यूहन्‍ना 8:42 - Sunuwar Bible

⁴² मिनु येसुमी “परमप्रभु यावे इन आफ बाक्‍त हना, गेपुकी आं कली दाक्‍तीनी वा। मारदे हना गो परमप्रभु यावे रे रागीमी जाक्‍ती। गो आंमा जाक्‍शो मनङ। तन्‍न आं आफोमी सोइक्‍ताक्‍यी।

यूहन्‍ना 8:42 ပူးပေါင်းရင်းမြစ်များ

मलाकी 1:6

मिनु मुर नेल्‍ल आन परमप्रभु यावेमी आ नें आइक्‍च सेल्‍ब चढ़ेब आन कली “तौपुकीमी आन आफ कली मान पाइनीम। मिनु गेय पाइबपुकीमी आन होव़प कली यो मान पाइनीम। गो इन आफ नङ हना, मारदे आं कली मान मपाइनीनी? गो इन होव़प नङ हना, मारदे आं कली मान पा महिंनीनी?” देंत। मिनु गेपुकीमी “गो दोपा इन नें आइक्‍च सेल्‍का?” देंतीनी। प्रस्‍थान २०:१२

यूहन्‍ना 1:14

मिनु लोव़ माइश्‍शो मुर दुम्‍शा, गोपुकी नु बाक्‍शो बाक्‍त। मेको शिशी पाइब नु परमप्रभु यावे आ लां कोंइब बाक्‍त। गोपुकीमी “परमप्रभु यावे आ कांइचीक तौ बाक्‍ब” दे तुइश्‍शा, मेको कली परमप्रभु यावे आ छेङछेङ, आ शिशी नु आ थमा पतीकेमी ब्रीशो ताइतक। १तिमोथी ३:१६; प्रस्‍थान ३३:१८; यसैया ६०:१; २पत्रुस १:१६-१७

यूहन्‍ना 12:49

आं कली सोइक्‍ब आं आफोमी गो मार देंचा नु शेंचा माल्‍नुङा, मेको नेल्‍ल माइक्‍ती। मोपतीके मेको आं लोव़ ममाइ। आं आफ आ लोव़ बाक्‍ब।

यूहन्‍ना 13:3

मिनु येसुमी “आं आफोमी आं कली नेल्‍ल सक्ति गेती। गो परमप्रभु यावे रे जाक्‍शो नङ। मिनु परमप्रभु यावे आ बाक्‍तीके लेत्‍नुङ” दे तुइश्‍शा, यूहन्‍ना ३:३५; यूहन्‍ना १६:२८

यूहन्‍ना 14:10

गो आं आफ आगामी बाक्‍नुङ। मिनु आं आफ आं आगामी बाक्‍ब, दे थमा मसुइक्‍नेवे? आं देंशो लोव़ आं के ममाइ, आं आफ आ लोव़ बाक्‍ब। आं आगामी बाक्‍शो आं आफोमी गेय पाइब। यूहन्‍ना १२:४९

यूहन्‍ना 16:30

गे नेल्‍ल तुइक्‍नीनी, दे गोपुकी मुल तुइक्‍ताक्‍क। मोपतीके इन कली शेंब ममाल्‍ब। गे परमप्रभु यावे आ बाक्‍तीक रे यिशो ननी, दे थमा सुइक्‍तक” देंतेक्‍म।

यूहन्‍ना 17:25

आं आफ, गे नेल्‍ल रिम्‍शो नु ठीक पाइब बाक्‍नीनी। रागी ङा मुरपुकीमी इन कली मतुइक्‍नीम। गो चहिं इन कली तुइक्‍नुङ। मिनु आं शेंसीबपुकीमी गे आं कली सोइक्‍ताक्‍यीनी, दे तुइक्‍नीम।

