यूहन्‍ना 8:21 - Sunuwar Bible

²¹ मिनु येसुमी लेंशा यहूदी आन कली “गो लाइनुङ, गे चहिं आं कली माल्‍नीनी। मिनु मरिम्‍शो पतीकेमी ग्रुम्‍शा बेक्‍नीनी। गे आं लतीकेमी जाक्‍ने मचाप्‍नीनी” देंत। यूहन्‍ना ७:३४-३५; यूहन्‍ना १३:३३

यूहन्‍ना 8:21 ပူးပေါင်းရင်းမြစ်များ

१ राजा 18:10

परमप्रभु यावे, इन परमप्रभु गेना हना यो ब्रोंइशा बाक्‍शो खोदेंशो पा, आं होव़पम इन कली रागी रागी नु राज्‍य नेल्‍लेम माल्‍थ सोइक्‍ताक्‍व। तेकोइ रागी नु राज्‍य मलीशो बाक्‍ब। मिनु मेकोपुकीमी ‘एलीया एक मबाक्‍ब। गो थमा पा मेको कली थिन्‍ने मचाप्‍का’ देंमानु, मेको कसम जचा माल्‍तेक्‍म।

अय्‍युब 20:11

मेकोपुकी ठिटा दुम्‍शा, सक्ति पाइश्‍शो बाक्‍तेक्‍म हना यो, बेक्‍शा, तुरस ङा फुरकुम वोइक्‍चा पुंइसीनीम।

हितोपदेस 11:7

परमप्रभु यावे आ अरेशो मटीब मुर बेक्‍मानु, आन आस यो जाम्‍शा लाइब। मेको आन मिम्‍शो नेल्‍ल मदुम्‍ब। हितोपदेस १०:२८

हितोपदेस 14:32

परमप्रभु यावे आ अरेशो मटीबपुकी मरिम्‍शो पतीकेमी जाम्‍शा लाइनीम। तन्‍न ठीक पाइब मुर आंम आन गेना हना यो रिम्‍शो पतीकेमी ब्रोंइशा बाक्‍चा ताइनीम।

यसैया 65:20

का निक्‍शी नाक्‍त ला ब्रोंइब आल मेकेर मबाक्‍नीम। मिनु मेकेर सुइ यो खूशो दुम्‍चा क्‍येङा ङोंइती मबेक्‍नीम। सहे का बर्स ब्रोंइशा बेक्‍ब कली ठिटा देंनीम। मिनु सहे का बर्स मगाप्‍थु, बेक्‍ब मुर कली ‘सराप रशो मुर का बाक्‍त’ देंनीम। जकरिया ८:४

मत्ती 23:39

गो माइक्‍नन ‘परमप्रभु यावे आ नेंमी जाक्‍ब कली आसीक रल’ दे मान मपवी सम्‍म आं कली लेंशा मताइनेवे” देंत। मत्ती २१:९; मत्ती २६:६४

मत्ती 25:41

मिनु आ पेरा गे राप्‍शो आन कली हिरशा ‘सराप तशोपुकी, गो नु मबाक्‍कीने। सैतान नु आ गेय पाइब आन कली गेनायो मकाप्‍ब मी वोइश्‍शो बाक्‍ब। मेकेर लने। प्रकाश २०:१०,१५

मत्ती 25:46

मिनु मेकोपुकी गेना हना यो सजाइ ततीकेमी लाइनीम। परमप्रभु आ ङोंइती ठीक दुम्‍शोपुकी चहिं गेना हना यो परमप्रभु यावे नु बाक्‍चा ततीकेमी लाइनीम” दे शेंताक्‍मी। यूहन्‍ना ५:२९; याकूब २:१३

यूहन्‍ना 12:33

येसुमी दोपा साइक्‍चा पुंइसीचा चिक्‍शो बाक्‍नुङ, दे तुइक्‍पाइक्‍चा कली मो देंत।

यूहन्‍ना 12:35

मिनु येसुमी मेको मुर आन कली “मेको छेङछेङ माइश्‍शो का गेपुकी नु इच्‍का नाक्‍त सम्‍म बाक्‍ब। छेङछेङ बाक्‍म सम्‍म गाक्‍कीन। छेङछेङमी मगाक्‍तीनी हना, छिङछिङमी गाक्‍चा माल्‍नीनी। सु छिङछिङमी गाक्‍बा, मेको ते लाइबा मतुइक्‍ब।

यूहन्‍ना 13:33

आं आइक्‍च आलपुकी, गो इन कली शुश दाक्‍ताक्‍ङ हना यो, गो गेपुकी नु शुश बाक्‍चा मताइनुङ। गेपुकी आं कली माल्‍नीनी। मिनु गो यहूदी आन कली ‘आं लतीकेमी गेपुकी जाक्‍ने मचाप्‍नीनी’ देंशो खोदेंशो, गो इन कली यो मो देंनुङ। यूहन्‍ना ८:२१

यूहन्‍ना 7:34

मेना गेपुकीमी आं कली माल्‍नीनी। तन्‍न मथित्‍नीनी। गे आं बाक्‍तीकेमी जाक्‍ने मचाप्‍नीनी” दे माइक्‍तीमी। यूहन्‍ना ८:२१

यूहन्‍ना 7:36

आ देंशो ‘गेपुकीमी आं कली माल्‍नीनी, तन्‍न मथित्‍नीनी’ मिनु ‘आं बाक्‍तीकेमी जाक्‍ने मचाप्‍नीनी’ दे एको दोदेंशो लोव़ पवा?” देंमुम्‍तेक्‍म।

यूहन्‍ना 8:24

मोपतीके गो इन कली ‘गे इन मरिम्‍शो पतीकेमी ग्रुम्‍शा बेक्‍नीनी’ देंती। गेपुकीमी ‘गो मरिम्‍शो गेय रे प्रोंइब ननी’ दे आं कली थमा मसुइक्‍तीनी हना, इन मरिम्‍शो पतीकेमी ग्रुम्‍शा बेक्‍नीनी” देंत। यसैया ४३:१०

एफिसी 2:1

गेपुकी ङोंइती बेक्‍शो मुर खोदेंशो बाक्‍तीनी। दोपा मोदेंशो बाक्‍तीनी देंशा हना, मरिम्‍शो पशा, परमप्रभु यावे कली मटिथु, हेंथे गाक्‍शो बाक्‍तीनी। लूका १५:२४,३२; कलस्‍सी २:१३