यूहन्‍ना 9:24 - Sunuwar Bible

²⁴ मिनु मिक्‍च ताइब दुम्‍शो कली लेंशा ब्रेश्‍शा “परमप्रभु यावे कली मान पावो। इ कली मिक्‍च तपाइक्‍ब पापी बाक्‍माक्‍त, दे तुइक्‍नीकी” देंतेक्‍म।

यूहन्‍ना 9:24 ပူးပေါင်းရင်းမြစ်များ

एज्रा 10:11

मुल गे परमप्रभु यावे, इन किकी पिपी आन परमप्रभु आ ङोंइती इन मरिम्‍शो पशो शोव़ङीन। मिनु आ दाक्‍शो पने। गे मेको रागी ङा मुर नु अर्को जात ङा मीश रे ब्राङीन” दे मेको आन कली माइक्‍तीमी।

यसैया 66:5

परमप्रभु यावे आ लोव़ क्‍येङा हिंशा, ख्रिंख्रि पाइबपुकीम “आं लोव़ नेनीन। इन लोक्‍बपुकीमी गेपुकी आं मुर दुम्तीके इन कली काइ मदाक्‍थु, तिल्‍नीम। मेकोपुकीमी ‘परमप्रभु यावे कली ठेयब सेलल। मिनु गो इन ग्‍येरशा बाक्‍शो तकल’ देंनीम। तन्‍न मेकोपुकी मुने दोक्‍नीम। लूका ६:२२

मर्कूस 15:27

खुइ निक्‍शी आस कली यो का आ ग्‍युरा गे, का आ पेरा गे क्‍याइश्‍शा वोदमे बाक्‍त।

लूका 15:2

मिनु फरिसी नु सास्‍त्रीपुकीमी तिरो पोक्‍ब नु पापी शुश येसु नु काथा बाक्‍शा जशो तशा “मेको मुरुमी पापी आन कली ब्राइब। पापीपुकी नु काथा बाक्‍शा, खमे जाइब” दे आन थुं मनुथु, लोव़ पामे बाक्‍त। लूका ५:३०; लूका १९:७

लूका 19:7

मेकोमी मोदेंशो पशो तशा, मेकेर बाक्‍बपुकीमी “मेको पापी आ खिंम ओव़शा बास बाक्‍त” दे आन थुं मनुथु, लोव़ पामे बाक्‍त। लूका १५:२

लूका 7:39

मिनु फरिसीमी मो पशो तशा “येसु परमप्रभु यावे आ लोव़ पाइब बाक्‍त हना, आ कली थीब मीश मुर दोदेंशो बाक्‍म, दे तुइक्‍त वा। मारदे हना पापी बाक्‍ब” दे मिम्‍ता बाक्‍त।

यूहन्‍ना 14:30

मुल ङा मेरे शुश मशेंनन्‍नी। मारदे हना रागी ङा मुर आन कली हुकुम पाइब जाक्‍ब। मेकोमी आं कली ग्राने मचाप्‍ब। यूहन्‍ना १२:३१; एफिसी २:२

यूहन्‍ना 16:2

मुरपुकीमी इन कली ग्रुम्‍तीक खिं रे तिल्‍नीम। थमा, इच्‍का नोले इन कली साइक्‍बपुकीमी ‘गो परमप्रभु यावे आ दाक्‍शो पना पन बाक्‍ती’ दे मिम्‍नीम। मत्ती १०:१७,२२; मत्ती २४:९

यूहन्‍ना 18:30

मिनु मेकोपुकीमी “एको मुर मरिम्‍शो मबाक्‍शो हना, गोपुकीमी एको कली ग्‍याइश्‍शा, इन बाक्‍तीकेमी मारदे चाक्‍नीकी ङा?” देंतेक्‍म।

