अय्‍युब 11:7 - Sunuwar Bible

⁷ मार, गे परमप्रभु आ ख्रुइश्‍शोम मिम्‍शो तुइक्‍ने चाप्‍नीनी? गे नेल्‍ल क्‍येङा ठेयब सक्ति पाइश्‍शोम मार पने चाप्‍बा, मेको तुइक्‍ने चाप्‍नीनी?

अय्‍युब 11:7 ပူးပေါင်းရင်းမြစ်များ

रोमी 11:33

परमप्रभु यावेमी नेल्‍ल तुइक्‍ब। परमप्रभु यावे सक्ति पाइश्‍शो नेल्‍ल क्‍येङा ठेयब बाक्‍ब। मुरपुकीमी परमप्रभु यावे आ निसाफ पशो, मुर आन कली पाइश्‍शो, सुइमी रुम्‍ने मचाप्‍नीम। यसैया ४५:१५; यसैया ५५:८-९

उपदेसक 3:11

मेकोमी मारेइ मारेइ आन कली गारपाइश्‍शा सेल्‍तु। मेकोमी गेना हना यो ब्रोंइशा बाक्‍तीके मुर आन थुंम वोइक्‍तु। मो हना यो मेकोपुकीमी परमप्रभुमी ङोंइती रे नोले सम्‍म मार पवा, मेको रुप्‍ने मचाप्‍नीम। उपदेसक ८:१७

भजन संग्रह 145:3

परमप्रभु यावे ठेयब बाक्‍ब। मेको ठेयब सेल्‍चा शिरशो बाक्‍ब। मिनु मेको आ ठेयब दुम्‍तीके सुइमी रुप्‍ने मचाप्‍नीम।

एफिसी 3:8

गो परमप्रभु यावे आ मुर नेल्‍ल आन क्‍येङा आइक्‍च बाक्‍नुङ। मिनु परमप्रभु यावेमी आ शिशी रे आं कली “अर्को रागी ङा मुर आन कली ख्रीस्‍त आ शिशी गिश ठेयब बाक्‍बा तुइक्‍पाइक्‍मी” दे शेंब सेल्‍ती। १कोरिन्‍थी १५:९-१०; गलाती १:१६; एफिसी १:७

यसैया 40:28

मिनु “मार, गे मतुइक्‍तीनी, मनेंनी? परमप्रभु यावे गेना हना यो बाक्‍ब परमप्रभु बाक्‍ब। मेको रागी रागी कली सेल्‍ब बाक्‍ब। मेको मथाइब नु मदाइब। आ तुइक्‍तीके नेल्‍ल क्‍येङा ठेयब बाक्‍ब।

भजन संग्रह 77:19

इन लां समुन्‍द्र रे पा लशो बाक्‍त। इन गाक्‍शो लां ठेयब समुन्‍द्र आ दातेमी बाक्‍त। मो हना यो इन खोइलीम दिम्‍शो मारेइ मतांइसे। प्रस्‍थान १४:२१-३१

अय्‍युब 37:23

तन्‍न गो नेल्‍ल क्‍येङा ठेयब सक्ति पाइश्‍शो कली थिन्‍ने मचाप्‍नीकी। मेको आ नेल्‍ल क्‍येङा सक्तिम गेय पाइब बाक्‍ब। मेकोमी निसाफ पशो नु ठीक पतीके गेनायो दूली मपाइब।

अय्‍युब 5:9

मेकोमी ठेयब, रुप्‍ने मचाप्‍चा ङा नु छक लाक्‍चा ङा गेय हिक्‍ने मचाप्‍चा ङा पा पाइब। अय्‍युब ९:१०

१ कोरिन्‍थी 2:16

मार ब्रेक्‍शो बाक्‍ब देंशा हना “सुमी प्रभु आ थुं नाक्‍ने नु रुम्‍ने चाप्‍बा ङा? सुमी प्रभु कली शेंने चाप्‍बा ङा?” दे ब्रेक्‍शो बाक्‍त। तन्‍न गोपुकी नु ख्रीस्‍त आ थुं बाक्‍ब। यसैया ४०:१३

