अय्‍युब 12:9 - Sunuwar Bible

⁹ परमप्रभु यावेम मेको नेल्‍ल पशो बाक्‍ब, दे सुम मतुइक्‍नीमी ङा?

अय्‍युब 12:9 ပူးပေါင်းရင်းမြစ်များ

उत्पत्ती 1:20

मिनु परमप्रभुमी “ब्‍वाक्‍कुमी मारेइ मारेइ ब्रोंइशा बाक्‍बपुकीम ब्रीमल। रागी तारी मारेइ मारेइ चिक्‍ब सरीङम बेरमल” देंमाक्‍त।

अय्‍युब 12:3

तन्‍न इन खोदेंशो रुप्‍तीक थुं आं के यो बाक्‍ब। गो यो इन खोदेंशो जोक्‍ब तुइक्‍ब नङ। मेको मुर नेल्‍लेम तुइक्‍नीम।

अय्‍युब 12:8

गे खप कली हिल्‍लो पने। मेकोमी इन कली शेंब। समुन्‍द्र ङा ङांइपुकीम इन कली शेंनीम।

अय्‍युब 13:1

गो मेको नेल्‍ल ताता। गो मेको नेंशा रुप्‍ता।

अय्‍युब 22:18

मो हना यो मेकोमी, मेको आन खिं रिम्‍शो थोव़कमी प्रिंताक्‍व। तन्‍न परमप्रभु यावे आ अरेशो मटीब आन मिम्‍शो काइ मदाक्‍नुङ।

यसैया 41:20

मुर नेल्‍लेमी परमप्रभु यावे आ पशो बाक्‍ब, दे तशा, तुइश्‍‍शा, मिम्‍शा रुप्‍चा माल्‍नीम। इस्राएली आन का ला बाक्‍शो परमप्रभुमी मोदेंशो सेल्‍तु” देंत।

दानीएल 5:18

हजुर, नेल्‍ल क्‍येङा ठेयब परमप्रभुमी इन आफ पिप नेबुकदनेसर कली राज्‍य, ठेयब दुम्‍तीके, मान ततीके नु शुश शोंप गेशो बाक्‍त। दानीएल २:३७

दानीएल 9:17

मोपतीके आंइ परमप्रभु, इन गेय पाइब, आं देंशो नु पुंइशो लोव़ नेनीने। मिनु इन नें आ पर्बम इन ब्रेश्‍शो बाक्‍तीके कली लेंशा शिशी पा कोव़ङीन।

प्रेरित 19:35

मिनु नोले सहर ङा ठेयब मुरुमी मेको आन कली रेयके पचा नाइक्‍पाइक्‍मी बाक्‍त। मिनु “इं एफिसीपुकी, आं लोव़ नेनीने। इं एफिसस सहरमी बाक्‍ब आरतेमीस देवी आ मन्‍दीर, आ नें यो नेल्‍ल क्‍येङा ठेयब बाक्‍ब, दे मुर नेल्‍लेमी ममिम्‍नीमी ङा? सरीङ रे दोक्‍शो मूर्ति कली मान पा ठेयब मसेल्‍नीमी ङा?

रोमी 11:36

परमप्रभु यावेमी मार बाक्‍त हना यो, आंमान सेल्‍तु। मिनु मारेइ मारेइ आइक्‍के नम। मिनु आ गोशो गेय आंमान थुम्‍ब, दे तुइक्‍तय। मोपतीके “परमप्रभु यावे नेल्‍ल क्‍येङा ठेयब बाक्‍ब” दे ठेयब सेल्‍तीक गेना हना यो लील। आमेन।

१ सामुएल 2:7

परमप्रभु यावे प्रुङग नु शोंप पाइश्‍शो सेल्‍ब बाक्‍ब। मेकोमी आइक्‍च नु ठेयब यो सेल्‍ब। भजन संग्रह ७५:८