यूहन्‍ना 8:53 - Sunuwar Bible

⁵³ आंइ किकी पिपी अब्राहाम बेक्‍माक्‍त। गे मेको क्‍येङा ठेयब नवे? मिनु परमप्रभु यावे आ लोव़ पाइब यो बेक्‍मा बाक्‍त। गे सु नवे ङा?” देंतेक्‍म।

यूहन्‍ना 8:53 ပူးပေါင်းရင်းမြစ်များ

यसैया 9:6

मारदे हना आंइ कली आल का थिशो बाक्‍ब। तौ का गेशो बाक्‍ब। मेको आंइ कली रिम्‍शो पा सासन पाइब दुम्‍ब। मेको आ नें मार बाक्‍ब देंशा हना, छक लाक्‍चा ङा गेय पाइब, जोक्‍तीक तुइक्‍तीक अर्ती गेब, सक्ति पाइश्‍शो परमप्रभु, गेना हना यो बाक्‍ब आफ नु थुं नाइश्‍शा बाक्‍चा गेब पिप बाक्‍ब। यसैया २२:२२; मीका ५:१; मीका ४:३

मत्ती 12:6

एकेर परमप्रभु यावे आ खिं क्‍येङा ठेयब मुर का बाक्‍ब, दे इन कली देंनुङ। ।

मत्ती 3:9

अब्राहाम इं आफ बाक्‍ब, दे शोर गाक्‍शा मबाक्‍कीन। मारदे हना परमप्रभु यावेमी एको फुल्‍लु रे अब्राहाम कली आल सेल्‍ने चाप्‍ब, दे तुइक्‍तीन। यूहन्‍ना ८:३३,३९; रोमी २:२८:२९; रोमी ४:१२

यूहन्‍ना 10:33

यहूदीपुकीमी “रिम्‍शो गेय पतीक आ पर्बम इ कली फुल्‍लु मआप्‍नीकी। तन्‍न परमप्रभु यावे आ पर्बम मरिम्‍शो लोव़ पतीके इ कली फुल्‍लु आप्‍चाइतक। गे मुर दुम्‍शा यो, परमप्रभु यावे नु उइक्‍थ नङ देंनेवे” देंतेक्‍म। मत्ती ९:३; मत्ती २६:६५; यूहन्‍ना ५:१८

यूहन्‍ना 12:34

मिनु मुरपुकीमी येसु कली “परमप्रभु यावे आ लोव़ ब्रेक्‍शो किताबमी ‘ख्रीस्‍त गेनायो मबेक्‍थु बाक्‍ब’ देंशो नेंतक। गे चहिं ‘रागीमी जरमेशो क्‍युक्‍शा साइक्‍चा पुंइसीब’ देंनीनी। मिनु मेको रागीमी जरमेशो चहिं सु बाक्‍म?” दे हिल्‍लो पाम्‍तेक्‍म। भजन संग्रह ११०:४; दानीएल ७:१४

यूहन्‍ना 19:7

यहूदीपुकीमी “आंइ ऐन कानुन बाक्‍ब। मिनु मेको ऐन कानुनमी ब्रेक्‍शो खोदेंशो पा एको मुर बेक्‍चा माल्‍ब। मारदे हना एकोमी आंमा कली परमप्रभु यावे आ तौ सेल्‍सीशो बाक्‍त” देंतेक्‍म। यूहन्‍ना १०:३३; लेवी २४:१६

यूहन्‍ना 4:12

आंइ किकी पिप याकूब क्‍येङा गे ठेयब ननी ङा? याकूबमी आंइ कली एको इनार गेशो बाक्‍माक्‍त। एकेर ङा ब्‍वाक्‍कु आंमा यो तूङा बाक्‍त। आ तौपुकी नु आ बी ब्‍यफपुकीमी यो एको ब्‍वाक्‍कु तूङमे बाक्‍त, दे मतुइक्‍नीनी?” देंत।

यूहन्‍ना 5:18

आ लोव़ नेंशा, यहूदीपुकीमी येसु कली साइक्‍चा माल्‍तेक्‍म। मारदे हना नाइक्‍तीक नाक्‍ती गेय मपतीके क्‍याम्‍चा ला ममाइ “परमप्रभु यावे नु उइक्‍थ बाक्‍नुङ। परमप्रभु यावे आं आफ बाक्‍ब” दे देंशोमी, मेकोपुकीमी येसु कली साइक्‍चा माल्‍तेक्‍म। यूहन्‍ना ७:३०; यूहन्‍ना १०:३३

यूहन्‍ना 8:58

मिनु येसुमी “नोफा दाइश्‍शा नेनीन, गो अब्राहाम क्‍येङा ङोंइती रे बाक्‍शो नङ” देंत। यूहन्‍ना १:१२

रोमी 9:5

नेल्‍लेम तुइश्‍शो किकी पिपी एको जात ङा बाक्‍मा बाक्‍त। मिनु मेको आन दाते रे मेको नेल्‍ल आन क्‍येङा ठेयब दुम्‍शा ख्रीस्‍त जरमेसे बाक्‍त। गोपुकीम परमप्रभु यावे कली गेना हना यो मान पय, आमेन। रोमी १:३; मत्ती १:-; लूका ३:२३-३४