अय्‍युब 1:5 - Sunuwar Bible

⁵ मिनु अय्‍युबम मेको आन भोज पतीक नाक्‍त नेल्‍ल नुम नोले, आ तमी तौ आन कली “परमप्रभु आ ङोंइती ठीक सेल्‍सीन” देंथ, मुर सोइक्‍बाक्‍माक्‍त। मिनु अय्‍युबमी सुनी कना बोक्‍शा, मेको आन पर्बम चोशा चढ़ेतीक का का चढ़ेशा, मेको आन पाप क्‍याम्‍तीक गेय पाइबाक्‍माक्‍त। मारदे हना मेकोमी “आं आलपुकीम मारेइ पा परमप्रभु आ पर्बम पाप पामे कों” दे मिम्‍शा, गेना हना यो मो पाइबाक्‍माक्‍त।

अय्‍युब 1:5 ပူးပေါင်းရင်းမြစ်များ

उत्पत्ती 22:3

मिनु अब्राहाम सुनी कना बोक्‍शा, चढ़ेतीकेम चोचा कली शी चेश्‍शा, आ गधा ठीक पवा बाक्‍त। मिनु ठिटा निक्‍शी नु आ तौ इसहाक कली लाइश्‍शा, परमप्रभुमी देंशो पहाड लमा बाक्‍त।

उत्पत्ती 6:5

मिनु परमप्रभु यावेमी “रागीम बाक्‍शो मुर आं अरेशो मटीब नु मरिम्‍शो पाइब ला बाक्‍नीम। मार मिम्‍ताक्‍म हना यो, मरिम्‍शो बाक्‍त” दे मिम्‍ता बाक्‍त। उत्‍पत्ती ८:२१

उत्पत्ती 8:20

मिनु नोले नोआहम परमप्रभु यावे कली चढ़ेतीक का सेला बाक्‍त। मिनु चढ़ेचा दुम्‍ब बस्‍तु नु चढ़ेचा दुम्‍ब चिक्‍ब नेल्‍ल लाइश्‍शा चोशा चढ़ेतीक चढ़ेवा बाक्‍त। उत्‍पत्ती ७:२

१ राजा 18:31

मिनु एलीयाम १२ ओटा फुल्‍लु चाक्‍मी बाक्‍त। मेको याकूब आ १२ जना तौ आन थर का का पा १२ ओटा फुल्‍लु गुबा बाक्‍त। ङोंइती परमप्रभु यावेमी याकूब कली “इ नें इस्राएल दुम्‍ब” देंशो बाक्‍माक्‍त। प्रस्‍थान २४:४; उत्‍पत्ती ३२:२९

१ राजा 21:10

मिनु मरिम्‍शो पाइब मुर निक्‍शी आस कली मेको आ ङोंइती निप्‍पाइश्‍शा, एकोम ‘परमप्रभु नु पिप कली सराप पशो बाक्‍ब’ दे दोस गेपतीन। मिनु मेको नोले मेको कली लाङगा ग्रुंइशा फुल्‍लु आप्‍शा सतीन” दे ब्रेक्‍ता बाक्‍त। ब्‍यवस्‍था १७:६; मत्ती २६:५९-६१; प्रस्‍थान २२:२७

१ राजा 21:13

मिनु मेको नोले मेको मरिम्‍शो पाइब मुर निक्‍शी जाक्‍शा, मेको आ ङोंइती निस्‍ससा बाक्‍त। मिनु मेको निक्‍शीमी “नाबोथम परमप्रभु नु पिप कली सराप पशो बाक्‍ब” दे नेल्‍लेम नेंचा ङा पा दोस गेम्‍से बाक्‍त। मिनु मेकोपुकीम मेको कली लाङगा ग्रुंइशा फुल्‍लु आप्‍शा सदमे बाक्‍त।

नेहेम्‍याह 12:30

चढ़ेब नु लेवीपुकीमी आंम आंम कली चोव़खो सेल्‍सीशा, नोले मुर आन कली नु ठेयब लाप्‍चोपुकी नु गारो आन कली चोव़खो सेल्‍तेक्‍म।

अय्‍युब 1:11

तन्‍न गे इन गुइ दिंशा, मेको आ मारेइ मारेइ थि‍ने। मिनु मेकोमी इन कली इन ङोंइतीन सराप चीले पाइब” देंमाक्‍त।

