यूहन्‍ना 7:28 - Sunuwar Bible

²⁸ मोपतीके येसुमी परमप्रभु यावे आ खिंमी मुर आन कली ठेयब सेंदा पा “गेपुकीमी आं कली तुइक्‍नीनी। मिनु गो ते ङा नङ, मेको यो तुइक्‍नीनी? आंमा मिम्‍शा मजाक्‍ङ। तन्‍न आं कली सोइक्‍ब थमा पा परमप्रभु यावे बाक्‍ब। मिनु गेपुकीमी मेको कली मतुइक्‍नीनी।

यूहन्‍ना 7:28 ပူးပေါင်းရင်းမြစ်များ

भजन संग्रह 9:10

परमप्रभु यावे, इन नें तुइक्‍बपुकीमी इन कली थमा सुइक्‍नीम। मारदे हना गे इन कली माल्‍ब आन कली मप्रोंइनीनी।

येरमीया 31:34

मेना रे परमप्रभु यावे कली तुइक्‍तीन, दे मुर कामी अर्को कली मशेंनीम। मारदे हना आइक्‍च रे ठेयब नेल्‍लेम आं कली तुइक्‍नीम। गो मेको आन मरिम्‍शो पशो माफ गेनुङमी। मिनु लेंशा गेनायो मेको आन पाप ममिम्‍नुङ” दे परमप्रभु यावेमी देंत। येरमीया ३३:८; यसैया ४३:२५; रोमी ११:२६-२७

येरमीया 9:6

मेकेर दिम्‍मुतीके नु जोल पमुतीके ला बाक्‍ब। मेकोपुकीमी आं कली तुइक्चा मदाक्‍नीम” दे परमप्रभुमी यावे, मुर नेल्‍ल आन परमप्रभुमी देंत।

होसे 4:1

गे इस्राएली, परमप्रभु यावे आ लोव़ नेनीन। मारदे हना परमप्रभु यावेमी रागीम बाक्‍ब इन कली दोस गेब। मार दोस गेब देंशा हना “एको रागी ङा मुरुमी आं कली प्रोंइतीमी, आं कली मदाक्‍थु, आं कली मटीनीम।

होसे 5:4

मेको आन गेय आ पर्बम आन परमप्रभु गे लेत्‍ने मचाप्‍नीम। तेल्‍लेम पचा मेको आन थुंमी बाक्‍ब। मिनु मेकोपुकीमी परमप्रभु यावे कली मतुइक्‍नीम। होसे ४:१२

मत्ती 11:27

आं आफोमी मारेइ मारेइ तुइक्‍पाइक्‍ती। सुइमी आं कली, आ तौ कली मतुइक्‍नीम। आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन कली योव़ङमी, मेको आन कली आ आफ आ पर्बम तुइक्‍पाइक्‍ब। मत्ती २८:१८; यूहन्‍ना ३:३५; यूहन्‍ना १७:२; फिलिप्‍पी २:९

मत्ती 2:23

मिनु गालील ङा नासरथ सहरमी जाक्‍दीश्‍शा बाक्‍मा बाक्‍त। मारदे हना साइ नेसी परमप्रभु यावे आ लोव़ पाइब आन लोव़ थमा दुम्‍चा माल्‍बाक्‍माक्‍त। मेकोपुकीमी “मेको कली नासरी देंनीम” देंशो बाक्‍मा बाक्‍ब। लूका २:३९; यूहन्‍ना १:४६

मत्ती 26:55

मिनु येसुमी हुल आन कली “तरवार कोक्‍के कुरशा, खुइ पाइब कली ग्‍याइक्‍थ जाक्‍शो खोदेंब पा आं कली ग्‍याइक्‍थ जाक्‍नी? नाक्‍त किंत किंत परमप्रभु यावे आ खिंमी मुर आन दातेमी शेंना शेंन बाक्‍ङानु, मग्‍याइक्‍तीनी।

लूका 10:22

आं आफोमी आं कली नेल्‍ल कली अधिकार पतीक सक्ति गेती। तन्‍न सुइमी आ तौ सु बाक्‍बा, मतुइक्‍नीम, आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन थुंम तुइक्‍तीक वोइक्‍बा, मेकोपुकीमी यो तुइक्‍नीम” देंमाक्‍त।

