आ नें थिचा मदुम्‍ब” देंब। आमोस ८:३

होसे 7:14

मेकोपुकीमी आन थुं नेल्‍लेमी आं कली मब्रेत्‍नीम। तन्‍न आन ब्राख्‍येमी रोंका पाइनीम। अन्‍न नु नक अङगुर शांबु आ पर्बम बुक्‍नीम। तन्‍न आं रे पा आन कुल हिरनीम।

भजन संग्रह 119:126

परमप्रभु यावे, इन गेय पची ना दुम्‍शो बाक्‍ब। मारदे हना मुरपुकीम इन अरेशो लोव़ मटीम।

अय्‍युब 27:10

मार, मेकोपुकीम नेल्‍ल क्‍येङा ठेयब सक्ति पाइश्‍शो कली मिम्‍शा ग्‍येरसीनीमी? मेकोपुकीम गेना हना यो मेको कली मिम्‍शा पुंइनीमी ङा?

अय्‍युब 6:14

सुमी आन वारच कली शिशी मपाइनीमी, मेकोम नेल्‍ल क्‍येङा सक्ति पाइश्‍शो कली मान पा हिंचा थुम्‍शो बाक्‍नीम।

अय्‍युब 5:8

गो मेको नङ हना, गो परमप्रभु कली मलु वा। आं पुंइशो लोव़ परमप्रभु कली देंङ वा।

अय्‍युब 15:3

जोक्‍ब तुइक्‍बमी इन कली शोर गाक्‍शो लोव़ लेत्‍चा दुम्‍बा? मारेइ रिम्‍शो मपाइब लोव़ लेत्‍चा दुम्‍बा?

अय्‍युब 15:5

इन देंशो नेल्‍ल इन मरिम्‍शो पतीके रे पिशो बाक्‍ब। गे मिलो शिलो पशो दाक्‍नीनी।