यूहन्‍ना 8:24 - Sunuwar Bible

²⁴ मोपतीके गो इन कली ‘गे इन मरिम्‍शो पतीकेमी ग्रुम्‍शा बेक्‍नीनी’ देंती। गेपुकीमी ‘गो मरिम्‍शो गेय रे प्रोंइब ननी’ दे आं कली थमा मसुइक्‍तीनी हना, इन मरिम्‍शो पतीकेमी ग्रुम्‍शा बेक्‍नीनी” देंत। यसैया ४३:१०

यूहन्‍ना 8:24 ပူးပေါင်းရင်းမြစ်များ

प्रस्‍थान 3:14

मिनु परमप्रभुमी मोसा कली “आं नें ‘गो नङ’ बाक्‍ब। इस्राएल जात ङा मुर आन कली ‘गो नङ’ देंबमी आं कली इन बाक्‍तीकेमी सोइक्‍ताक्‍यी, देंचा माल्‍नेवे” देंत। प्रस्‍थान ६:२; मलाकी ३:६; प्रकाश १:४,८

हितोपदेस 8:36

आं कली मथिप्‍बपुकी चहिं आंम कली खतम सेल्‍नीम। आं कली काइ मदाक्‍ब नेल्‍ले बेक्‍चा दाक्‍नीम” देंत।

मत्ती 24:5

मारदे हना शुश मुरपुकीमी आं नें ब्रशा ‘गो ख्रीस्‍त नङ’ देंशा, मुर आन थुं क्‍यानीम। यूहन्‍ना ५:४३; १यूहन्‍ना २:१८

मर्कूस 13:6

शुश मुरुमी आं नें ब्रशा ‘गो एको नङ’ देंशा, मुर आन थुं क्‍याइक्‍नीम। यूहन्‍ना ८:४९

मर्कूस 16:16

सुमी थमा सुइश्‍शा, ब्‍वाक्‍कुमी ख्रुम्‍शा ग्रुंइचा पुंइसीबा, मेको ब्रोंइचा ताइब। सुमी चहिं थमा मसुइक्‍बा, मेको सजाइ गेचा पुंइसीब। प्रेरित २:३८; प्रेरित १६:३१-३३

लूका 21:8

मिनु येसुमी “सुइमी इन थुं मक्‍याल्‍मेक्‍ल, दे होस पा बाक्‍कीन। मारदे हना शुश मुरपुकीमी आं नें ब्रशा ‘गो मेको नङ। गो मेको नङ देंतीक नाक्‍त नेक्‍था जाक्‍शो बाक्‍ब’ दे शेंनीम। मो देंब आन लोव़ थमा मसुइक्‍थु, आन नोले मखोतीन।

यूहन्‍ना 13:19

मोदेंशो दुम्‍चा ङोंइती तुइक्‍पाइक्‍तन्‍नी। मिनु मो दुम्‍मेनु, गो मेकोन बाक्‍ङा बाक्‍त, दे तुइक्‍नीनी। मिनु आं कली थमा सुइक्‍नीनी।

यूहन्‍ना 3:18

सुमी परमप्रभु यावे आ तौ कली थमा सुइक्‍बा, मेको स्‍वर्गमी निसाफ पचा मपुंइसीब। सुमी चहिं थमा मसुइक्‍बा, मेको ङोंइती रेन निसाफ पा सजाइ तचा पुंइसीब दुम्‍शो बाक्‍ब। मारदे हना मेकोमी परमप्रभु यावे आ कांइचीक तौमी पाप रे प्रोंइब, दे थमा मसुइश्‍शो बाक्‍ब। यूहन्‍ना ५:२४

यूहन्‍ना 3:36

सुमी आ तौ आ देंशो थमा सुइक्‍बा, मेको गेना हना यो ब्रोंइशा बाक्‍चा ताइब। सुम चहिं आ देंशो मटीबा, मेको गेना हना यो ब्रोंइशा बाक्‍चा मतथु, परमप्रभु यावे आ गाइश्‍शो ताइब” दे यूहन्‍नामी शेंताक्‍व।

यूहन्‍ना 4:26

मिनु येसुमी “गे नु लोव़ पाइब, गो मेको नङ” दें‍त।

यूहन्‍ना 8:21

मिनु येसुमी लेंशा यहूदी आन कली “गो लाइनुङ, गे चहिं आं कली माल्‍नीनी। मिनु मरिम्‍शो पतीकेमी ग्रुम्‍शा बेक्‍नीनी। गे आं लतीकेमी जाक्‍ने मचाप्‍नीनी” देंत। यूहन्‍ना ७:३४-३५; यूहन्‍ना १३:३३

यूहन्‍ना 8:25

मिनु यहूदीपुकीमी “गे सु नवे” दे हिल्‍लो पाम्‍तेक्‍म। येसुमी मेको आन कली “गो इन कली ङोंइती रे मार देंङा? मारदे गो गेपुकी नु लोव़ पङा?

यूहन्‍ना 8:28

येसुमी “गेपुकी रागीमी जरमेशो कली क्‍युक्‍नीनु, गो सु नङा, दे तुइक्‍नीनी। मिनु गो आंमा मिम्‍शो मारेइ मपाइनुङ। तन्‍न आं आफोमी आं कली दोदेंशो शेंदा, मोदेंशो लोव़ इन कली शेंनुङ। यूहन्‍ना ३:१४; यूहन्‍ना १२:३२

यूहन्‍ना 8:58

मिनु येसुमी “नोफा दाइश्‍शा नेनीन, गो अब्राहाम क्‍येङा ङोंइती रे बाक्‍शो नङ” देंत। यूहन्‍ना १:१२

प्रेरित 4:12

मुर आन कली श्‍येत नु पाप रे प्रोंइब येसु ख्रीस्‍त का ला बाक्‍ब। परमप्रभुमी येसु ख्रीस्‍त कली अधिकार गेशा, मुर नेल्‍ल आन क्‍येङा ठेयब सेल्‍तु। मिनु आ नेंमी ला ब्रोंइचा तांइसीब, दे तुइक्‍तीने” दे माइक्‍मी बाक्‍त। प्रेरित १०:४३; मत्ती १:२१

हिब्रू 12:25

होस पांइसीने। इन कली लोव़ पाइब कली इन ची मकोंइदीने। इं किकी पिपीपुकीमी मुर आ देंशो मटीमे बाक्‍त। मिनु सजाइ गेचा पुंइसमा बाक्‍त। गोपुकी स्‍वर्ग रे लोव़ पाइब कली इं ची कोंइताक्‍य हना, सजाइ मतथु ब्रोंइनया ङा? हिब्रू २:२; हिब्रू १०:२८-२९

हिब्रू 2:3

पाप आ सजाइ रे ब्रोंइतीक ठेयब गेय कली ममिम्‍ताक्‍य हना, दोपा सजाइ रे ब्रोंइने चाप्‍नया ङा? मेको ठेयब गेय ङोंइती प्रभुमी तुइक्‍पाइश्‍शो बाक्‍त। मिनु आ लोव़ नेंबपुकीमी “थमा बाक्‍ब” दे तुइक्‍पाइश्‍शो बाक्‍तेक्‍म। हिब्रू १०:२९; हिब्रू १२:२५