यूहन्‍ना 7:29 - Sunuwar Bible

²⁹ गो चहिं मेको कली तुइक्‍नुङ। मारदे हना गो मेको आ बाक्‍तीक रे जाक्‍शो नङ। मेकोम आं कली सोइक्‍ताक्‍यी” दे शेंताक्‍मी। मत्ती ११:२७

यूहन्‍ना 7:29 ပူးပေါင်းရင်းမြစ်များ

मत्ती 11:27

आं आफोमी मारेइ मारेइ तुइक्‍पाइक्‍ती। सुइमी आं कली, आ तौ कली मतुइक्‍नीम। आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन कली योव़ङमी, मेको आन कली आ आफ आ पर्बम तुइक्‍पाइक्‍ब। मत्ती २८:१८; यूहन्‍ना ३:३५; यूहन्‍ना १७:२; फिलिप्‍पी २:९

यूहन्‍ना 1:18

मुरपुकीमी परमप्रभु यावे कली गेनायो मतामे। तन्‍न परमप्रभु यावे नु बाक्‍ब आ कांइचीक तौमी मुर आन कली परमप्रभु यावे कली तुइक्‍पाइक्‍तु। यूहन्‍ना ६:४६; मत्ती ११:२७

यूहन्‍ना 10:15

दोपा आं आफोमी आं कली तुइक्‍बा, मोपा गो आं आफ कली तुइक्‍नुङ। मिनु भेडा आन पा ङा गो साइक्‍चा पुंइसीनुङ।

यूहन्‍ना 13:3

मिनु येसुमी “आं आफोमी आं कली नेल्‍ल सक्ति गेती। गो परमप्रभु यावे रे जाक्‍शो नङ। मिनु परमप्रभु यावे आ बाक्‍तीके लेत्‍नुङ” दे तुइश्‍शा, यूहन्‍ना ३:३५; यूहन्‍ना १६:२८

यूहन्‍ना 17:18

गेमी आं कली रागीमी सोइश्‍शो खोदेंशो पा, गो यो मेको आन कली रागी रागीम सोइक्‍ताक्‍ङमी। यूहन्‍ना २०:२१

यूहन्‍ना 6:46

सुइमी आं आफ कली मतामे। परमप्रभु यावे रे यीबमी ला आफ कली तशो बाक्‍त। यूहन्‍ना १:१८

यूहन्‍ना 8:55

गेपुकीमी मेको कली मतुइक्‍नीनी। तन्‍न गो तुइक्‍नुङ। गो ‘मेको कली मतुइक्‍नुङ’ देंती हना, इन खोदेंशो जोल पाइब दुम्‍नुङ। तन्‍न गो मेको कली तुइक्‍नुङ। मिनु आ शेंशो पाइनुङ। यूहन्‍ना ७:२८-२९

१ यूहन्‍ना 1:2

मेको ब्रोंइचा गेब लोव़ माइश्‍शो रागीमी तपांइसीचा पुंइसाक्‍व। मिनु गो मेको कली ताइतक। मोपतीके गोपुकीमी मेको आ लोव़ शेंनीकी। मिनु इन कली यो गेना हना यो, इं आफ नु बाक्‍चा आ पर्बम शेंनीकी। मेको गेना हना यो ब्रोंइशा बाक्‍तीक माइश्‍शो ङोंइती आ आफ परमप्रभु यावे नु बाक्‍त। मिनु परमप्रभुमी मेको आंइ कली कोंइताक्‍व।

१ यूहन्‍ना 4:14

मिनु गोपुकी परमप्रभु यावेमी आ तौ रागीमी सोइश्‍शो ताइतक। गोपुकीमी “इं आफ, परमप्रभुमी आ तौ कली मुर आन कली पाप रे प्रोंइचा, दे रागीमी सोइक्‍ताक्‍व” दे शेंना शेंन बाक्‍नीकी। यूहन्‍ना ३:१७

१ यूहन्‍ना 4:9

परमप्रभु यावेमी दोपा आ दाक्‍चा कोंइताक्‍व देंशा हना, आ का ला तौ रागीमी सोइक्‍ताक्‍व। मिनु आ तौ साइक्‍चा पुंइसीतीके इं कली गेना हना यो ब्रोंइशा बाक्‍चा गेप्‍तु। यूहन्‍ना ३:१६