लूका 2:11

एको ग्‍येरपाइक्‍ब लोव़ दोदेंशो बाक्‍ब देंशा हना, मुलाक्‍दो पिप दाऊद आ सहरम आल का जरमेसाक्‍व। मेको नक जरमेशो आल पाप रे प्रोंइब, प्रभु येसु ख्रीस्‍त बाक्‍ब।

लूका 2:39

मिनु परमप्रभु आ अरेशो पचा माल्‍शो गेय नेल्‍ल थुम्‍शा, आल कली लाइश्‍शा, गालील रागी ङा नासरथ सहरम लेस्‍सा बाक्‍त।

लूका 2:4

योसेफ पिप दाऊद आ खिं ङा बाक्‍माक्‍त। पिप दाऊद आ खिं ङा मुर आन सोतीक बोतीक बेथलेहेम सहर बाक्‍माक्‍त। मोपतीके योसेफ आ मीश मरीयम कली लाइश्‍शा, गालील रागी ङा नासरथ सहर रे यहूदीया रागी ङा बेथलेहेम सहर लमाक्‍त।

लूका 2:51

मिनु येसु आ आम आफ नु लेश्‍शा, नासरथ आ खिं लमाक्‍त। में ङा मेरे आ आम आफ आस लोव़ टिशा बाक्‍माक्‍त। आ ममामी मेको मोदेंशो दुम्‍शो नेल्‍ल शुश मिम्‍शा थुंम वोदा बाक्‍त।

यूहन्‍ना 1:46

मिनु नथानेलमी चहिं “नासरथ सहर रे सु रिम्‍शो मुर जाक्‍ने चाप्‍बा ङा?” दे फिलीप कली देंत। मिनु फिलीपमी “लो, कोव़ङो” देंत। यूहन्‍ना ७:४१

यूहन्‍ना 10:36

परमप्रभु यावेमी आं कली रागीमी सोइक्‍चा कली ठीक सेल्‍तु। गेपुकीमी चहिं ‘परमप्रभु यावे आ पर्बम मरिम्‍शो लोव़ देंनेवे’ देंनीनी। मारदे हना ‘गो परमप्रभु यावे आ तौ नङ’ देंती। यूहन्‍ना ५:१७-२०

यूहन्‍ना 12:49

आं कली सोइक्‍ब आं आफोमी गो मार देंचा नु शेंचा माल्‍नुङा, मेको नेल्‍ल माइक्‍ती। मोपतीके मेको आं लोव़ ममाइ। आं आफ आ लोव़ बाक्‍ब।

यूहन्‍ना 14:10

गो आं आफ आगामी बाक्‍नुङ। मिनु आं आफ आं आगामी बाक्‍ब, दे थमा मसुइक्‍नेवे? आं देंशो लोव़ आं के ममाइ, आं आफ आ लोव़ बाक्‍ब। आं आगामी बाक्‍शो आं आफोमी गेय पाइब। यूहन्‍ना १२:४९

यूहन्‍ना 14:31

गो आं आफ आ देंशो पाइनुङ। मो पङानु, गो आं आफ कली दाक्‍नुङ, दे रागी रागी ङा मुरपुकीमी तुइक्‍तमेक्‍ल। लो बोक्‍कीन, गाक्‍य” देंत। यूहन्‍ना १०:१८

यूहन्‍ना 16:3

मोदेंशो पाइनीम। मारदे हना आं आफ नु आं कली मतुइक्‍नीम। यूहन्‍ना १५:२३

यूहन्‍ना 17:25

आं आफ, गे नेल्‍ल रिम्‍शो नु ठीक पाइब बाक्‍नीनी। रागी ङा मुरपुकीमी इन कली मतुइक्‍नीम। गो चहिं इन कली तुइक्‍नुङ। मिनु आं शेंसीबपुकीमी गे आं कली सोइक्‍ताक्‍यीनी, दे तुइक्‍नीम।