यूहन्‍ना 19:6

मिनु ठेयब चढ़ेब नु यहूदी आन ठेयब मुरपुकीमी “शीमी कांटी थोक्‍शा क्‍याइश्‍शा सतीन। शीमी कांटी थोक्‍शा क्‍याइश्‍शा सतीन” देंना देंन ग्रीतेक्‍म। मिनु पिलातसमी “गो एको कली मरिम्‍शो पाइब मसुइक्‍नुङ। मोपतीके गेपुकी एको कली लाइश्‍शा, शीमी कांटी थोक्‍शा क्‍याइश्‍शा सतीन” दे माइक्‍तीमी।

यूहन्‍ना 5:23

मो दुम्‍मेनु, आं आफ कली मान पाइबपुकीमी आ तौ कली यो आफ कली खोदेंशो पा मान पाइनीम। सुमी तौ कली मान मपाइबा, मेकोमी तौ कली सोइक्‍ब आं आफ कली यो मान मपाइब। फि‍लिप्‍पी २:१०-११; १यूहन्‍ना २:२३

यूहन्‍ना 8:46

गेपुकीमी आं कली ‘गे मरिम्‍शो पाइब नवे’ दे दोसी सेल्‍ने चाप्‍नीनी ङा? गो थमा लोव़ पाता हना, मारदे आं कली थमा मसुइक्‍नीनी? २कोरिन्‍थी ५:२१; १पत्रुस २:२२; १यूहन्‍ना ३:५; हिब्रू ४:१५

यूहन्‍ना 8:49

येसुमी “आं कली वोलमी मसुम्‍यी। गो आं आफ कली मान पाइनुङ। गे चहिं आं कली मान मपथु आइक्‍च सेल्‍नीनी।

यूहन्‍ना 9:16

फरिसी का निक्‍शीमी “परमप्रभु यावे आ सोइश्‍शो ममाइ। मारदे हना नाइक्‍तीक नाक्‍त ममानेब” देंतेक्‍म। का निक्‍शीमी चहिं “पापी मुरुमी दोपा ओदेंशो छक लाक्‍चा ङा गेय पने चाप्‍बा ङा?” देंतेक्‍म। मिनु मेकोपुकी ब्रातेक्‍म।

यूहन्‍ना 9:25

आ मिक्‍च साशो मुरुमी “मेको पापी बाक्‍म कों, मबाक्‍म, गो मतुइक्‍नुङ। ङोंइती मिक्‍च मताइब बाक्‍ती, मुल ताइब दुम्‍ती, मेको ला तुइक्‍नुङ” दे माइक्‍तीमी।

रोमी 8:3

परमप्रभु यावेमी अरेशो लोव़ टिने मचाप्‍नीम, दे तुइश्‍शा, आ तौ कली पापी बुद पा रागीम सोइक्‍ताक्‍व। मोपा मेको कली मुर आन पाप आ पर्बम सजाइ गेप्‍तु। प्रेरित १८:३८; प्रेरित १५:१०; हिब्रू २:१७

२ कोरिन्‍थी 5:21

परमप्रभु यावेमी काइ पाप मतुइश्‍शो ख्रीस्‍त कली पापी सेल्‍तु। मिनु गो ख्रीस्‍त आगाम बाक्‍शा, परमप्रभु यावे आ ङोंइती ठीक दुम्‍नीकी। यूहन्‍ना ८:४६; यसैया ५३:४-६; गलाती ३:१२; रोमी १:१७; १कोरिन्‍थी १:३०

यहोसु 7:19

मिनु यहोसुमी आकान कली “आं तौ, परमप्रभु यावे, इस्राएली आन परमप्रभु कली ठेयब सेलो। मार मार पवी, मेको कली देनो। इ पशो आं कली देनो। लोव़ का यो मख्रुइक्‍तो” देंत।

प्रकाश 11:13

मिनु मेको निक्‍शी लसानु, ठेयब ख्रिनु कुत। मेको सहर ङा १० भाग ङा भाग का ब्रेत्‍त। मिनु ७ हजार मुर मेको ख्रिनुमी बेक्‍तेक्‍म। मेको लीशो मुरपुकी चहिं क्‍युल क्‍युल पा हिंशा, स्‍वर्ग ङा परमप्रभु यावे कली मान पाम्‍तेक्‍म।