१ कोरिन्‍थी 2:10

मेको लोव़ परमप्रभु यावेमी आ सोक्‍त रे पा इं कली तुइक्‍पाइश्‍शा रुप्‍पाइक्‍तु। मारदे हना परमप्रभु यावे आ सोक्‍तीम नेल्‍ल तुइक्‍ब। ख्रुइश्‍शो लोव़ यो माल्‍शा ग्रुंइब। परमप्रभु यावे आ सोक्‍तीम परमप्रभु यावे आ थुं ङा लोव़ यो नेल्‍ल तुइक्‍ब।

मत्ती 11:27

आं आफोमी मारेइ मारेइ तुइक्‍पाइक्‍ती। सुइमी आं कली, आ तौ कली मतुइक्‍नीम। आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन कली योव़ङमी, मेको आन कली आ आफ आ पर्बम तुइक्‍पाइक्‍ब। मत्ती २८:१८; यूहन्‍ना ३:३५; यूहन्‍ना १७:२; फिलिप्‍पी २:९

अय्‍युब 26:14

मेको आ सक्ति ङा आइक्‍च गेय ला बाक्‍नीम। मेको रे गो आइक्‍च सेंदा ङा लोव़ ला नेंतक। मिनु मेको आ सक्तिम पशो बुंबु, सुम रुप्‍ने चाप्‍बा ङा?” देंमाक्‍त।

अय्‍युब 22:12

परमप्रभु इर स्‍वर्गम बाक्‍‍ब। सोरुल आन कली कोव़ङीन। गिश इर बाक्‍नीमी।

अय्‍युब 33:12

तन्‍न गे दूली मिम्‍ब बाक्‍नीनी। गो इन कली लोव़ लेत्‍नन्‍नी। बेक्‍शा लाइब मुर आन क्‍येङा परमप्रभु ठेयब बाक्‍ब।

अय्‍युब 33:13

गे मारदे परमप्रभु नु इन थुं मनुशो लोव़ पाइनीनी। मिनु गे ‘मेकोम आं लोव़ काइ मलेप्‍ब’ देंनीनी?

अय्‍युब 36:26

परमप्रभु थमा पा ठेयब बाक्‍ब। मिनु गो मेको मतुइक्‍नीकी। मेको आ बर्स हिक्‍ने मचाम्‍सीब।

अय्‍युब 37:5

परमप्रभु आ सेंदा बुंबु पशो खोदेंशो हिं‍चा ङा पा नेंसीब। मेकोमी गोपुकीम मरुप्‍चा ङा पा ठेयब गेय पाइब।

उपदेसक 7:24

शुश ङोन बाक्‍ब नु शुश लुक्‍च लशो थोव़क सुम तुइक्‍ने चाप्‍बा ङा?

अय्‍युब 27:11

गो इन कली परमप्रभु आ पशो आ पर्बम शेंनुङ। गो नेल्‍ल क्‍येङा ठेयब सक्ति पाइश्‍शो आ मिम्‍शो मख्रुइक्‍नुङ।

अय्‍युब 35:5

इर सरीङ गे कोव़ङीन। इन क्‍येङा इर बाक्‍शो गोस्‍स कली कोव़ङीन।

अय्‍युब 42:3

‘दूली लोव़ पा अर्ती गेब सु बाक्‍म? मारेइ मजोक्‍थु मार लोव़ पवा?’ देंतीनी गो थमा पा, आंमा मरुप्‍थु लोव़ पाता। मेको आं रुप्‍ने मचाप्‍शो थम छक लाक्‍चा ङा बाक्‍नीम। अय्‍युब ३८:२

भजन संग्रह 139:6

मेको तुइक्‍तीके आं कली थम ठेयब बाक्‍ब। मिनु गो मेको रुप्‍ने मचाप्‍नुङ।

हितोपदेस 30:4

सु स्‍वर्ग लशा, लेश्‍शा यिशो बाक्‍बा ङा? सुम फश कली आ गुइमी ग्‍याइक्‍ने चाप्‍बा ङा? सुम समुन्‍द्र ङा ब्‍वाक्‍कु कुम्‍लो पने चाप्‍बा ङा? सुम रागी आ सुर सेला? मेको आ नें मार बाक्‍बा? मेको आ तौ आ नें मार बाक्‍बा? गे तुइक्‍नेवे हना” देनो। अय्‍युब ३८:२८-३४