यूहन्‍ना 8:12 - Sunuwar Bible

¹² मिनु येसुमी लेंशा फरिसी आन कली “गो रागी कली छेङछेङ नङ। आं नोले खोइक्‍बपुकी गेनायो छिङछिङमी मगाक्‍नीम। ब्रोंइतीक छेङछेङ ताइनीम” देंत। यूहन्‍ना १:५,९; यसैया ४९:६; यसैया ६०:२०; मत्ती ५:१४-१६

यूहन्‍ना 8:12 ပူးပေါင်းရင်းမြစ်များ

अय्‍युब 33:28

मेकोमी आं सोक्‍त कली बेक्‍तीक रे प्रोंइतु। मिनु गो छेङछेङ तचा कली ब्रोंइती’ देंब।

भजन संग्रह 18:28

गे आं बत्ती ब्रपाइक्‍नीनी। परमप्रभु यावे, आं परमप्रभु, गे आं छिङछिङ कली छेङछेङ सेल्‍नीनी।

भजन संग्रह 49:19

मो हना यो मेको बेक्‍शा, आन किकी पिपी आन बाक्‍तीके लाइनीम। मेकोपुकीमी गेनायो हाम्‍सो मताइनीम।

भजन संग्रह 97:11

ठीक पाइब आन कली छेङछेङ बाक्‍ब। मिनु ब्रेम्‍शो थुं पाइश्‍शो मुर आन कली ग्‍येरतीक बाक्‍ब।

यसैया 49:6

मिनु मेकोमी “याकूब आ थर ङा मुरपुकी नु इस्राएल ङा लीशो मुर आन कली ङोंइती ङा खोदेंशो सेल्‍चा कली इ कली आइक्‍च गेय का बाक्‍ब। गो इ कली रागी रागी ङा मुर आन कली छेङछेङ दुम्‍पाइक्‍नुङ। मिनु मेको आं पाप रे प्रोंइतीके रागी ङा सुर सम्‍म ब्रल” देंत। यसैया ४२:६; यसैया ६०:३; लूका २:१२; प्रेरित १३:४७

यसैया 50:10

इन दातेमी परमप्रभु यावे कली मान पा हिंब सु बाक्‍नी? मिनु आं गेय पाइब आं देंशो टीब सु बाक्‍नी? मेको छिङछिङम गाक्‍शा, छेङछेङ काइ मताइब बाक्‍त हना यो, परमप्रभु यावेम “आं कली श्‍येत रे प्रोंइब” दे थमा सुइश्‍शा, आ परमप्रभु कली जिम्‍मा गेंसीशो बाक्‍ब।

यसैया 9:2

छिङछिङम गाक्‍बपुकीम ठेयब छेङछेङ ताइनीम। थम छिङछिङ ङा रागीम बाक्‍ब आन तार थम छेङछेङ दुम्‍ब।

होसे 6:3

गोपुकी परमप्रभु यावे कली तुइश्‍शा, ठेयब सेल्‍य। मेको कली शुश तुइश्‍शा मान पय। मेको नां दाप्‍शो बुद पा जाक्‍ब। हिंउद ङा रेउ खोदेंशो पा जाक्‍ब। बर्खा ङा रू कली रिम्‍शो पा जिप्‍ब रेउ खोदेंशो पा जाक्‍ब” दे लोव़ पाम्‍तेक्‍म।

मलाकी 4:2

तन्‍न गे आं नें कली मान पाइब, इन ङोंइती आं ठीक पतीके नां खोदेंशो पा दाप्‍ब। इन रोइ यो सानीनी। गे गोठ रे पा ग्रूशो बाछा खोदेंशो पा प्रेक्‍ना प्रेक्‍न दोरनीनी। लूका १:७८

मत्ती 5:14

गे रागी ङा छेङछेङ ननी। डांडामी सेल्‍शो सहर मारेइमी मफारसीब। यूहन्‍ना ८:१२

लूका 2:32

अर्को जात ङा मुर आन कली छेङछेङ दुम्‍शा, मेको आन कली रुप्‍तीक थुं गेचा कली सोइक्‍ताक्‍नी। गो इस्राएली आंइ कली थम रिम्‍शो दुम्‍त” देंमाक्‍त। यसैया ४९:६

यूहन्‍ना 12:35

मिनु येसुमी मेको मुर आन कली “मेको छेङछेङ माइश्‍शो का गेपुकी नु इच्‍का नाक्‍त सम्‍म बाक्‍ब। छेङछेङ बाक्‍म सम्‍म गाक्‍कीन। छेङछेङमी मगाक्‍तीनी हना, छिङछिङमी गाक्‍चा माल्‍नीनी। सु छिङछिङमी गाक्‍बा, मेको ते लाइबा मतुइक्‍ब।

यूहन्‍ना 12:36

छेङछेङ माइश्‍शो का बाक्‍म सम्‍म मेको कली थमा सुतीन। मो पाइतीनी हना, छेङछेङ माइश्‍शो आ तमी तौ दुम्‍नीनी” देंत। मिनु येसुमी मेको लोव़ पशा, मेकेर रे गाक्‍शा ख्रुंइ‍साक्‍व। एफिसी ५:८

यूहन्‍ना 12:46

रागी ङा मुर आन कली परमप्रभु यावे आ पर्बम तुइक्‍पाइक्‍चा कली गो रागी कली छेङछेङ दुम्‍शा जाक्‍ती। मोपतीके सुम आं कली थमा सुइक्‍बा, मेको छिङछिङमी मबाक्‍ब।