अय्‍युब 1:4

मेको आ तौपुकीम पाल्‍पालो पा आन आन खिंमी भोज पतीक पाइबाक्‍मा बाक्‍त। मिनु मेकोपुकीम जचा तूचा कली आन समी सांफा आन कली यो ब्रेप्‍‍बाक्‍मा बाक्‍त।

अय्‍युब 2:9

मिनु मेको आ मीशेमी मेको कली “मार, गे मुल सम्‍म थमा सुइक्‍चा मप्रोंइनीनी? परमप्रभु कली सराप चीले पा बेक्‍कीन” दे मदा बाक्‍त।

अय्‍युब 27:10

मार, मेकोपुकीम नेल्‍ल क्‍येङा ठेयब सक्ति पाइश्‍शो कली मिम्‍शा ग्‍येरसीनीमी? मेकोपुकीम गेना हना यो मेको कली मिम्‍शा पुंइनीमी ङा?

अय्‍युब 41:25

मेको बोक्‍शा राम्‍मेनु, बोल्‍यो नेल्‍ल हिंनीम। मेकोम लडाइ तोवानु, मेको नेल्‍ल नोले शोंइसीनीम।

अय्‍युब 42:8

मोपतीके गे ७ ओटा ब्‍यफ नु ७ ओटा सांड लाइश्‍शा आं गेय पाइब अय्‍युब आ बाक्‍‍तीके लने। मिनु गेपुकीम इन पर्बम चोशा चढ़ेतीक चढ़ेने। मिनु आं गेय पाइब अय्‍युबमी इन पर्बम आं कली माफ पुंइचा माल्‍ब। मिनु गो मेको आ पुंइशो लोव़ नेंनुङ। मिनु गे इन मूर्ख लोव़ पशो ङा सजाइ मगेनन्‍नी। मारदे हना गे आं पर्बम थमा लोव़ मपनी। तन्‍न आं गेय पाइब अय्‍युबमी आं पर्बम थमा लोव़ पाप्‍तु” देंमाक्‍त। १इतिहास १५:२६; इजीकीएल १४:१४

अय्‍युब 6:14

सुमी आन वारच कली शिशी मपाइनीमी, मेकोम नेल्‍ल क्‍येङा सक्ति पाइश्‍शो कली मान पा हिंचा थुम्‍शो बाक्‍नीम।

अय्‍युब 8:4

इन तमी तौपुकीम मेको आ पर्बम पाप पाम्‍तेक्‍म। मोपतीके मेकोम मेको आन कली आन हेंथे पशो मोइक्‍ताक्‍व। अय्‍युब १:४-५

भजन संग्रह 5:3

परमप्रभु यावे, गे सुनी कना आं सेंदा नेंनीनी। गो मार माल्‍नुङा, मेको इन कली पुंइशा, रिम्‍शा बाक्‍नुङ।

प्रस्‍थान 18:12

मिनु मोसा आ शिउमी परमप्रभु कली चोशा चढ़ेतीक नु अरु चढ़ेतीक यो चढ़ेप्‍तु। मिनु हारून नु इस्राएल ङा मुर आन खाल्‍पा नेल्‍ल मोसा आ शिउ नु परमप्रभु कली मान पा ठेयब सेल्‍शा जाम्‍तेक्‍म। उत्‍पत्ती ३१:५४

प्रस्‍थान 19:10

मिनु परमप्रभु यावेमी मोसा कली “मुलाक्‍ती नु दीसा इस्राएली आन कली गो नु ग्रुम्‍पाइक्‍चा ठीक पावो। आन फेक्‍शो वा मुरपतो। लेवी ११:४४; यहोसु ३:५; अय्‍युब १:५

प्रस्‍थान 24:5

मिनु मोसामी इस्राएली ठिटा आन कली बोहोर क्‍योरशा, चोशा चढ़ेतीक नु परमप्रभु यावे नु दुशा बाक्‍चा आ पर्बम चढ़ेतीक चढ़ेपपाइक्‍तु। न्‍यायाधीस १७:७

उपदेसक 9:10

इ ङोंइती मार गेय बाक्‍मे, मेको इ सक्ति नेल्‍लेमी पावो। मारदे हना बेक्‍शो मुर आन बाक्‍तीकेम मारेइ मिम्‍तीके, जोक्‍तीके नु तुइक्‍तीके मबाक्‍ब।

