अय्‍युब 1:12 - Sunuwar Bible

¹² मिनु परमप्रभु यावेम सैतान कली “दुम्‍ब मोदेंशोन दुम्‍ल। मेको के मार मार बाक्‍मे, मेको नेल्‍ल इ मिम्‍शो पावो। तन्‍न अय्‍युब कली चहिं मारेइ मपतो” दे मदा बाक्‍त। मिनु सैतान परमप्रभु यावे आ ङोंइती रे गाक्‍माक्‍त। ब्‍यवस्‍था ८:२

अय्‍युब 1:12 ပူးပေါင်းရင်းမြစ်များ

२ कोरिन्‍थी 12:7

गो शुश कोंइतीके तशा, मेको आ पर्बम ठेयब लेश्‍शा, नें मबोरपदुल, दे सैतान आ चू आं रांम गेती। मेको आं कली श्‍येत गेचा कली नु आं ठेयब लेत्‍तीक तेक्‍चा कली बाक्‍ब।

१ कोरिन्‍थी 10:13

मुल सम्‍म गे फाल्‍ने मचाप्‍चा ङा पा थुं नाक्‍‍चा मपुंइसीनी। परमप्रभु यावे थमा सुइक्‍चा माल्‍शो बाक्‍ब। इन फाल्‍ने चाप्‍तीक सक्ति कोव़शा, इन फाल्‍ने मचाप्‍चा ङा पा थुं थाम्‍चा मगेब। तन्‍न गेप्‍तु हना यो, इन फाल्‍ने चाप्‍तीक सक्ति बारपाइक्‍ब दे तुइक्‍तीने। भजन संग्रह ६८:२०; २पत्रुस २:९

यूहन्‍ना 19:11

मिनु येसुमी “इन के अधिकार बाक्‍ब। इन कली गेशो अधिकार चहिं इर रे गेशो बाक्‍ब। मोपतीके इन मरिम्‍शो पशो क्‍येङा आं कली साइक्‍चा कली वारच पाइब आ मरिम्‍शो पशो ठेयब बाक्‍ब” देंत।

यसैया 27:8

ग्‍याइश्‍शा लाइक्‍चा पुंइसीशो रागी रे ग्रुंइशो मुर नु लडाइ पाइतीनी। परमप्रभुमी मेको आन कली मुइश्‍शा, पूर्ब ङा फश पवानु, ठेयब फश गिवारमी योल्‍पाइक्‍ब।

येरमीया 38:5

मिनु पिप सिदकीयाहम “मेको इन गुइमीन बाक्‍ब। गो इन कली मारेइ पने मचाप्‍नुङ” दे माइक्‍तीमी।

१ राजा 22:23

मोपतीके परमप्रभु यावेम इन नोले दुम्‍ब लोव़ पाइब नेल्‍ल आन शोव़मी जोल पाइब सोक्‍त कुर पशो बाक्‍ब। परमप्रभु यावेम इन कली खतम दुम्‍‍तीक नाक्‍त चाक्‍शो आ पर्बम नेंपाइक्‍ने थुम्‍शो बाक्‍ब” देंमाक्‍त।

उत्पत्ती 16:6

मिनु अब्राममी “नेनो, इ वाइलीम इ गुइमी बाक्‍ब। मेको कली इ दाक्‍शो पावो” दे साराइ कली देंमाक्‍त। मिनु साराइमी हागार कली हुइक्‍तानु, मेको प्रोक्‍माक्‍त।

भजन संग्रह 76:10

थमा पा, मुर आन गाइक्‍तीकेमी इन कली ठेयब सेल्‍ब। मिनु इच्‍का ली‍शो गाइक्‍तीकेमी इन कली ठेयब सेल्‍ब।

अय्‍युब 1:11

तन्‍न गे इन गुइ दिंशा, मेको आ मारेइ मारेइ थि‍ने। मिनु मेकोमी इन कली इन ङोंइतीन सराप चीले पाइब” देंमाक्‍त।

अय्‍युब 1:13

मिनु काबु अय्‍युब आ तमी तौ आन ठेयब लोक्‍ब आ खिंम, जन जन, तून तून बाक्‍मा बाक्‍‍त।

१ राजा 22:22

मिनु परमप्रभु यावेमी मेको कली ‘दोपा?’ दे हिल्‍लो पाप्‍तु। मिनु मेकोमी ‘गो लशा मेको आ नोले दुम्‍ब लोव़ पाइब नेल्‍ल आन शोव़मी जोल पाइब सोक्‍त का दुम्‍नुङ’ दें‍त। मिनु परमप्रभु यावेम मेको कली ‘गे थमा पा मेको कली क्‍युक्‍ने चाप्‍नेवे। गे लावो। मिनु इ देंशो पावो’ दें‍त। १यूहन्‍ना ४:६

२ इतिहास 18:21

मिनु परमप्रभु यावेमी ‘दोपा?’ दे हिल्‍लो पाप्‍तु। मिनु मेकोमी ‘गो लशा आहाब आ नोले दुम्‍ब लोव़ पाइब नेल्‍ल आन शोव़म जोल पाइब सोक्‍त दुम्‍नुङ’ देंत। मिनु परमप्रभु यावेमी ‘गे मेको कली जोल पावो। गे मेको पने चाप्‍नेवे। लावो’ देंत।

लूका 12:23

मारदे हना जचा क्‍येङा ब्रोंइचा ठेयब बाक्‍ब। फेक्‍चा क्‍येङा इन रां ठेयब मिम्‍तीने।