यूहन्‍ना 8:33 - Sunuwar Bible

³³ मेकोपुकीमी “गो अब्राहाम आ चच युइ नकी। मुल सम्‍म गो सुइ आन वाइलीम वाइल मदुम्‍शो बाक्‍तक। मारदे ‘थमा माइश्‍शोमी इन कली प्रोंइब’ देंनीनी?” दे हिल्‍लो पाम्‍तेक्‍म। मत्ती ३:९

यूहन्‍ना 8:33 ပူးပေါင်းရင်းမြစ်များ

उत्पत्ती 15:13

मिनु मेकोमी अब्राम कली “इ तौ चच युइ अर्को रागीमी अर्को रागी ङा मुर दुम्‍नीम। मेकेर बाक्‍मानु, वाइलीम वाइल यो दुम्‍नीम। मेकेर ४ सहे बर्स सम्‍म श्‍येत जाइनीम। प्रस्‍थान १:१३; प्रस्‍थान १२:४०; प्रेरित ७:६

एज्रा 9:9

गो वाइलीम वाइल बाक्‍तक हना यो, आंइ परमप्रभुमी आंइ कली मप्रोंइशो बाक्‍ब। पारसी रागी ङा पिप आ ङोंइती इन गेना हना यो दाक्‍तीके कोंइशो बाक्‍तीनी। आंइ कली नक ब्रोंइचा गेशा, आंइ परमप्रभु आ खिं लेंशा सेल्‍चा कली नु ब्रेश्‍शो नेल्‍ल लेंशा सेल्‍चा कली नु यहूदा नु यरूसलेम एर ओंथ गारो प्रोव़चा गेतीनी।

लेवी 25:42

मारदे हना मेकोपुकी गो इजीप्‍त रे ग्रुंइशा चाक्‍शो आं गेय पाइबपुकी बाक्‍नीम। मेको आन कली वाइलीम वाइल खोदेंशो पा लेयचा मदुम्‍ब।

मत्ती 3:9

अब्राहाम इं आफ बाक्‍ब, दे शोर गाक्‍शा मबाक्‍कीन। मारदे हना परमप्रभु यावेमी एको फुल्‍लु रे अब्राहाम कली आल सेल्‍ने चाप्‍ब, दे तुइक्‍तीन। यूहन्‍ना ८:३३,३९; रोमी २:२८:२९; रोमी ४:१२

लूका 3:8

इन थुं परमप्रभु यावे गे लेश्‍शा, रिम्‍शो फल सिश्‍शो खोदेंशो गेय कोंइदीने। गे ‘इं किकी पिपी अब्राहाम बाक्‍ब’ दे मिम्‍शा, देश पा मबाक्‍कीन। मारदे हना गो इन कली ‘परमप्रभु यावेमी एको फुल्‍लु रे अब्राहाम आ चच युइ सेल्‍ने चाप्‍ब’ देंनुङ।

यूहन्‍ना 19:25

मिनु सिपाहीपुकीमी मो पामेनु, येसु आ ममा येसु आ शी आ नेक्‍था बाक्‍त। क्‍लोपास आ मीश मरीयम नु माग्‍दाला ङा मरीयम यो मेकेर बाक्‍ताक्‍स। मिनु येसु आ नेल्‍ल क्‍येङा दाक्‍शो शेंसीब यो मेकेर बाक्‍त।

यूहन्‍ना 8:37

मिनु येसुमी “गेपुकी अब्राहाम आ चच युइ ननी, दे गो तुइक्‍नुङ। मोपा यो गे आं कली साइक्‍चा माल्‍नीनी। मारदे हना आं लोव़ नेंशा यो, थमा मसुइक्‍नीनी।

यूहन्‍ना 8:39

मेकोपुकीमी “गो आंइ आफ अब्राहाम बाक्‍ब” देंमानु, येसुमी “गेपुकी अब्राहाम आ चच युइ ननी हना, अब्राहाम आ पशो गेय खोदेंशो पनी वा।

यूहन्‍ना 8:43

आं देंशो लोव़ मारदे मरुप्‍नीनी? गे आं लोव़ नेंशा, फाल्‍ने मचाप्‍नीनी। १कोरिन्‍थी २:१४

रोमी 9:7

अब्राहाम आ चच युइ शुश बाक्‍तेक्‍म हना यो, मेको नेल्‍ल परमप्रभु यावे आ मुर मबाक्‍मा बाक्‍त। मेकोमी “इसहाक रे पा इ चच युइ लील” दे गेशो लोव़ खाप्‍शा, इसहाक कली ला योव़ङा बाक्‍त। उत्‍पत्ती २१:१२

न्‍यायाधीस 2:18

गेना परमप्रभु यावेमी मेको आन कली निसाफ पाइब सोइक्‍ता, मेना परमप्रभु यावे मेको नु बाक्‍माक्‍त। मेको निसाफ पाइब मबेक्‍म सम्‍म आन जोरी सत्रु रे प्रोंइशा वोदा बाक्‍त। मारदे हना परमप्रभु यावेमी आन जोरी सत्रु रे श्‍येत जशो तशा शिशी पवा बाक्‍त।

न्‍यायाधीस 3:8

मिनु परमप्रभु यावेमी इस्राएली आन कली तशा गाइक्‍ता बाक्‍त। मिनु मेसोपोटामीया ङा अराम-नहाराइम ङा पिप कुशन-रिशातैम आ गुइमी लेयङा बाक्‍त। मेकोम इस्राएली आन कली ८ बर्स सम्‍म सासन पवा बाक्‍त।

न्‍यायाधीस 4:3

मिनु लेंशा इस्राएलीपुकीमी परमप्रभु यावे कली “वारच पाइय्‍यीकी” दे थोव़मे बाक्‍त। मारदे हना सीसेरा के ९ सहे फलाम के बग्‍गी बाक्‍तेक्म। मिनु इस्राएली आन कली २० बर्स सम्‍म शुश श्‍येत गेशा, दिप्‍शा वोइश्‍शो बाक्‍माक्‍त।