अय्‍युब 13:9 - Sunuwar Bible

⁹ परमप्रभुमी इन कली नाक्‍शा कोव़ङानु, गे नेल्‍ल ठीक बाक्‍नीनी? मार, मुर आन मिक्‍च सिल्‍शो खोदेंशो पा, मेको आ मिक्‍च यो सिल्‍ने चाप्‍नीनी?

अय्‍युब 13:9 ပူးပေါင်းရင်းမြစ်များ

अय्‍युब 12:16

सक्ति नु तुइक्‍तीक परमप्रभु नु बाक्‍ब। दूली पाइ‍ब नु दूली पपाइक्‍ब, निम्‍फा आ केन बाक्‍नीस। १राजा १२:२८-३०; २राजा १९:१०-३७

अय्‍युब 14:10

तन्‍न बेक्‍शा लाइब मुर बेक्‍शा जाम्‍शा लाइनीम। मुर आ सोक्‍त लाइब। मिनु ते लाइ‍बा मतुंइसीब?

अय्‍युब 17:2

थमा पा, आं एर ओंथ शुक्‍शी पाइब बाक्‍‍नीम। मेको आन शुक्‍शी पशो मारेइ ममिम्‍नुङ। अय्‍युब १६:१९

अय्‍युब 34:36

अय्‍युबम मेको क्‍येङा तेम्‍शा श्‍येत जवल। मारदे हना आ लोव़ परमप्रभु आ अरेशो मटीब आन लोव़ खोदेंशो बाक्‍ब।

भजन संग्रह 139:23

परमप्रभु, गे आं कली नाक्‍शा, आं थुं कोव़यीनी। मिनु आं कली कोव़शा आं मिम्‍शो तुइक्‍तीन।

भजन संग्रह 44:21

मार, परमप्रभुमी मतुइक्‍बा ङा? मारदे हना परमप्रभुमी मुर आन थुं ङा ख्रुइश्‍शो नेल्‍ल तुइक्‍ब।

यसैया 28:22

शुक्‍शी लोव़ मपने। मो पाइतीनी हना इन कली फ्रेंशो डोरी खांइसीब। मारदे हना परमप्रभु, मुर नेल्‍ल आन परमप्रभु यावेमी “रागी नेल्‍ल खतम सेल्‍नुङ” देंशो नेंता। यसैया १०:२२-२३

येरमीया 17:10

गो, परमप्रभु यावेमी मुर आन कली नाक्‍नुङ। आन थुंम मार बाक्‍मे, मेको कोव़नुङ। आन गाक्‍शो लां नु आन पशो कोव़शा, इनाम गेनुङमी।