अय्‍युब 11:8 - Sunuwar Bible

⁸ मेको सरीङ क्‍येङा यो इर बाक्‍ब। गे मार पने चाप्‍नीनी ङा? मेको बेक्‍शो मुर आन बाक्‍‍तीक क्‍येङा यो लुक्‍च लशो बाक्‍ब। गे मार तुइक्‍ने चाप्‍नीनी ङा?

अय्‍युब 11:8 ပူးပေါင်းရင်းမြစ်များ

अय्‍युब 22:12

परमप्रभु इर स्‍वर्गम बाक्‍‍ब। सोरुल आन कली कोव़ङीन। गिश इर बाक्‍नीमी।

आमोस 9:2

मेकोपुकी बेक्‍शो मुर आन बाक्‍तीक लाम्‍तेक्‍म हना यो, मेकेर रे कीशा ग्रुंइनुङ। मिनु मेकोपुकी इर सरीङ गे ङोइश्‍शा लाम्‍तेक्‍म हना यो, गो मेको आन कली ग्‍याइश्‍शा लुक्‍च फ्रुप्‍नुङमी। अय्‍युब २६:६; भजन संग्रह १३९:८

यसैया 55:9

सरीङ, रागी क्‍येङा इर बाक्‍शो खोदेंशो पा आं लां, इन लां क्‍येङा इर बाक्‍ब। मिनु आं मिम्‍शो इन मिम्‍शो, क्‍येङा इर बाक्‍ब।

भजन संग्रह 148:13

मेको नेल्‍लेमी परमप्रभु यावे आ नें ठेयब सेल्‍मेक्‍ल। मारदे हना मेको आ नें ला ठेयब बाक्‍ब। मेको आ मान ततीक ङा छेङछेङ रागी नु सरीङ तार बाक्‍ब।

अय्‍युब 35:5

इर सरीङ गे कोव़ङीन। इन क्‍येङा इर बाक्‍शो गोस्‍स कली कोव़ङीन।

अय्‍युब 26:6

परमप्रभु आ ङोंइती बेक्‍शो मुर आन बाक्‍‍तीके मख्रुंइसीशो बाक्‍ब। मिनु जाम्‍शा लतीके मसुम्‍सीशो बाक्‍ब। भजन संग्रह १३९:८; हितोपदेस १५:११; आमोस ९:२; प्रकाश ९:१

भजन संग्रह 103:11

रागी रे सरीङ दोशो इर बाक्‍बा, मोशोन आ गेना हना यो दाक्‍तीके आ कली मान पा हिंब आन कली पशो बाक्‍ब। भजन संग्रह ३६:६; यसैया ५५:८-९

२ इतिहास 6:18

मिनु मार, परमप्रभु थमा पा मुर नु रागीम बाक्‍बा ङा? सरीङ नु स्‍वर्गम इन कली मरिक्‍ब हना, इन कली सेल्‍शो खिंम इन कली दोपा रिक्‍बा ङा? १इतिहास २:५

अय्‍युब 7:9

गोस्‍स ब्रशा जाम्‍शो खोदेंशो पा बेक्‍शो मुर आन बाक्‍तीक उइ लाइबपुकी गेनायो लेश्‍शा मजाक्‍नीम।

अय्‍युब 11:9

मेको पुक्‍शोनु रागी क्‍येङा यो लाइश्‍शो बाक्‍ब। मिनु समुन्‍द्र क्‍येङा यो ब्रेम्‍शो बाक्‍ब।

अय्‍युब 37:23

तन्‍न गो नेल्‍ल क्‍येङा ठेयब सक्ति पाइश्‍शो कली थिन्‍ने मचाप्‍नीकी। मेको आ नेल्‍ल क्‍येङा सक्तिम गेय पाइब बाक्‍ब। मेकोमी निसाफ पशो नु ठीक पतीके गेनायो दूली मपाइब।

अय्‍युब 38:17

बेक्‍पाइक्‍ब आ ठेयब लाप्‍चो इ कली कोंइदमे? गे क्‍येर नाक्‍दो ङा लाप्‍चोपुकी तवी?

भजन संग्रह 36:6

इन ठीक पतीके ठेयब डांडापुकी खोदेंशो नु इन निसाफ पशो शुश लुक्‍च लशो समुन्‍द्र खोदेंशो बाक्‍ब। गे मुरपुकी, बी ब्‍यफ, क्‍यारश भेडा नु जन्‍तु आन कली कोव़शा, श्‍येत रे प्रोंइनीनी।

हितोपदेस 30:4

सु स्‍वर्ग लशा, लेश्‍शा यिशो बाक्‍बा ङा? सुम फश कली आ गुइमी ग्‍याइक्‍ने चाप्‍बा ङा? सुम समुन्‍द्र ङा ब्‍वाक्‍कु कुम्‍लो पने चाप्‍बा ङा? सुम रागी आ सुर सेला? मेको आ नें मार बाक्‍बा? मेको आ तौ आ नें मार बाक्‍बा? गे तुइक्‍नेवे हना” देनो। अय्‍युब ३८:२८-३४