यूहन्‍ना 7:33 - Sunuwar Bible

³³ मिनु येसुमी “गो गेपुकी नु इच्‍का नाक्‍ती सम्‍म बाक्‍नुङ। मिनु नोले आं कली सोइक्‍ब आ बाक्‍तीकेमी लाइनुङ। यूहन्‍ना १३:३३

यूहन्‍ना 7:33 ပူးပေါင်းရင်းမြစ်များ

मर्कूस 16:19

मेको लोव़ नेल्‍ल थुम्‍शा नोले प्रभु येसु स्‍वर्ग लाइक्‍चा पुंइसे बाक्‍त। मिनु परमप्रभु यावे आ ग्‍युरा गे निस्‍से बाक्‍त। प्रेरित १:२; भजन संग्रह ११०:१; प्रेरित ७:५५

यूहन्‍ना 13:1

येसुमी पास्‍सा चाड ङोंइती “मुल रागी रे आं आफ आ बाक्‍तीक लची नाक्‍त जाक्‍त” दे तुइक्‍ताक्‍व। मिनु येसुमी नेल्‍ल क्‍येङा नोले ङा नाक्‍त सम्‍म रागीमी बाक्‍शो आ मुर आन कली दाक्‍शो बाक्‍त। यूहन्‍ना ७:३०; यूहन्‍ना १७:१

यूहन्‍ना 13:3

मिनु येसुमी “आं आफोमी आं कली नेल्‍ल सक्ति गेती। गो परमप्रभु यावे रे जाक्‍शो नङ। मिनु परमप्रभु यावे आ बाक्‍तीके लेत्‍नुङ” दे तुइश्‍शा, यूहन्‍ना ३:३५; यूहन्‍ना १६:२८

यूहन्‍ना 13:33

आं आइक्‍च आलपुकी, गो इन कली शुश दाक्‍ताक्‍ङ हना यो, गो गेपुकी नु शुश बाक्‍चा मताइनुङ। गेपुकी आं कली माल्‍नीनी। मिनु गो यहूदी आन कली ‘आं लतीकेमी गेपुकी जाक्‍ने मचाप्‍नीनी’ देंशो खोदेंशो, गो इन कली यो मो देंनुङ। यूहन्‍ना ८:२१

यूहन्‍ना 14:12

मिनु नोफा दाइश्‍शा नेनीन, सुमी आं कली थमा सुइक्‍बा, मेकोमी आं पशो गेय यो पाइब। मिनु आं क्‍येङा ठेयब गेय पाइब। मारदे हना गो आं आफ आ बाक्‍तीक लाइनुङ। मत्ती २८:१९

यूहन्‍ना 14:19

इच्‍का नोले थमा मसुइक्‍बपुकीमी आं कली लेंशा मताइनीम। गेपुकीमी चहिं आं कली ताइनीनी। मारदे हना गो ब्रोंइनुङ। मिनु गेपुकी यो ब्रोंइनीनी। यूहन्‍ना २०:२०

यूहन्‍ना 14:28

‘गो लाइनुङ। मिनु लेंशा जाक्‍नुङ’ दे आं देंशो नेंतीनी। गेपुकी आं कली दाक्‍ताक्‍यीनी हना, ग्‍येरसीनी वा। मारदे हना गो आं आफ आ बाक्‍तीक लाइनुङ। आं आफ चहिं आं क्‍येङा ठेयब बाक्‍ब।

यूहन्‍ना 16:10

परमप्रभु यावे आ ङोंइती ठीक दुम्‍शा बाक्‍चा आ पर्बम मार शेंब देंशा हना, गो आं आफ आ बाक्‍तीक लाइनुङ। मो दुम्‍तीके गेपुकीमी आं कली मताइनीनी, दे शेंब। प्रेरित ५:३१; रोमी ४:२५

यूहन्‍ना 16:28

गो आं आफ रे रागीमी जाक्‍ती। लेंशा रागी रे पा, आं आफ आ बाक्‍तीक लाइनुङ” देंत।

यूहन्‍ना 16:5

मुल चहिं आं कली रागीमी सोइक्‍ब आ बाक्‍तीकेमी लाइनुङ। गो लती हना यो, गेपुकी सुइमी ‘ते लाइनीनी?’ दे हिल्‍लो मपाइनीनी।

यूहन्‍ना 17:11

मुल गो रागीमी शुश नाक्‍त मबाक्‍नुङ। गे का ला बाक्‍शो आं आफ, इन बाक्‍तीक जाक्‍चशो बाक्‍नुङ। तन्‍न मेकोपुकी रागीमी बाक्‍नीम। आं आफ, आं कली गेशो मुर इन नें ङा सक्तिमी रिम्‍शो कोव़शा वोतीन। दोपा गो गे नु थुं का ङा बाक्‍ङा, मोपा मेकोपुकी यो थुं का दुम्‍शा बाक्‍मल, दे सक्ति गेने।

यूहन्‍ना 17:13

मुल गो इन बाक्‍तीक जाक्‍चशो बाक्‍नुङ। इन लोव़ रागीमी शेंताक्‍ङमी। मारदे शेंताक्‍ङमी देंशा हना, आं ग्‍येरशो खोदेंशो पा मेको यो ग्‍येरसीशा बाक्‍मल, दे शेंताक्‍ङमी। यूहन्‍ना १५:११

यूहन्‍ना 20:17

मिनु येसुमी “मग्‍याइक्‍ती। मारदे हना मुल सम्‍म आं आफ आ बाक्‍तीक मलङ। आं लोक्‍ब आन बाक्‍तीक लशा, मेको आन कली ‘गो इं आफ, परमप्रभु यावे आ बाक्‍तीक लाइनुङ’ गे मेको आन कली शेंदो” दे माइक्‍तु। हिब्रू २:११-१२

यूहन्‍ना 9:4

मिनु गोपुकीमी आं कली सोइक्‍ब आ गेय नाक्‍ती पचा माल्‍नय। नां रिक्‍मेनु, सुइमी गेय पने मचाप्‍नीम। यूहन्‍ना ५:१७; येरमीया १३:१६