यूहन्‍ना 8:15 - Sunuwar Bible

¹⁵ मिनु गेपुकी मुर आन कुल कोव़शा निसाफ पाइनीनी। गो चहिं सुइ आन कली निसाफ मपाइनुङ। यूहन्‍ना ३:१७

यूहन्‍ना 8:15 ပူးပေါင်းရင်းမြစ်များ

आमोस 5:7

गेपुकी ठीक निसाफ कली दूली सेल्‍नीनी। ठीक पतीक कली खतम सेल्‍नीनी।

आमोस 6:12

मेकोमी “मार, शारा रोंगुम दोरनीमी ङा? मार, मेकेर ब्‍यफ वाक्‍नीमी ङा? तन्‍न गेपुकीम ठीक निसाफ कली दूली सेल्‍तीनी। ठीक पतीक कली कशो सेल्‍तीनी। आमोस ५:७

हबकुक 1:4

मिनु इन अरेशो मपाइनीम। ठीक पाइबपुकीमी ग्राने मचाप्‍नीम। इन अरेशो मटीबपुकीमी ठीक पाइब आन कली पुम्‍नीम। मिनु निसाफ पतीके दूली दुम्‍ब” देंती।

लूका 12:14

मिनु येसुमी “मार गो इस अङस योक्‍ब नङा ङा? मनङ” देंमाक्‍त।

यूहन्‍ना 12:47

मिनु सु सुमी आं देंशो लोव़ नेंशा यो मपाइनीमी, गो मेको आन कली निसाफ मपाइनुङ। मारदे हना गो रागी ङा मुर आन कली निसाफ पचा कली जाक्‍शो मनङ। तन्‍न रागी ङा मुर आन कली पाप रे प्रोंइचा कली जाक्‍शो नङ। यूहन्‍ना ३:१७; लूका ९:५६

यूहन्‍ना 18:36

येसुमी “गो एको रागी ङा पिप मनङ। गो रागी ङा पिप नङ हना, आं वारचपुकीमी राम्‍शी तोशा, ओपा यहूदीपुकीमी आं कली मग्‍याइक्‍यीमी वा। तन्‍न गो एको रागी ङा पिप मनङ” दे येसुमी देंत।

यूहन्‍ना 3:17

परमप्रभु यावेमी रागी ङा मुर आन कली निसाफ पा नरकमी वोइक्‍चा, दे आ तौ मसोइक्‍त। तन्‍न रागी ङा मुर आन कली नरक रे प्रोंइचा कली सोइक्‍ताक्‍व। लूका १९:१०

यूहन्‍ना 7:24

कुल कोव़शा, निसाफ मपने। तन्‍न कुल मकोव़थु निसाफ पने” दे माइक्‍तीमी।

यूहन्‍ना 8:11

“प्रभु, सुइ मलीम” देंत। मिनु येसुमी “गो यो इ कली मसाइक्‍नुङ। लावो, मिनु लेंशा पाप मपावो” देंशा सोइक्‍ताक्‍व। यूहन्‍ना ५:१४

रोमी 2:1

गे अरु आन कली दोस गेचा दाक्‍बपुकी, नेनीने, सु बाक्‍तीनी हना यो, दोस गेचा मदुम्‍ब, दे तुइक्‍तीन। दोस गेतीनी हना, दोसी दुम्‍नीनी, मारदे हना दोस गेबपुकी दोस ताइब आन पशो गेय खोदेंशोन पशो बाक्‍नीम, दे रुपीन। मत्ती ७:२; यूहन्‍ना ८:७; याकूब ४:१२

१ कोरिन्‍थी 2:15

परमप्रभु यावे आ सोक्‍त पाइश्‍शो मुरपुकीमी मारेइ मारेइ नाक्‍ने नु रुप्‍‍ने चाप्‍नीम। तन्‍न मेको आन कली नाक्‍ब सुइ मबाक्‍नीम।

२ कोरिन्‍थी 5:16

गो मुल रे मुर नेल्‍ल आन कली रागी ङा मुर खोदेंशो पा मकोव़नीकी। खेयप का गो ख्रीस्‍त कली मुर खोदेंशो पा कोव़तक। मुल मोदेंशो ममिम्‍नीकी।

याकूब 2:4

गे इन दातेमी आइक्‍च नु ठेयब तिल्‍नीनी। मोदेंशो पनीनु, मरिम्‍शो निसाफ मपनी ङा?

१ सामुएल 16:7

तन्‍न परमप्रभु यावेम मेको कली “मेको दारशो नु लाइश्‍शो बाक्‍त हना यो, मेको कली ममिम्‍तो। गो मेको कली पिप मसेल्‍नुङ। गो, परमप्रभु यावेम मुरुम खोदेंशो पा मकोव़नुङ। मुरुम रां दारशो कोव़शा मिम्‍नीम। गो मुर आ थुं कोव़नुङ” देंमाक्‍त। येरमीया १७:१०; प्रकाश २:२३; प्रेरित १०:३४