यूहन्‍ना 14:6

मिनु येसुमी “गो थमा नु ब्रोंइचा गेब लां नङ। सुइ आन पतीक गेना हना यो आं आफ नु बाक्‍चा मताइनीम। तन्‍न आं पतीके रे ला गेना हना यो परमप्रभु यावे नु बाक्‍चा ताइनीम। यूहन्‍ना १०:९; मत्ती ११:२७; रोमी ५:१-२; हिब्रू १०:२०

यूहन्‍ना 3:19

मिनु निसाफ दोदेंशो बाक्‍ब देंशा हना, छेङछेङ माइश्‍शो रागीम जाक्‍त। मुरपुकीमी छेङछेङ क्‍येङा छिङछिङ कली शुश दाक्‍ताक्‍म। मारदे हना आन पशो गेय मरिम्‍शो बाक्‍त। यूहन्‍ना १:५,९-११

यूहन्‍ना 7:17

सु मुरुमी परमप्रभु यावे आ दाक्‍शो पाइबा, मेकोमी आं शेंतीके लोव़ परमप्रभु यावे के बाक्‍बा कों, आंम के बाक्‍बा, दे तुइक्‍ब।

यूहन्‍ना 9:5

गो रागीमी बाक्‍ङानु, रागी कली छेङछेङ नङ” देंत। यूहन्‍ना ८:१२; यूहन्‍ना १२:१५

प्रेरित 13:47

आंमा शेंब दुम्‍शा, गाक्‍शो मनस्‍कु। परमप्रभु यावेमी आंस कली आ लोव़ शेंब सेल्‍तु। मिनु मेकोमी ‘गो इ कली नेल्‍ल रागी ङा, नेल्‍ल जात ङा मुर आन कली लां कोंइशा, छेङछेङ दुम्‍शा रुप्‍पाइक्‍चा कली सोइक्‍ताक्‍ङ’ दे ब्रेक्‍शो बाक्‍ब” देंसा बाक्‍त। यसैया ४९:६

प्रेरित 26:23

मेकोपुकीमी ‘ख्रीस्‍तम श्‍येत जचा माल्‍ब’ दे ब्रेक्‍शो बाक्‍शो बाक्‍तेक्‍म। मिनु बेक्‍शो रे सेंसीशा ब्रोंइशा बाक्‍ब। बेक्‍शो रे सेंचा पुंइसीबपुकीमी नेल्‍ल आन क्‍येङा ङोंइती मेको येसु ख्रीस्‍त बेक्‍शो रे सेंसाक्‍व। मिनु मोपा यहूदी नु अर्को रागी ङा मुर नेल्‍ल आन कली छेङछेङ दुम्‍शो खोदेंशो पा आन लां कोंइब दुम्‍त” दे पावलमी सांकछी गेशा शेंदीमी बाक्‍त। १कोरिन्‍थी १५:२०

२ पत्रुस 2:17

मेको दूली शेंबपुकी ब्‍वाक्‍कु मयीब धारा नु फशेम बेरपाइश्‍शो गोस्‍स खोदेंशो बाक्‍नीम। मेको नेल्‍ल क्‍येङा छिङछिङ ङा बाक्‍तीकेमी वोइक्‍चा पुंइसीनीम।

२ पत्रुस 2:4

का निक्‍शी परमप्रभु यावे आ स्‍वर्ग ङा गेय पाइबपुकी यो पाप पतीके शिशी मतामे। परमप्रभु यावेमी मेको आन कली नरकमी ताइश्‍शा, नेल्‍ल क्‍येङा मरिम्‍शो बाक्‍तीकेमी सोइक्‍ताक्‍मी। मिनु निसाफ पची नाक्‍त सम्‍म छिङछिङमी चोक्‍शा वोइक्‍तीमी।

१ यूहन्‍ना 1:6

गोपुकीमी छिङछिङम गाक्‍शा यो “परमप्रभु यावे नु थुं का ङा बाक्‍नय” देंतय हना, जोल्‍फे दुम्‍नय। थमा गेय मपाइनय। १यूहन्‍ना २:४

यहूदा 1:13

मेको समुन्‍द्र ङा ठेयब हिंचा ङा छाल खोदेंशो बाक्‍नीम। आंम मुने ङा बोग्‍यो ग्रुंइनीम। दोक्‍शो सोरुल खोदेंशो बाक्‍नीम। मेको आन कली नेल्‍ल क्‍येङा मरिम्‍शो छिङछिङ ङा बाक्‍तीके वोइश्‍शो बाक्‍ब। यसैया ५७:२०

यहूदा 1:6

परमप्रभु यावे आ स्‍वर्ग ङा गेय पाइब का निक्‍शीमी परमप्रभु यावे कली मटिथु आन बाक्‍तीके प्रोंइतेक्‍म। परमप्रभु यावेमी मेको आन कली ठेयब निसाफ पची नाक्‍त सम्‍म गेना हना यो मप्रोंइचा ङा पा साङलोमी पाइश्‍शा, नेल्‍ल क्‍येङा मरिम्‍शो बाक्‍तीक छिङछिङमी वोइश्‍शो बाक्‍ब। उत्‍पत्ती ६:२-४

प्रकाश 21:24

मिनु रागी रागी ङा मुरपुकी मेको सहर ङा छेङछेङमी बाक्‍नीम। मिनु रागी रागी ङा पिप आन शोंप नु दारस मेकेर चाक्‍नीम।