यूहन्‍ना 8:28 - Sunuwar Bible

²⁸ येसुमी “गेपुकी रागीमी जरमेशो कली क्‍युक्‍नीनु, गो सु नङा, दे तुइक्‍नीनी। मिनु गो आंमा मिम्‍शो मारेइ मपाइनुङ। तन्‍न आं आफोमी आं कली दोदेंशो शेंदा, मोदेंशो लोव़ इन कली शेंनुङ। यूहन्‍ना ३:१४; यूहन्‍ना १२:३२

यूहन्‍ना 8:28 ပူးပေါင်းရင်းမြစ်များ

प्रस्‍थान 3:14

मिनु परमप्रभुमी मोसा कली “आं नें ‘गो नङ’ बाक्‍ब। इस्राएल जात ङा मुर आन कली ‘गो नङ’ देंबमी आं कली इन बाक्‍तीकेमी सोइक्‍ताक्‍यी, देंचा माल्‍नेवे” देंत। प्रस्‍थान ६:२; मलाकी ३:६; प्रकाश १:४,८

मत्ती 24:5

मारदे हना शुश मुरपुकीमी आं नें ब्रशा ‘गो ख्रीस्‍त नङ’ देंशा, मुर आन थुं क्‍यानीम। यूहन्‍ना ५:४३; १यूहन्‍ना २:१८

मर्कूस 13:6

शुश मुरुमी आं नें ब्रशा ‘गो एको नङ’ देंशा, मुर आन थुं क्‍याइक्‍नीम। यूहन्‍ना ८:४९

लूका 21:8

मिनु येसुमी “सुइमी इन थुं मक्‍याल्‍मेक्‍ल, दे होस पा बाक्‍कीन। मारदे हना शुश मुरपुकीमी आं नें ब्रशा ‘गो मेको नङ। गो मेको नङ देंतीक नाक्‍त नेक्‍था जाक्‍शो बाक्‍ब’ दे शेंनीम। मो देंब आन लोव़ थमा मसुइक्‍थु, आन नोले मखोतीन।

यूहन्‍ना 11:42

गे आं देंशो गेना हना यो नेंनीनी, दे तुइक्‍नुङ। मिनु आं एर ओंथ बाक्‍शो मुरपुकीमी गेमी आं कली सोइश्‍शो ननी, दे थमा सुइक्‍पाइक्‍चा कली एको लोव़ पाता” देंत। यूहन्‍ना १२:३०

यूहन्‍ना 13:19

मोदेंशो दुम्‍चा ङोंइती तुइक्‍पाइक्‍तन्‍नी। मिनु मो दुम्‍मेनु, गो मेकोन बाक्‍ङा बाक्‍त, दे तुइक्‍नीनी। मिनु आं कली थमा सुइक्‍नीनी।

यूहन्‍ना 16:10

परमप्रभु यावे आ ङोंइती ठीक दुम्‍शा बाक्‍चा आ पर्बम मार शेंब देंशा हना, गो आं आफ आ बाक्‍तीक लाइनुङ। मो दुम्‍तीके गेपुकीमी आं कली मताइनीनी, दे शेंब। प्रेरित ५:३१; रोमी ४:२५

यूहन्‍ना 18:32

येसुमी आ ङोंइती देंशो लोव़ “दोपा बेक्‍चा माल्‍नुङा” देंशो, थमा दुम्‍चा कली मोदेंशो दुम्‍त। यूहन्‍ना १२:३२-३३; मत्ती २०:१९

यूहन्‍ना 19:18

मेकेर जाक्‍दीश्‍शा, येसु कली शीमी केप्‍शा कांटी थोक्‍ताक्‍म। मोदेंशो पा मुर निक्‍शी आस कली यो शीमी केप्‍शा कांटी थोक्‍ताक्‍म। मिनु येसु कली कांटी थोक्‍शो शी मेको आस दातेमी ख्रुक्‍तेक्‍म।

यूहन्‍ना 3:11

नोफा दाइश्‍शा थमा लोव़ नेनीन, गो आंइ तुइश्‍शो लोव़ पाइनीकी। आंइ तशो यो शेंनीकी। गे चहिं आंइ शेंशो थमा मसुइक्‍नीनी।