येरमीया 4:14

मिनु परमप्रभु यावेम “ए यरूसलेम, गे पाप रे ब्रोंइचा तचा कली इ थुं इ परमप्रभु यावे कली मटितीके रे चिक्‍सो। गेना सम्‍म इ मरिम्‍शो मिम्‍तीक इ थुंम बाक्‍चा गेनेवे? येरमीया ६:८; यसैया १:१४

इजीकीएल 14:14

मेकेर नोआह, दानीएल नु अय्‍युब सांफा बाक्‍तेक्‍म हना यो, मेकोम आन ठीक पतीकेम आंमा ला ब्रोंइचा ताम वा, दे परमप्रभु, परमप्रभु यावेमी देंशो बाक्‍ब” देंत। येरमीया १५:१

लूका 1:75

आ मुर दुम्‍शा, ब्रोंइका सम्‍म ठीक गेय पा बाक्‍ने चाप्‍यल’ दे परमप्रभु यावे आ लोव़ पाइबमी देंमा बाक्‍त। तीतस २:१२-१४

लूका 18:7

मारदे हना निसाफ पाइब आ पशो खोदेंशो पा परमप्रभु यावेमी आ योव़शो आन कली आन पुंइशो मगेबा ङा? मेकोपुकीमी नाक्‍त किंत किंत पुंइचा मप्रोंइथु बाक्‍नीम। मुल मगेप्‍तु हना, काबु ङा काबु गेब। मिनु ग्रापाइक्‍ब।

यूहन्‍ना 11:55

मिनु यहूदी आन पास्‍सा चाड जाक्‍चशो बाक्‍त। पहाड ङा शुश मुरपुकी आंम कली ठीक सेल्‍चा, दे पास्‍सा चाड आ ङोंइती यरूसलेम लाइबाक्‍मा बाक्‍त। २इतिहास ३०:१७-१८

प्रेरित 21:26

मिनु पावलमी मेको आन लोव़ नेंशा, आ दीसा मेको ४ जना नु काथा लशा चोव़खेचा पुंइसीशा, परमप्रभु यावे आ खिं ओव़शा, चोव़खेतीक नाक्‍त गेना नुप्‍बा नु नोले चढ़ेचा, दे चढ़ेब आन कली तुइक्‍पदमे बाक्‍त। गन्‍ती ६:१३-२१; १कोरिन्‍थी ९:२०

प्रेरित 8:22

गे ओदेंशो मरिम्‍शो थुं पचा प्रोंइशा, इ थुं परमप्रभु यावे गे लेत्‍तो। मिनु परमप्रभुमी इ पाप क्‍याम्‍शा गेबा कों? दे पुनो।

१ कोरिन्‍थी 4:5

मोपतीके प्रभु आ निसाफ पतीक नाक्‍त मजाक्‍म सम्‍म मुर आन कली मनाक्‍तीन। आ निसाफ नाक्‍ती जाक्‍मेनु, ख्रुइश्‍शा वोइश्‍शो लोव़ नेल्‍ल तुइक्‍पाइक्‍ब। छिङछिङम ख्रुइश्‍शो थुं ङा थोव़क नेल्‍ल छेङछेङम तांइसीनीम। मिनु परमप्रभु यावेमी मुर आन कली “गे रिम्‍शो पाइतीनी” देंब। १कोरिन्‍थी ३:८

२ कोरिन्‍थी 11:2

इन कली मिम्‍शा, गो परमप्रभु यावेमी रुश पशो खोदेंशो दुम्‍ती। मारदे हना रिम्‍शो ग्‍युम्‍ली ग्‍युंबे पा गेशो खोदेंशो पा, इन कली ख्रीस्‍त कली गेतन्‍नी। एफिसी ५:२६-२७

एफिसी 6:18

मिनु गेपुकीमी गेना हना यो परमप्रभु यावे आ सोक्‍तीमी पतीके परमप्रभु यावे नु लोव़ पशा पुनीन। पुंइचा मदथु, परमप्रभु यावे आ मुर नेल्‍ल आन पर्बम पुनीन।

१ सामुएल 16:5

मिनु सामुएलमी “नेल्‍ल रिम्‍शोन बाक्‍ब। गो परमप्रभु यावे कली चढ़ेथ जाक्‍ती। गेपुकी आंम कली ठीक सेल्‍सीशा, चढ़ेतीकेम जाक्‍कीन” देंमाक्‍त। मिनु मेकोम चहिं येस्‍से नु आ तौ आन कली परमप्रभु यावे आ ङोंइती ठीक सेल्‍शा चढ़ेतीकेम ब्रेत्‍तीमी बाक्‍त।