यूहन्‍ना 8:26 - Sunuwar Bible

²⁶ गो इन पर्बम शुश लोव़ पचा नु शुश निसाफ पचा माल्‍नुङ। आं कली सोइक्‍ब आं आफ आ लोव़ थमा लोव़ बाक्‍ब। मेको आ लोव़ नेंशा, रागी ङा मुर आन कली शेंनुङ” देंत।

यूहन्‍ना 8:26 ပူးပေါင်းရင်းမြစ်များ

यूहन्‍ना 15:15

मुल रे गो इन कली वाइल मदेंनुङ। मारदे हना वाइल आ ठेयब मुरुमी मार गेय पचशो बाक्‍मे, मेको वाइलम मतुइक्‍ब। गो चहिं इन कली आं आफ आ देंशो नेल्‍ल शेंताक्‍न्‍नी। मोपतीके इन कली वारच देंनुङ।

यूहन्‍ना 16:12

मिनु इन कली शेंतीक लोव़ शुश लीब। तन्‍न मुल फाल्‍ने मचाप्‍नीनी। १कोरिन्‍थी ३:१

यूहन्‍ना 17:8

गे आं कली शेंताक्‍यीनी। मिनु इन शेंशो लोव़ मेको आन कली शेंताक्‍ङमी। मिनु थमा सुइक्‍तेक्‍म। गो इन बाक्‍तीक रे जाक्‍शो नङ, दे थमा पा तुइक्‍नीम। मेकोपुकीमी आं कली सोइक्‍ब, गे ननी, दे थमा सुइक्‍तेक्‍म। यूहन्‍ना १६:३०

यूहन्‍ना 18:20

मिनु येसुमी “गो मुर नेल्‍ल आन कली लोव़ पाता। ग्रुम्‍तीक खिंमी नु परमप्रभु यावे आ खिंमी शुश यहूदी ग्रुम्‍तीकेमी शेंताक्‍ङमी। ख्रुइश्‍शा मारेइ लोव़ मपङ। यूहन्‍ना ७:१४,२६

यूहन्‍ना 3:11

नोफा दाइश्‍शा थमा लोव़ नेनीन, गो आंइ तुइश्‍शो लोव़ पाइनीकी। आंइ तशो यो शेंनीकी। गे चहिं आंइ शेंशो थमा मसुइक्‍नीनी।

यूहन्‍ना 7:16

मिनु येसुमी मेको आन कली “आं शेंतीक आं के ममाइ, तन्‍न आं कली सोइक्‍ब के बाक्‍ब।

यूहन्‍ना 7:28

मोपतीके येसुमी परमप्रभु यावे आ खिंमी मुर आन कली ठेयब सेंदा पा “गेपुकीमी आं कली तुइक्‍नीनी। मिनु गो ते ङा नङ, मेको यो तुइक्‍नीनी? आंमा मिम्‍शा मजाक्‍ङ। तन्‍न आं कली सोइक्‍ब थमा पा परमप्रभु यावे बाक्‍ब। मिनु गेपुकीमी मेको कली मतुइक्‍नीनी।

यूहन्‍ना 8:25

मिनु यहूदीपुकीमी “गे सु नवे” दे हिल्‍लो पाम्‍तेक्‍म। येसुमी मेको आन कली “गो इन कली ङोंइती रे मार देंङा? मारदे गो गेपुकी नु लोव़ पङा?

यूहन्‍ना 8:27

मिनु येसुमी आ आफ आ पर्बम लोव़ पाप्‍तु, दे मेकोपुकीमी मरुबेम।

यूहन्‍ना 8:40

गो परमप्रभु यावेमी देंशो नेंशा, इन कली शेंथ जाक्‍शो बाक्‍ती हना यो, गेपुकीम आं कली साइक्‍चा माल्‍नीनी। अब्राहाममी इन खोदेंशो गेय गेनायो मपव।

२ कोरिन्‍थी 1:18

परमप्रभु यावेमी आ देंशो खाप्‍ब, दे नेल्‍लेम तुइक्‍नीम। गोपुकीमी इन कली देंशो लोव़ थमान बाक्‍ब। दुम्‍बा कों, मदुम्‍बा कों, मार तुइक्‍चा देंशो लोव़ दुम्‍सीन मदुम्‍ब।