यूहन्‍ना 3:14

मोसा गोरशो रागीम बाक्‍मेनु, कांसा के बुस्‍स सेल्‍शा, मेको कली क्‍युक्‍शा वोदा बाक्‍त। मोपा रागीम जरमेशो यो क्‍युक्‍चा पुंइसीब। गन्‍ती २१:८-९

यूहन्‍ना 4:26

मिनु येसुमी “गे नु लोव़ पाइब, गो मेको नङ” दें‍त।

यूहन्‍ना 5:19

मिनु येसुमी यहूदी आन कली “नोफा दाइश्‍शा नेनीन, आं आफोमी मार पाइबा, आ तौमी मेको मतवा सम्‍म मारेइ पने मचाप्‍ब। मिनु आफोमी दोदेंशो पाइबा, तौमी मोदेंशोन पाइब। यूहन्‍ना ३:११,३२

यूहन्‍ना 5:30

मिनु गो आंम अधिकारमी मारेइ पने मचाप्‍नुङ। गो दोदेंशो नेंनुङ, मोदेंशो पा निसाफ पाइनुङ। आं निसाफ चहिं ठीक बाक्‍ब। मारदे हना आं दाक्‍शो मपथु, आं कली सोइक्‍ब आ देंशो पाइनुङ। यूहन्‍ना ६:३८

यूहन्‍ना 6:38

मारदे हना गो आं दाक्‍शो गेय पथ ममाइ, तन्‍न आं कली सोइक्‍ब आ दाक्‍शो गेय पचा कली स्‍वर्ग रे जाक्‍शो नङ। यूहन्‍ना ४:३४

यूहन्‍ना 8:24

मोपतीके गो इन कली ‘गे इन मरिम्‍शो पतीकेमी ग्रुम्‍शा बेक्‍नीनी’ देंती। गेपुकीमी ‘गो मरिम्‍शो गेय रे प्रोंइब ननी’ दे आं कली थमा मसुइक्‍तीनी हना, इन मरिम्‍शो पतीकेमी ग्रुम्‍शा बेक्‍नीनी” देंत। यसैया ४३:१०

यूहन्‍ना 8:27

मिनु येसुमी आ आफ आ पर्बम लोव़ पाप्‍तु, दे मेकोपुकीमी मरुबेम।

यूहन्‍ना 8:58

मिनु येसुमी “नोफा दाइश्‍शा नेनीन, गो अब्राहाम क्‍येङा ङोंइती रे बाक्‍शो नङ” देंत। यूहन्‍ना १:१२

प्रेरित 2:41

मिनु शुश मुरुमी पत्रुस आ देंशो बिश्‍शा, ख्रीस्‍त कली थमा सुइश्‍शा, ब्‍वाक्‍कुम ख्रुम्‍शा ग्रुंइचा पुंइसमा बाक्‍त। मोपा ब्‍वाक्‍कुम ख्रुम्‍शा ग्रुंइचा पुंइसीबपुकी हजार सां खोइ दुम्‍मा बाक्‍त। मोपा थमा सुइक्‍ब नु तेम्‍समा बाक्‍त।

प्रेरित 4:4

पत्रुस नु यूहन्‍ना आस शेंशो लोव़ नेंशा, थमा सुइक्‍ब ५ हजार जना जाक्‍दीश्‍शो बाक्‍मा बाक्‍त। प्रेरित २:४७

रोमी 1:4

तन्‍न मुर ला ममाइ। परमप्रभु यावे आ तौ यो बाक्‍ब। “आं तौ बाक्‍ब” दे तुइक्‍पाइक्‍चा कली परमप्रभु यावेमी आ सोक्‍त आ सक्तिम येसु ख्रीस्‍त कली बेक्‍शो रे सेंताक्‍व। मत्ती २८:१८; प्रेरित १३:३३

ब्‍यवस्‍था 18:18

मिनु परमप्रभु यावेमी आं कली ‘इ खोदेंशो पा आं लोव़ पाइब, आन लोक्‍ब आन दाते रे का योव़नुङ। आं देंचा माल्‍शो लोव़ गो मेको कली देंपाइक्‍नुङ। मिनु आं अरेशो लोव़ मेकोमी नेल्‍ले मुर आन कली देंब। प्रस्‍थान ४:१२; यसैया ६:८; येरमीया १:९; मत्ती १०:१९