यूहन्‍ना 9:4 - Sunuwar Bible

⁴ मिनु गोपुकीमी आं कली सोइक्‍ब आ गेय नाक्‍ती पचा माल्‍नय। नां रिक्‍मेनु, सुइमी गेय पने मचाप्‍नीम। यूहन्‍ना ५:१७; येरमीया १३:१६

यूहन्‍ना 9:4 ပူးပေါင်းရင်းမြစ်များ

उपदेसक 9:10

इ ङोंइती मार गेय बाक्‍मे, मेको इ सक्ति नेल्‍लेमी पावो। मारदे हना बेक्‍शो मुर आन बाक्‍तीकेम मारेइ मिम्‍तीके, जोक्‍तीके नु तुइक्‍तीके मबाक्‍ब।

मत्ती 20:7

मिनु मेकोपुकीमी ‘सुइमी गेय मगेमे। मिनु गो मार पाइनीकी?’ देंमानु ‘गे यो लशा, आं अङगुर रूमी गेय पने’ दे माइक्‍मी बाक्‍त।

मर्कूस 3:3

मिनु येसुमी गुइ सोव़शो मुर कली “एक पिवो” दे मदा बाक्‍त।

यूहन्‍ना 10:32

मिनु येसुमी “गो इन कली आं आफोमी पशो रिम्‍शो गेय कोंइताक्न्‍‍नी। तेको गेय आ पर्बम आं कली फुल्‍लु आप्‍शा साइक्‍चा माल्‍नी?” देंत।

यूहन्‍ना 10:37

गो आं आफ आ गेय मपाता हना, आं कली थमा मसुतीन।

यूहन्‍ना 12:35

मिनु येसुमी मेको मुर आन कली “मेको छेङछेङ माइश्‍शो का गेपुकी नु इच्‍का नाक्‍त सम्‍म बाक्‍ब। छेङछेङ बाक्‍म सम्‍म गाक्‍कीन। छेङछेङमी मगाक्‍तीनी हना, छिङछिङमी गाक्‍चा माल्‍नीनी। सु छिङछिङमी गाक्‍बा, मेको ते लाइबा मतुइक्‍ब।

यूहन्‍ना 17:4

रागीम बाक्‍शा, इन पपाइश्‍शो गेय थुम्‍शा, इन सक्ति कोंइताक्‍ङमी।

यूहन्‍ना 4:34

येसुमी मेको आन कली “आं जचा थोव़क मार बाक्‍ब देंशा हना, आं कली सोइक्‍ब आ दाक्‍शो पचा नु आ देंशो गेय थुम्‍चा। मेको आं के जचा थोव़क बाक्‍ब। यूहन्‍ना ६:३८; यूहन्‍ना १७:४

यूहन्‍ना 5:19

मिनु येसुमी यहूदी आन कली “नोफा दाइश्‍शा नेनीन, आं आफोमी मार पाइबा, आ तौमी मेको मतवा सम्‍म मारेइ पने मचाप्‍ब। मिनु आफोमी दोदेंशो पाइबा, तौमी मोदेंशोन पाइब। यूहन्‍ना ३:११,३२

यूहन्‍ना 5:36

मिनु यूहन्‍नामी आं पर्बम शेंशो ठेयब बाक्‍त हना यो, आं पर्बम मेको क्‍येङा ठेयब सांकछी का बाक्‍ब। आं सांकछी मार बाक्‍ब देंशा हना, आं आफोमी आं कली पपाइश्‍शो गेय बाक्‍ब। मेको आं पशो गेयमी ‘परमप्रभु यावेमी आं कली सोइक्‍ताक्‍व’ दे इन कली शेंब। यूहन्‍ना ३:२; यूहन्‍ना १०:२५:३८

यूहन्‍ना 7:33

मिनु येसुमी “गो गेपुकी नु इच्‍का नाक्‍ती सम्‍म बाक्‍नुङ। मिनु नोले आं कली सोइक्‍ब आ बाक्‍तीकेमी लाइनुङ। यूहन्‍ना १३:३३

प्रेरित 4:20

गो निक्‍शी चहिं आंस मिक्‍चीम तशो नु आंस नोफामी नेंशो लोव़ मदेंथु मचाप्‍नस्‍कु। मेको रुपीन” देंसा बाक्‍त।

गलाती 6:10

सुइ कली रिम्‍शो पचा ताइतय हना, रिम्‍शो पय। नेल्‍ल क्‍येङा ङोंइती थमा सुइक्‍ब लोक्‍ब आन कली वारच पय। २पत्रुस १:७

एफिसी 5:16

मुरपुकीमी मरिम्‍शो गेय पना पन बाक्‍तेक्‍म हना यो, गेपुकीमी नेल्‍ल नाक्‍त रिम्‍शो गेय पने।

कलस्‍सी 4:5

गेपुकी थमा मसुइक्‍ब आन ङोंइती रिम्‍शो जोक्‍शा तुइश्‍‍शा गेय पने। लोव़ पचा तनीनु, रिम्‍शो पा लोव़ पने। एफिसी ५:१५-१६; १थिस्‍सलोनिकी ४:१२