यूहन्‍ना 8:29 - Sunuwar Bible

²⁹ मिनु आं कली सोइक्‍ब गो नु बाक्‍ब। आं कली गेनायो मप्रोंइब। मारदे हना गो आ दाक्‍शो गेय ला पाइनुङ” दे मुर आन कली देंत।

यूहन्‍ना 8:29 ပူးပေါင်းရင်းမြစ်များ

यसैया 42:1

परमप्रभुमी “आं गेय पाइब कली कोव़ङीन। गो मेको कली सक्ति गेनुङ। आं योव़शो गेय पाइब तशा, आं थुं ग्‍येरसीब। गो मेको कली आं सोक्‍तीम प्रिंताक्‍ङ। मेकोमी रागी रागी ङा मुर आन कली ठीक निसाफ पाइ‍ब। यसैया ४९:१-६; यसैया ५०:४-११; यसैया ५२:१३-यसैया ५३:१२; मत्ती १२:१८-२१; मत्ती ३:१७

यसैया 42:21

परमप्रभु यावेमी आ ठीक पतीके तशा, ग्‍येरसीशो बाक्‍त। मेकोमी आ शेंतीके ठेयब सेल्‍शा नु थम रिम्‍शो दुम्‍पाइक्‍‍ब।

यसैया 42:6

मेकोमी “गो, परमप्रभु यावे नङ। गो इ कली आं ठीक पतीकेमी ब्रेत्‍ताक्‍न। गो इ गुइ ग्‍याइश्‍शा, इ कली कोव़शा बाक्‍नुङ। गो मुर आन पा ङा इ कली आं कबल खाप्‍ब सेल्‍तन। रागी रागी ङा मुर आन कली छेङछेङ दुम्‍पाइक्‍चा कली सोइक्‍ताक्‍न। यसैया ४९:६,८

मत्ती 17:5

मोदेंशो लोव़ पना पन बाक्‍मेनु, जिलील पा बुश तांइसीशो गोस्‍सुमी नेल्‍ल आन कली गिल्‍मी बाक्‍त। मिनु गोस्‍स आगा रे “एको आं दाक्‍शो तौ बाक्‍ब। एको कली तशा ग्‍येरसाक्‍यी। आ लोव़ नेनीने” देंशो सेंदा नेन्‍मे बाक्‍त। मत्ती १:१७

मत्ती 3:15

मिनु येसुमी “मुल ओन पय। मारदे हना रिम्‍शो पतीके नेल्‍ल पचा माल्‍नय” देंमाक्‍त। मिनु यूहन्‍नामी “लो, मो हना” देंशा, येसु कली ब्‍वाक्‍कुम ख्रुम्‍शा ग्रुंइदा बाक्‍त।

मत्ती 3:17

मिनु सरीङ रे “एको आं दाक्‍शो तौ बाक्‍ब। एको कली तशा थाम्‍पा ग्‍येरसीनुङ” देंशो सेंदा ग्रूमाक्‍त। मत्ती १७:५; यसैया ४२:१

यूहन्‍ना 14:31

गो आं आफ आ देंशो पाइनुङ। मो पङानु, गो आं आफ कली दाक्‍नुङ, दे रागी रागी ङा मुरपुकीमी तुइक्‍तमेक्‍ल। लो बोक्‍कीन, गाक्‍य” देंत। यूहन्‍ना १०:१८

यूहन्‍ना 15:10

दोपा गो आं आफोमी देंशो लोव़ टिशा, आं आफ नु दाक्‍मुइनस्‍कु, मोपा गेपुकी यो आं देंशो लोव़ टीतीनी हना, गो नु दाक्‍मुशा बाक्‍नय।

यूहन्‍ना 16:32

नोले नेल्‍ल ब्राशा, इन खिं खिं लशा, आं कली प्रोंइनीनी। मिनु गो का ला बाक्‍नुङ। तन्‍न गो का ला मदुम्‍नुङ। मारदे हना आं आफ गो नु बाक्‍ब। जकरिया १३:७; मत्ती २६:३१