यूहन्‍ना 17:3

गेना हना यो गे नु ब्रोंइशा बाक्‍चा मार बाक्‍ब देंशा हना, सुमी इन कली गे ला थमा परमप्रभु यावे बाक्‍नीनी नु गो, इन सोइश्‍शो येसु ख्रीस्‍त नङ, दे तुइक्‍नीमी, मेको ला गेना हना यो गे नु ब्रोंइशा बाक्‍चा ताइनीम। १यूहन्‍ना ५:२०

यूहन्‍ना 3:2

मिनु नाक्‍दो मेको मुर येसु आ बाक्‍तीक जाक्‍शा, येसु कली “शेंब, गे परमप्रभु यावे आ सोइश्‍शो शेंब ननी, दे तुइक्‍नीकी। मारदे हना परमप्रभु यावे आ सोइश्‍शोमी ला गे इन खोदेंशो पा छक लाक्‍चा ङा गेय पने चाप्‍ब” देंत।

यूहन्‍ना 3:33

सु सुमी आ देंशो थमा सुइक्‍नीम, मेकोपुकीमी ‘परमप्रभु यावेमी ङोंइती देंशो लोव़ थमा बाक्‍ब’ दे तुइश्‍शा गेय पाइनीम।

यूहन्‍ना 5:32

आं पर्बम अर्कोमी लोव़ पाइब, गो मेको तुइक्‍नुङ।

यूहन्‍ना 5:43

गो आं आफ आ नेंमी जाक्‍ती। तन्‍न गेपुकीमी आं कली मब्रनी। सुइ मुर आंम आ नेंमी जाक्‍त हना, मेको कली चहिं ब्राइनीनी। मत्ती २४:५

यूहन्‍ना 6:42

मिनु मेकोपुकीमी “मार, एको योसेफ आ तौ येसु ममाइ? मेको आ आम आफ कली गो तुइक्‍नीकी” देंतेक्‍म। मिनु मेकोमी “ ‘गो स्‍वर्ग रे जाक्‍शो नङ’ दे दोपा देंने चाप्‍बा ङा?” दे गन गन पाम्‍तेक्‍म। लूका ४:२२

यूहन्‍ना 7:14

मिनु बाली ओंइतीक चाड ङा नाक्‍त का येसुमी परमप्रभु यावे आ खिंमी लशा, मुर आन कली शेंताक्‍व।

यूहन्‍ना 8:14

मिनु येसुमी मेको आन कली “गो आं पर्बम आंमा लोव़ पाता हना यो, आं लोव़ थमा बाक्‍ब। मारदे हना ते रे जाक्‍ङा, ते लाइनुङा, मेको तुइक्‍नुङ। गेपुकी चहिं गो ते रे जाक्‍ङा, ते लाइनुङा मतुइक्‍नीनी। यूहन्‍ना ५:३१; यूहन्‍ना ७:२८

यूहन्‍ना 8:16

गो निसाफ पाता हना यो, आं निसाफ ठीक बाक्‍ब। मारदे हना गो का ला दुम्‍शा निसाफ मपाइनुङ। गो नु आं कली सोइक्‍ब आं आफोमी निसाफ पाइब।

यूहन्‍ना 8:19

मिनु मेकोपुकीमी येसु कली “इ आफ ते बाक्‍बा?” दे हिल्‍लो पाम्‍तेक्‍म। येसुमी “गेपुकीमी आं कली मतुइक्‍नीनी। आं आफ कली यो मतुइक्‍नीनी। आं कली तुइक्‍ती‍नी हना, आं आफ कली यो तुइक्‍तीनी वा” दे माइक्‍तीमी। यूहन्‍ना १४:७

यूहन्‍ना 8:26

गो इन पर्बम शुश लोव़ पचा नु शुश निसाफ पचा माल्‍नुङ। आं कली सोइक्‍ब आं आफ आ लोव़ थमा लोव़ बाक्‍ब। मेको आ लोव़ नेंशा, रागी ङा मुर आन कली शेंनुङ” देंत।

