यूहन्‍ना 8:17 - Sunuwar Bible

¹⁷ इन ऐन कानुनमी यो ‘मुर निक्‍शी आस देंशो नेंशो लोव़ थमा दुम्‍ब’ दे ब्रेक्‍सीशो बाक्‍ब। ब्‍यवस्‍था १९:१५

यूहन्‍ना 8:17 ပူးပေါင်းရင်းမြစ်များ

१ राजा 21:10

मिनु मरिम्‍शो पाइब मुर निक्‍शी आस कली मेको आ ङोंइती निप्‍पाइश्‍शा, एकोम ‘परमप्रभु नु पिप कली सराप पशो बाक्‍ब’ दे दोस गेपतीन। मिनु मेको नोले मेको कली लाङगा ग्रुंइशा फुल्‍लु आप्‍शा सतीन” दे ब्रेक्‍ता बाक्‍त। ब्‍यवस्‍था १७:६; मत्ती २६:५९-६१; प्रस्‍थान २२:२७

गन्‍ती 35:30

सुइम सुइ आन कली साइक्‍तु हना, मेको मुर साइक्‍ब कली सांकछी आन लोव़ नेंशा ला साइक्‍चा माल्‍ब। तन्‍न सांकछी का आ लोव़ नेंशा ला मेको कली मसाइक्‍चा। ब्‍यवस्‍था १७:६; ब्‍यवस्‍था १९:५

मत्ती 18:16

इ लोव़ मबिस्‍साक्‍व हना चहिं, मुर निक्‍शी सां दुम्‍शा लशा, सांकछी वोइश्‍शा लोव़ पावो। ब्‍यवस्‍था १९:१५

यूहन्‍ना 10:34

येसुमी “परमप्रभु यावे आ लोव़ ब्रेक्‍शो किताबमी ‘गे नेल्‍ल परमप्रभु यावे आ तमी तौ ननी’ मदेंबा ङा? भजन संग्रह ८२:६

यूहन्‍ना 15:25

परमप्रभु यावेमी ब्रेक्‍पाइश्‍शो लोव़ थमा दुम्‍चा कली आं कली मदाक्‍नीम। मार ब्रेक्‍पाइश्‍शो बाक्‍त देंशा हना ‘मेकोपुकीमी आं कली मोशा यो मदाक्‍नीम’ दे ब्रेक्‍शो बाक्‍त। भजन संग्रह ६९:४

२ कोरिन्‍थी 13:1

मुल गो इन कली ग्रुम्‍थ पिङानु, सां खेयप दुम्‍नुङ। निसाफ पामेनु, सांकछी निक्‍शी सां वोइश्‍शा, मेको आन लोव़मी दोस ग्रुंइशा, सजाइ गेचा माल्‍ब। ब्‍यवस्‍था १९:१५; मत्ती १८:१६

गलाती 3:24

मोपतीके मेको अरेशो लोव़म आंइ कली हिंच कोंइ‍शा, ख्रीस्‍त आ लां गाक्‍पाइक्‍ब दुम्‍त। मोदेंशो बाक्‍त हना, थमा सुइक्‍तीक रे ठीक दुम्‍नय।

गलाती 4:21

गे रिती थिती पचा दाक्‍बपुकी, अरेशो लोव़मी मार ब्रेक्‍शो बाक्‍बा, मेको तुइक्‍नीनी?

ब्‍यवस्‍था 17:6

साइक्‍चा पुंइसीब आन पर्बम मुर निक्‍शी नु सांमी ‘गो ताता, सांकछी दुम्‍ती’ देंतेक्‍म हना, ला साइक्‍चा दुम्‍ब। का ला सांकछी बाक्‍त हना साइक्‍चा मदुम्‍ब। ब्‍यवस्‍था १९:१५; १राजा २१:१०; हिब्रू १०:२८

ब्‍यवस्‍था 19:15

मुर कामी दोस ताइब दुम्‍शो बाक्‍त देंतेक्‍म हना, सांकछी का आ लोव़ ला नेंशा मदुम्‍ब। सांकछी निक्‍शी, सां आन लोव़ गारत हना ला मेको कली दोस गेचा। ब्‍यवस्‍था १७:६; गन्‍ती ३५:३०; यूहन्‍ना ८:१७; २कोरिन्‍थी १३:१; हिब्रू १०:२८

हिब्रू 10:28

साइ परमप्रभु यावे आ अरेशो लोव़ मटीब आन कली सांकछी निक्‍शी सां आन लोव़ नेंशा, दोस गेशा, काइ शिशी मपथु साइक्‍बाक्‍मा बाक्‍त। ब्‍यवस्‍था १७:६

१ यूहन्‍ना 5:9

गोपुकी मुर आन सांकछी नेंशा थमा सुइक्‍नय। परमप्रभु यावे आ सांकछी मुर आन सांकछी क्‍येङा ठेयब बाक्‍ब। मिनु परमप्रभु यावेमी आ तौ येसु ख्रीस्‍त आ पर्बम मेको सांकछी गेप्‍तु।

प्रकाश 11:3

मिनु नोले गो परमप्रभु यावेमी आ सांकछी निक्‍शी आस कली मार लोव़ पशो नेंता देंशा हना “गे आं लोव़ पाइब दुम्‍नीसी। गो इस कली आं लोव़ पचा कली सक्ति गेनुङ। गे निक्‍शीमी अरन्‍डी फेक्‍शा, हजार का सहे निक्‍शी ६० नाक्‍त सम्‍म आं लोव़ पाइनीसी” दे परमप्रभु यावेमी आ सांकछी निक्‍शी आस कली लोव़ पशो नेंता। प्रकाश १२:६