अय्‍युब 10:1 - Sunuwar Bible

¹ मिनु अय्‍युबम “गो ब्रोंइचा मदाक्‍नुङ। गो आं श्‍येत आ पर्बम लोव़ पस ङा पस बाक्‍नुङ। गो आं कशो थुंमी लोव़ पाइनुङ।

अय्‍युब 10:1 ပူးပေါင်းရင်းမြစ်များ

१ राजा 19:4

मिनु आं चहिं काबु ङा लां ङोन गोरशो रागीम ओव़माक्‍त। मिनु मेको बुटा आगाम निश्‍शा, परमप्रभु यावे कली “मुल नुप्‍त। आ सोक्‍त ब्रने। मारदे हना गो आं किकी पिपी आन क्‍येङा रिम्‍शो मनङ” देंमाक्‍त। अय्‍युब ७:१५; योना ४:३

अय्‍युब 14:13

गे आं कली बेक्‍शो मुर आन बाक्‍तीकेम ख्रुइक्‍तीन। इन गाइश्‍शो मनाइक्‍तीनी सम्‍म आं कली ख्रुइक्‍तीन। मिनु नोले आं कली फ्रुक्‍शा, गो नु ग्रुम्‍तीक नाक्‍त का वोतीन। यसैया २६:२०

अय्‍युब 19:4

गो थमा पा मरिम्‍शो पशो बाक्‍‍ती हना यो, मेको मरिम्‍शो पशो आं के बाक्‍ब।

अय्‍युब 5:20

मेकोमी अन्‍काल दुम्‍मेनु, इन कली बेक्‍चा रे प्रोंइब। मिनु लडाइ दुम्‍मेनु, तरवार रे प्रोंइब।

अय्‍युब 6:26

गे आं लोव़ रिम्‍शो सेल्चा माल्‍नीनी? गे थुं लुक्‍च लशो मुर आ लोव़ फश बाक्‍ब, दे मिम्‍नीनी?

अय्‍युब 7:11

मोपतीके गो सिक्‍सी पा मबाक्‍नुङ। गो आं थुं ङा श्‍येतम लोव़ पाइ‍नुङ। गो आं लुक्‍च लशो थुंम लोव़ पाइनुङ।

अय्‍युब 7:16

गो ब्रोंइशा बाक्‍चा मदाक्‍नुङ। गो गेना हना यो ब्रोंइशा बाक्‍चा मदाक्‍नुङ। गे आं कली प्रोंइ‍‍यीनी। मारदे हना आं ब्रोंइशो का ले कीशो सोक्‍त खोदेंशो बाक्‍ब। १राजा १९:४

अय्‍युब 9:21

गो दोस मताइब बाक्‍नुङ। मो हना यो गो आं पर्बम मारेइ मतुइक्‍नुङ। गो ब्रोंइचा मदाक्‍नुङ।

यसैया 38:15

तन्‍न गो मार देंनुङा ङा? मारदे हना गे आं कली लोव़ पाइतीनी। मोदेंशो आंमा पाइतीनी। आं निन्‍द्रा नेल्‍ल प्रोक्‍त। आं थुं लुक्‍च लत हना यो गो इन कली ठेयब सेल्‍नुङ।

यसैया 38:17

एको श्‍येत थमा पा आं कली ब्रोंइचा कली बाक्‍त। गे आं कली दाक्‍शा, श्‍येत रे ग्रुंइताक्‍यीनी। मारदे हना गे आं पाप नेल्‍ल क्‍याम्‍ताक्‍नी। भजन संग्रह ३२:५; मीका ७:१८-१९

योना 4:3

मुल परमप्रभु यावे, आं कली साइय्‍यीनी। मारदे हना गो ब्रोंइचा क्‍येङा बेक्‍चा दाक्‍नुङ” दे परमप्रभु यावे नु लोव़ पवा बाक्‍त। १राजा १९:४

योना 4:8

मिनु नां दाम्‍मेनु, परमप्रभुमी योना आ बाक्‍तीकेम पूर्ब रे होश फश सोइक्‍ता बाक्‍त। मिनु नांमी योना आ पिया नाप्‍शा, योना ओले पेते दुम्‍शा, गोल्‍माक्‍त। मिनु योनामी “ब्रोंइचा क्‍येङा बेक्‍चा दाक्‍नुङ” देंमाक्‍त।

गन्‍ती 11:15

मिनु गे आं कली ओदेंशो पाइक्‍तीनी। मिनु गो इन शिशी ताता हना, साइय्‍यीनी। मिनु गो आं खतम दुम्‍तीके तचा ममाल्‍नुङ” देंत। प्रस्‍थान ३२:३२