यूहन्‍ना 17:4

रागीम बाक्‍शा, इन पपाइश्‍शो गेय थुम्‍शा, इन सक्ति कोंइताक्‍ङमी।

यूहन्‍ना 4:34

येसुमी मेको आन कली “आं जचा थोव़क मार बाक्‍ब देंशा हना, आं कली सोइक्‍ब आ दाक्‍शो पचा नु आ देंशो गेय थुम्‍चा। मेको आं के जचा थोव़क बाक्‍ब। यूहन्‍ना ६:३८; यूहन्‍ना १७:४

यूहन्‍ना 5:30

मिनु गो आंम अधिकारमी मारेइ पने मचाप्‍नुङ। गो दोदेंशो नेंनुङ, मोदेंशो पा निसाफ पाइनुङ। आं निसाफ चहिं ठीक बाक्‍ब। मारदे हना आं दाक्‍शो मपथु, आं कली सोइक्‍ब आ देंशो पाइनुङ। यूहन्‍ना ६:३८

यूहन्‍ना 6:38

मारदे हना गो आं दाक्‍शो गेय पथ ममाइ, तन्‍न आं कली सोइक्‍ब आ दाक्‍शो गेय पचा कली स्‍वर्ग रे जाक्‍शो नङ। यूहन्‍ना ४:३४

यूहन्‍ना 8:16

गो निसाफ पाता हना यो, आं निसाफ ठीक बाक्‍ब। मारदे हना गो का ला दुम्‍शा निसाफ मपाइनुङ। गो नु आं कली सोइक्‍ब आं आफोमी निसाफ पाइब।

२ तिमोथी 4:17

तन्‍न प्रभु गो नु बाक्‍शा, अर्को रागी ङा मुर आन कली परमप्रभु यावे आ लोव़ नेल्‍ल शेंचा सक्ति गेती। मोपा आं कली गुप्‍स रे प्रोंइती। प्रेरित २३:११; प्रेरित २७:२३

२ तिमोथी 4:22

प्रभु गे नु बाक्‍ल। आ शिशी गे नु लील।

हिब्रू 4:15

मारदे हना इं नेल्‍ल क्‍येङा ठेयब चढ़ेबमी इं चाप्‍तीक नु मचाप्‍तीक दोदेंशो बाक्‍बा, नेल्‍ल तुइक्‍ब। गोपुकी इं थुं थाम्‍चा पुंइसीशो खोदेंशो पा, आ यो थुं थाम्‍चा पुंइसाक्‍व। तन्‍न थुं थाम्‍चा पुंइसाक्‍व हना यो, पाप मपव। हिब्रू २:१८; यूहन्‍ना ८:४६

हिब्रू 7:26

इं ठेयब चढ़ेब दोदेंशो माल्‍शो बाक्‍त देंशा हना, पाप रे ङोन बाक्‍शो, दोस मताइब, रिम्‍शो थुं पाइश्‍शो, पापी रे दिल्‍शा बाक्‍शो, स्‍वर्गमी नेल्‍ल क्‍येङा ठेयब सेल्‍चा पुंइसीशो माल्‍शो बाक्‍त।

१ यूहन्‍ना 2:1

मिनु आं आलपुकी, इन कली मारदे ब्रेक्‍ताक्‍ङ देंशा हना, गो इन कली “मरिम्‍शो मपने” दें‍चा कली ब्रेक्‍ताक्‍ङ। मिनु थमा सुइक्‍ब कामी पाप पाप्‍तु हना, मेको आ पर्बम आ आफ कली पुंइब का बाक्‍ब। मेको पुंइब सु बाक्‍ब देंशा हना, मेको नेल्‍ल ठीक पाइब येसु ख्रीस्‍त बाक्‍ब।

१ यूहन्‍ना 3:22

मिनु गो महिंथु पुंइतय हना, इं पुंइशो गेब। मारदे हना गोपुकी आ अरेशो लोव़ पशा, आ दाक्‍शो पाइनय। मर्कूस ११:२४