यूहन्‍ना 8:2 - Sunuwar Bible

² आ दीसा सुनी कना यिशा, परमप्रभु यावे आ खिं लत। मिनु मुर नेल्‍ल येसु आ नेक्‍था जाक्‍तेक्‍म। मिनु येसुमी निश्‍शा, मुर आन कली शेंताक्‍मी।

यूहन्‍ना 8:2 ပူးပေါင်းရင်းမြစ်များ

उपदेसक 9:10

इ ङोंइती मार गेय बाक्‍मे, मेको इ सक्ति नेल्‍लेमी पावो। मारदे हना बेक्‍शो मुर आन बाक्‍तीकेम मारेइ मिम्‍तीके, जोक्‍तीके नु तुइक्‍तीके मबाक्‍ब।

येरमीया 25:3

यहूदा ङा पिप आमोन आ तौ योसीयाह पिप दुम्‍शो १३ बर्स रे मुल २३ बर्स सम्‍म परमप्रभु यावेमी आं कली लोव़ पना पन बाक्‍त। मिनु गो मेको लोव़ इन कली शेंस ङा शेंस बाक्‍शो बाक्‍ती। तन्‍न गेपुकीम इन नोफा मदाइक्‍तीनी। येरमीया १:२; येरमीया ३६:२

येरमीया 32:33

मेकोपुकीमी आं कली आन ची हिरशा कोंइशो बाक्‍नीम। आन कुल ममाइ। गो मेको आन कली शेंना शेंन बाक्‍ती हना यो, मनेनेम रिम्‍शो पचा कली ममिम्‍तेम। येरमीया २:२७

येरमीया 44:4

मो हना यो गो आं गेय पाइब आं लोव़ पाइब आन कली मेको आन बाक्‍तीके सोइक्‍ना सोइक्‍न ‘गो इन कली मेको आं काइ मदाक्‍शो ग्रांग्रा दि‍शो गेय मपन’ देंपाइक्‍तामी। येरमीया २५:४

मत्ती 26:55

मिनु येसुमी हुल आन कली “तरवार कोक्‍के कुरशा, खुइ पाइब कली ग्‍याइक्‍थ जाक्‍शो खोदेंब पा आं कली ग्‍याइक्‍थ जाक्‍नी? नाक्‍त किंत किंत परमप्रभु यावे आ खिंमी मुर आन दातेमी शेंना शेंन बाक्‍ङानु, मग्‍याइक्‍तीनी।

लूका 21:37

मिनु येसुमी नाक्‍त मुर आन कली शेंना शेंन नाक्‍दो चहिं जैतून डांडाम लशा इप्‍बाक्‍माक्‍त।

लूका 21:38

शुश मुरुमी नाक्‍त किंत किंत सुनी कना बोक्‍शा, परमप्रभु यावे आ खिं लशा, येसु आ लोव़ नेंबाक्‍मा बाक्‍त।

लूका 4:20

मिनु किताब गिल्‍शा, ग्रुम्‍तीक खिं ङा गेय पाइब कली गेशा, निस्‍से बाक्‍त। मिनु नेल्‍लेमी येसु कली मिक्‍च मयाक्‍थु कोव़स ङा कोव़स पामे बाक्‍त।

लूका 5:3

मिनु डोंगा का ङोंइसे बाक्‍त। मेको डोंगा सिमोन के बाक्‍माक्‍त। मिनु येसुमी सिमोन कली “डोंगा इच्‍का आइक्‍ची लतो” दे मदा बाक्‍त। मिनु मोपा डोंगाम बाक्‍शा मुर आन कली शेंदीमी बाक्‍त।

यूहन्‍ना 4:34

येसुमी मेको आन कली “आं जचा थोव़क मार बाक्‍ब देंशा हना, आं कली सोइक्‍ब आ दाक्‍शो पचा नु आ देंशो गेय थुम्‍चा। मेको आं के जचा थोव़क बाक्‍ब। यूहन्‍ना ६:३८; यूहन्‍ना १७:४

यूहन्‍ना 8:20

येसुमी परमप्रभु यावे आ खिं ङा शोंप वोइक्‍तीक कोठा आ ङोंइती बाक्‍शा, मोदेंशो शेंशो बाक्‍त। परमप्रभु यावे आ खिंमी बाक्‍शा शेंशा यो, सुइमी मग्‍याइक्‍तेम। मारदे हना मेको कली ग्‍याइक्‍ची ना मजाक्‍शो बाक्‍त। यूहन्‍ना ७:३०

यूहन्‍ना 8:3

मिनु सास्‍त्री नु फरिसीपुकीमी येसु आ बाक्‍तीकेमी मीश मुर का चाक्‍तेक्‍म। मेको मीश मुर ग्‍युंबे पशा यो अरु वोंइश नु इप्‍शो बाक्‍माक्‍त। मेको कली मुर आन दातेमी राप्‍पाइक्‍तेक्‍म। सास्‍त्री यहूदी आन कली परमप्रभु यावे आ अरेशो लोव़ शेंब बाक्‍शो बाक्‍तेक्‍म।

प्रेरित 5:21

मेको लोव़ टिशा, सुनी कना परमप्रभु यावे आ खिं जाक्‍दीश्‍शा, ओव़शा शेंचा गोव़मे बाक्‍त। मेको लोव़ टिशा, सुनी कना परमप्रभु यावे आ खिं जाक्‍दीश्‍शा, ओव़शा शेंचा गोव़मे बाक्‍त। मिनु ठेयब चढ़ेब, मेको नु बाक्‍बपुकी, इस्राएली आन जोक्‍ब तुइक्‍ब खाल्‍पापुकी खुम्‍सीशा “सिनाक्‍त चोक्‍पाइश्‍शो आन कली चाक्‍चा” दे जेल्‍खान सोइक्‍तमे बाक्‍त।