यूहन्‍ना 8:54 - Sunuwar Bible

⁵⁴ येसुमी “गो ठेयब सेल्‍साक्‍यी हना, गो ठेयब मदुम्‍नुङ। आं आफोमी चहिं आं कली ठेयब सेल्‍ब। गे आं आफ कली ‘आंइ परमप्रभु यावे’ देंनीनी। यसैया ६३:१६

यूहन्‍ना 8:54 ပူးပေါင်းရင်းမြစ်များ

हितोपदेस 25:27

शुश खुदो जचा नु आंम कली ठेयब मिम्‍शा मान पाइक्‍चा पुंइसीचा, निम्‍फा मुर कली मरिम्‍शो बाक्‍‍ब।

यसैया 66:5

परमप्रभु यावे आ लोव़ क्‍येङा हिंशा, ख्रिंख्रि पाइबपुकीम “आं लोव़ नेनीन। इन लोक्‍बपुकीमी गेपुकी आं मुर दुम्तीके इन कली काइ मदाक्‍थु, तिल्‍नीम। मेकोपुकीमी ‘परमप्रभु यावे कली ठेयब सेलल। मिनु गो इन ग्‍येरशा बाक्‍शो तकल’ देंनीम। तन्‍न मेकोपुकी मुने दोक्‍नीम। लूका ६:२२

होसे 1:9

मिनु परमप्रभुमी होसे कली “मेको आ नें लो-अम्‍मी वोतो। मारदे हना गेपुकी आं मुर मननी। गो इन परमप्रभु मनङ। लो-अम्‍मी आ अर्थ ‘गे आं मुर मनवे नु गो इ परमप्रभु मनङ’ देंशो बाक्‍ब।

यूहन्‍ना 17:1

मिनु येसुमी मेको लोव़ पने थुम्‍शा, सरीङ गे कोव़शा “आं आफ, आं लची जाक्‍त, इन सक्ति गेयीनी। मिनु गो इन सक्ति कोंइनुङ।

यूहन्‍ना 17:5

आं आफ, रागी सेल्‍चा क्‍येङा ङोंइती गे नु इन छेङछेङमी बाक्‍ती। मुल लेंशा इन बाक्‍तीक जाक्‍चा चिक्‍ताक्‍ङ। ङोंइती ङा खोदेंशो पा गे नु इन छेङछेङमी बाक्‍चा गेयीनी। यूहन्‍ना १:१; फिलिप्‍पी २:६

यूहन्‍ना 2:11

मेको येसु आ ङोंइती ङा छक लाक्‍चा ङा गेय बाक्‍त। मेको ङोंइती पशो छक लाक्‍चा ङा गेय गालील रागी ङा काना माइश्‍शो सहरमी पशो बाक्‍त। मोपा मुर आन कली आ सक्ति कोंइशो बाक्‍त। मेको तशा आ शेंसीबपुकीमी येसु कली परमप्रभु यावे आ तौ बाक्‍त, दे थमा सुदमे बाक्‍त। यूहन्‍ना १:१४

यूहन्‍ना 5:41

गो मुर आन ठेयब सेल्‍तीके मब्राइ‍नुङ।

यूहन्‍ना 7:18

सुम चहिं आंम लोव़ शेंबा, मेकोमी आंम कली ठेयब सेल्‍चा दाक्‍ब। आं कली सोइक्‍ब परमप्रभु यावे कली ठेयब सेल्‍चा दाक्‍ब चहिं थमा पा काइ पाप मपाइब बाक्‍ब। यूहन्‍ना ५:४१,४५

यूहन्‍ना 7:39

मेको आ शेंशो दोदेंशो रुम्‍सीब देंशा हना, येसुमी परमप्रभु यावे आ सोक्‍त आ पर्बम शेंशो बाक्‍त। येसु कली थमा सुइक्‍बपुकीमी मेको सोक्‍त कली तचशो बाक्‍तेक्‍म। तन्‍न मेना सम्‍म परमप्रभु यावे आ सोक्‍त थमा सुइक्‍ब आन कली मगेशो बाक्‍त। मारदे हना येसु आ आफ आ छेङछेङम लाइक्‍चा मपुंइसीशो बाक्‍त। यूहन्‍ना १६:१७

यूहन्‍ना 8:41

गेपुकीमी चहिं इन आफ आ पशो गेय खोदेंशो पाइनीनी” दे माइक्‍तीमी। मेकोपुकीमी “गोपुकी मुर आन तौ मनकी। गोपुकी आंइ के आफ का बाक्‍ब। मेको चहिं परमप्रभु यावे बाक्‍ब” देंतेक्‍म।

यूहन्‍ना 8:50

गो आंम कली ठेयब मसेल्‍सीनुङ। आं कली ठेयब सेल्‍ब का बाक्‍ब। मेको ठीक निसाफ पाइब यो बाक्‍ब” देंत।

प्रेरित 3:13

इ किकी पिपी अब्राहाम, इसहाक नु याकूब आन परमप्रभु यावेमी आ गेय पाइब येसु कली ठेयब सेल्‍तु। गेपुकी चहिं मेको कली ग्‍याइक्‍पाइक्‍तीनी। पिलातसमी मेको कली प्रोंइचा थुं पवानु यो, गे मबिस्‍सीनी।

२ कोरिन्‍थी 10:18

सुमी आंम कली शेंब सेल्‍बा, मेको कली मब्राइनीम। तन्‍न प्रभुमी शेंब सेल्‍शो कली ब्राइनीम। १कोरिन्‍थी ४:५

१ पत्रुस 1:12

मेकोपुकीमी आन पाला ङा मुर आन कली ला लोव़ मपामे। नोले ङा मुर, इन कली यो लोव़ पा शेंदमे बाक्‍त। इन कली दोपा शेंदमे बाक्‍त देंशा हना, परमप्रभु यावेमी आ सोक्‍त स्‍वर्ग रे सोइश्‍शो बाक्‍त। मेको आ पतीकेमी शेंबपुकीमी इन कली ग्‍येरपाइक्‍ब लोव़ शेंताक्‍म। परमप्रभु यावे आ स्‍वर्ग ङा गेय पाइबपुकीम यो मेको तचा तुइक्‍चा दाक्‍नीम। एफिसी ३:१०

१ पत्रुस 1:21

गे येसु ख्रीस्‍त आ पतीके परमप्रभु यावे कली थमा सुइक्‍नीनी। मेकोमी येसु ख्रीस्‍त कली बेक्‍शो रे सेंपाइश्‍शा, छेङछेङम वोइक्‍तु। मोपतीके गे “परमप्रभु यावेमी इं कली कोव़ब” दे थमा सुइश्‍शा आस पने।

२ पत्रुस 1:17

इं आफ परमप्रभु यावेमी मेको कली मान पशा, आ छेङछेङ तपाइश्‍शा “मेको आं दाक्‍शो तौ बाक्‍ब। मेको कली तशा, गो ग्‍येरसाक्‍यी” देंशो सेंदा छेङछेङ रे ग्रूत। मत्ती १७:५