यूहन्‍ना 7:6 - Sunuwar Bible

⁶ मिनु येसुमी आ लोक्‍ब आन कली “मुल सम्‍म आं लची मजा। गेपुकी लने चाप्‍नीनी। यूहन्‍ना २:४

यूहन्‍ना 7:6 ပူးပေါင်းရင်းမြစ်များ

भजन संग्रह 102:13

गे बोक्‍शा, सियोन कली थमा पा शिशी पाइनीनी। मेको कली शिशी पतीक नाक्‍त जाक्‍शो बाक्‍ब।

मत्ती 26:18

येसुमी “सहर लशा, आं कली तुइक्‍ब मुर कली ग्रुम्‍शा ‘शेंबमी आं कली दुम्‍चा माल्‍शो मुल दुम्‍चाप्‍तु। मोपतीके इन खिंमी बास गेशा, आं शेंसीब नु काथा बाक्‍शा, पास्‍सा मानेचा गेयी, दे पुंइथ सोइक्‍ताक्‍की’ दे मतीन” दे सोइक्‍ताक्‍मी। मत्ती २१:३

यूहन्‍ना 13:1

येसुमी पास्‍सा चाड ङोंइती “मुल रागी रे आं आफ आ बाक्‍तीक लची नाक्‍त जाक्‍त” दे तुइक्‍ताक्‍व। मिनु येसुमी नेल्‍ल क्‍येङा नोले ङा नाक्‍त सम्‍म रागीमी बाक्‍शो आ मुर आन कली दाक्‍शो बाक्‍त। यूहन्‍ना ७:३०; यूहन्‍ना १७:१

यूहन्‍ना 17:1

मिनु येसुमी मेको लोव़ पने थुम्‍शा, सरीङ गे कोव़शा “आं आफ, आं लची जाक्‍त, इन सक्ति गेयीनी। मिनु गो इन सक्ति कोंइनुङ।

यूहन्‍ना 2:4

मिनु येसुमी आ ममा कली “गो मार पचा माल्‍नुङा, आं कली मदेनीन। मुल सम्‍म आं पची मजा” दे माइक्‍तु।

यूहन्‍ना 7:30

मिनु यहूदीपुकीमी येसु कली ग्‍याइक्‍चा माल्‍तेक्‍म। तन्‍न सुइमी मग्‍याइक्‍तेम। मारदे हना येसु कली ग्‍याइक्‍ची ना मजाक्‍शो बाक्‍त। यूहन्‍ना ८:२०; लूका २३:५२

यूहन्‍ना 7:8

गे लने, गो मुल मलाइनुङ। मुल आं लची मजा” दे माइक्‍तीमी।

यूहन्‍ना 8:20

येसुमी परमप्रभु यावे आ खिं ङा शोंप वोइक्‍तीक कोठा आ ङोंइती बाक्‍शा, मोदेंशो शेंशो बाक्‍त। परमप्रभु यावे आ खिंमी बाक्‍शा शेंशा यो, सुइमी मग्‍याइक्‍तेम। मारदे हना मेको कली ग्‍याइक्‍ची ना मजाक्‍शो बाक्‍त। यूहन्‍ना ७:३०

प्रेरित 1:7

मिनु येसुमी “राज्‍य सेल्‍‍चा आं आफ आ गुइमी बाक्‍ब। मिनु गेना सेल्‍चा दाक्‍बा, मेना सेल्‍‍ब। मेको तुइक्‍चा यो ममाल्‍नीनी। मत्ती २४:३६