यूहन्‍ना 7:31 - Sunuwar Bible

³¹ मिनु शुश मुरपुकीमी मेको कली थमा सुइक्‍तेक्‍म। मेकोपुकीमी “ख्रीस्‍त अर्को बाक्‍त हना, मेकोमी एको क्‍येङा शुश छक लाक्‍चा ङा गेय पने चाप्‍बा ङा?” देंतेक्‍म।

यूहन्‍ना 7:31 ပူးပေါင်းရင်းမြစ်များ

मत्ती 12:23

मेकेर देल्‍शोपुकीमी “ओहो, एकोन दाऊद आ तौ बाक्‍म कोर में?” देंमुम्‍तेक्‍म। मत्ती २१:९; यूहन्‍ना ७:४२

लूका 8:13

ग्‍याङग्रो खपीम जुक्‍शो देंशो मुरपुकीमी परमप्रभु यावे आ लोव़ नेंशा, बिश्‍शा ग्‍येरसीनीम। तन्‍न शाक्‍श थोक्‍चा मतथु शुश मलीथु, थुं थाम्‍चा पुंइस‍मानु, थमा सुइक्‍चा प्रोंइनीम।

यूहन्‍ना 11:45

मरीयम कली लेम्‍थ जाक्‍शो शुश यहूदीमी मो दुम्‍शो तशा, येसु कली थमा सुइक्‍तेक्‍म।

यूहन्‍ना 12:11

मारदे हना मेको आ पर्बम शुशेमी यहूदी आन शेंतीक प्रोंइशा, येसु कली थमा सुइक्‍तेक्‍म।

यूहन्‍ना 12:42

ठेयब मुर शुशेमी येसु कली थमा सुइक्‍तेक्‍म। मेकोपुकीमी “फरिसीपुकीमी आंइ कली यहूदी आन ग्रुम्‍तीक खिं रे तिल्‍नीम” दे हिंशा, अरु आन कली “गो थमा सुइक्‍ब दुम्‍तक” दे मदेंम। यूहन्‍ना ९:२२

यूहन्‍ना 2:11

मेको येसु आ ङोंइती ङा छक लाक्‍चा ङा गेय बाक्‍त। मेको ङोंइती पशो छक लाक्‍चा ङा गेय गालील रागी ङा काना माइश्‍शो सहरमी पशो बाक्‍त। मोपा मुर आन कली आ सक्ति कोंइशो बाक्‍त। मेको तशा आ शेंसीबपुकीमी येसु कली परमप्रभु यावे आ तौ बाक्‍त, दे थमा सुदमे बाक्‍त। यूहन्‍ना १:१४

यूहन्‍ना 3:2

मिनु नाक्‍दो मेको मुर येसु आ बाक्‍तीक जाक्‍शा, येसु कली “शेंब, गे परमप्रभु यावे आ सोइश्‍शो शेंब ननी, दे तुइक्‍नीकी। मारदे हना परमप्रभु यावे आ सोइश्‍शोमी ला गे इन खोदेंशो पा छक लाक्‍चा ङा गेय पने चाप्‍ब” देंत।

यूहन्‍ना 4:29

“मुर का कली कोव़थ पिने। मेकोमी आं पशो नेल्‍ल तुइश्‍शा गो नु लोव़ पाप्‍तु। मेको ख्रीस्‍त बाक्‍म, कों?” दे मुर आन कली माइक्‍मी बाक्‍त।

यूहन्‍ना 4:39

मेको मीश मुरुमी सामरीया ङा सीकार सहर ङा मुर आन कली “आं पशो गेय नेल्‍ल माइक्‍ती” देंशो नेंशा, सामरीया ङा मुर शुशेमी “मेकोन परमप्रभु यावे आ सोइश्‍शो ख्रीस्‍त बाक्‍त” दे थमा सुदमे बाक्‍त।

यूहन्‍ना 6:2

मिनु शुश मुरपुकीमी येसु आ नोले खोइक्‍तेक्‍म। मारदे हना येसुमी छक लाक्‍चा ङा गेय पा, रोइ पाइब आन कली सापाइश्‍शो तशो बाक्‍तेक्‍म।

यूहन्‍ना 7:26

मिनु एकेर बाक्‍शा, मुर नेल्‍ल आन कली शेंब। मेको कली मारेइ मदेंनीमी। मिनु ठेयब मुरपुकीमी ‘एको ख्रीस्‍त बाक्‍त’ दे थमा पा तुइक्‍त‍ाक्‍मे?

यूहन्‍ना 9:16

फरिसी का निक्‍शीमी “परमप्रभु यावे आ सोइश्‍शो ममाइ। मारदे हना नाइक्‍तीक नाक्‍त ममानेब” देंतेक्‍म। का निक्‍शीमी चहिं “पापी मुरुमी दोपा ओदेंशो छक लाक्‍चा ङा गेय पने चाप्‍बा ङा?” देंतेक्‍म। मिनु मेकोपुकी ब्रातेक्‍म।

प्रेरित 8:13

शुशेमी थमा सुइश्‍शो तशा, मेको चटक पा गाक्‍ब सिमोन यो थमा सुइक्‍ब दुम्‍शा, ब्‍वाक्‍कुम ख्रुम्‍शा ग्रुंइचा पुंइसे बाक्‍त। मिनु फिलीप कली मप्रोंइथु, काथा गाक्‍बा दुम्‍माक्‍त। फिलीपमी चिन्‍ड नु छक लाक्‍चा ङा गेय कोंइदानु, सिमोन यो छक लाक्‍बाक्‍माक्‍त।

याकूब 2:26

मिनु दोपा सोक्‍त मपाइश्‍शो मुर बेक्‍शो बाक्‍बा, मोपा थमा सुइक्‍बमी थमा सुइश्‍शो गेय मपाप्‍तु हना, आ थमा सुइक्‍तीके बेक्‍शो बाक्‍ब।