यूहन्‍ना 17:8

गे आं कली शेंताक्‍यीनी। मिनु इन शेंशो लोव़ मेको आन कली शेंताक्‍ङमी। मिनु थमा सुइक्‍तेक्‍म। गो इन बाक्‍तीक रे जाक्‍शो नङ, दे थमा पा तुइक्‍नीम। मेकोपुकीमी आं कली सोइक्‍ब, गे ननी, दे थमा सुइक्‍तेक्‍म। यूहन्‍ना १६:३०

यूहन्‍ना 3:17

परमप्रभु यावेमी रागी ङा मुर आन कली निसाफ पा नरकमी वोइक्‍चा, दे आ तौ मसोइक्‍त। तन्‍न रागी ङा मुर आन कली नरक रे प्रोंइचा कली सोइक्‍ताक्‍व। लूका १९:१०

यूहन्‍ना 5:23

मो दुम्‍मेनु, आं आफ कली मान पाइबपुकीमी आ तौ कली यो आफ कली खोदेंशो पा मान पाइनीम। सुमी तौ कली मान मपाइबा, मेकोमी तौ कली सोइक्‍ब आं आफ कली यो मान मपाइब। फि‍लिप्‍पी २:१०-११; १यूहन्‍ना २:२३

यूहन्‍ना 5:43

गो आं आफ आ नेंमी जाक्‍ती। तन्‍न गेपुकीमी आं कली मब्रनी। सुइ मुर आंम आ नेंमी जाक्‍त हना, मेको कली चहिं ब्राइनीनी। मत्ती २४:५

यूहन्‍ना 8:14

मिनु येसुमी मेको आन कली “गो आं पर्बम आंमा लोव़ पाता हना यो, आं लोव़ थमा बाक्‍ब। मारदे हना ते रे जाक्‍ङा, ते लाइनुङा, मेको तुइक्‍नुङ। गेपुकी चहिं गो ते रे जाक्‍ङा, ते लाइनुङा मतुइक्‍नीनी। यूहन्‍ना ५:३१; यूहन्‍ना ७:२८

१ कोरिन्‍थी 16:22

प्रभु कली मदाक्‍बपुकी सराप रमल। इं प्रभु जाक्‍कीन। प्रकाश २२:२०

गलाती 4:4

मिनु नोले परमप्रभु यावेमी वोइश्‍शो नाक्‍त आ तौ कली सोइक्‍ताक्‍व। मेको आ तौ मीश मुर रे परमप्रभु यावे आ अरेशो लोव़मी जरमेसाक्‍व। मर्कूस १:१५; एफिसी १:१०

१ यूहन्‍ना 4:14

मिनु गोपुकी परमप्रभु यावेमी आ तौ रागीमी सोइश्‍शो ताइतक। गोपुकीमी “इं आफ, परमप्रभुमी आ तौ कली मुर आन कली पाप रे प्रोंइचा, दे रागीमी सोइक्‍ताक्‍व” दे शेंना शेंन बाक्‍नीकी। यूहन्‍ना ३:१७

१ यूहन्‍ना 5:20

मिनु परमप्रभु यावे आ तौमी इं कली रुप्‍तीक थुं गेप्‍तु, दे तुइक्‍नय। मेको रुप्‍तीक थुंमी थमा पतीके कली तुइक्‍नय। गोपुकी मेको थमा पाइब नु थुं का ङा बाक्‍नय। मोपा आ तौ येसु ख्रीस्‍त नु यो थुं का ङा बाक्‍नय। मेको थमा परमप्रभु यावे नु गेना हना यो ब्रोंइशा बाक्‍तीक बाक्‍ब। यूहन्‍ना १७:३

प्रकाश 22:1

मिनु परमप्रभु यावे आ स्‍वर्ग ङा गेय पाइबमी ब्रोंइचा गेब खोला कोंइताक्‍यी। मेको खोला टल्‍केशो सिसा खोदेंशो तांइसाक्‍व। मिनु मेको खोला परमप्रभु यावे नु पाठा आस ठेयब नित्‍तीके रे ग्रूशा, इजीकीएल ४७:१-१२; जकरिया १४:८; उत्‍पत्ती २:९-१०