यूहन्‍ना 8:42

मिनु येसुमी “परमप्रभु यावे इन आफ बाक्‍त हना, गेपुकी आं कली दाक्‍तीनी वा। मारदे हना गो परमप्रभु यावे रे रागीमी जाक्‍ती। गो आंमा जाक्‍शो मनङ। तन्‍न आं आफोमी सोइक्‍ताक्‍यी।

यूहन्‍ना 9:29

परमप्रभु यावेमी मोसा कली लोव़ पशो बाक्‍त, दे तुइक्‍नीकी। तन्‍न मेको मुर ते रे जाक्‍मे, दे गो मतुइक्‍नीकी” दे हुइक्‍ताक्‍म।

प्रेरित 17:23

इन पूजा पशो मूर्ति कोव़ना कोव़न गाक्‍ङानु, मूर्ति कामी ‘मतुइश्‍शो देवता’ दे मुशा ब्रेक्‍शा वोइश्‍शो ताता। मुल सम्‍म इन मतुइक्‍थु मानेशो परमप्रभु आ पर्बम गो इन कली शेंथ जाक्‍ती।

रोमी 1:28

आन थुंमी “परमप्रभु यावे कली तुइक्‍चा ममाल्‍ब” दे मिम्‍ताक्‍म। मोपतीके परमप्रभु यावेमी मेको आन कली आन मरिम्‍शो मिम्‍शो पचा गेशा, प्रोंइतु।

रोमी 3:4

मुर आन देंशो लोव़ मजाक्‍दीप्‍ब। परमप्रभु यावे आ देंशो चहिं गेना हना यो थमा दुम्‍ब। “इन लोव़ ठीक बाक्‍ब। इन मुर आन कली निसाफ पतीक यो ठीक बाक्‍ब” दे ब्रेक्‍शो बाक्‍ब। भजन संग्रह ५१:६; भजन संग्रह ११६:११

२ कोरिन्‍थी 1:18

परमप्रभु यावेमी आ देंशो खाप्‍ब, दे नेल्‍लेम तुइक्‍नीम। गोपुकीमी इन कली देंशो लोव़ थमान बाक्‍ब। दुम्‍बा कों, मदुम्‍बा कों, मार तुइक्‍चा देंशो लोव़ दुम्‍सीन मदुम्‍ब।

२ कोरिन्‍थी 4:6

परमप्रभु यावेमी “छिङछिङ जाम्‍शा, छेङछेङ दुम्‍ल” देंमाक्‍त। मेकोमी आंइ थुंमी छेङछेङ ब्रपाइश्‍शो बाक्‍त। गो परमप्रभु यावे आ छेङछेङ ख्रीस्‍त रे पा रुप्‍नीकी। उत्‍पत्ती १:३; २कोरिन्‍थी ३:१८

तीतस 1:2

मोदेंशो दुम्‍मेनु, गो नेल्‍ल गेना हना यो परमप्रभु यावे नु बाक्‍शा ब्रोंइनय, दे आस पाइनय। २तिमोथी २:१३

हिब्रू 6:18

मिनु परमप्रभु यावेमी गेनायो जोल मपाइब, आ गेशो लोव़ नु आ कसम जशो, एको निक्‍शी गेनायो मफांइसीनीस दे तुइश्‍शा, गो सजाइ तचा रे प्रोंइचा पुंइसीबपुकी इं ङोंइती वोइश्‍शो आस तचा कली इं थुं बारपाइक्‍चा ताइनय।

१ यूहन्‍ना 5:10

सु परमप्रभु यावे आ तौ कली थमा सुइक्‍बा, मेको मुर आ थुंमी सांकछी लीब। सु चहिं परमप्रभु यावे कली थमा मसुइक्‍बा, मेकोमी “परमप्रभु यावे जोल्‍फे बाक्‍ब” देंब। मारदे हना “आं तौ बाक्‍ब” दे परमप्रभु यावेमी देंशो थमा मसुइक्‍ब। यूहन्‍ना ३:३२-३४; रोमी ८:१६

१ सामुएल 2:12

एली आ तौ निम्‍फा हिंचा ङा मरिम्‍शो पाइब बाक्‍सा बाक्‍त। मेको निक्‍शी परमप्रभु यावे कली मान पा महिंब बाक्‍सा बाक्‍त।