यूहन्‍ना 7:19 - Sunuwar Bible

¹⁹ मोसामी इन कली परमप्रभु यावे आ अरेशो लोव़ गेशो बाक्‍त। मिनु गेपुकी मारदे मेको मपाइनीनी? मारदे आं कली साइक्‍चा माल्‍नीनी?” देंत। रोमी २:१७-२४; यूहन्‍ना ५:१६-१८

यूहन्‍ना 7:19 ပူးပေါင်းရင်းမြစ်များ

मत्ती 12:14

मिनु फरिसीपुकीमी मेकेर रे ग्रूशा खुम्‍सीशा “मेको कली दोपा साइक्‍चा ताइनया?” दे लोव़सी पाम्‍तेक्‍म। यूहन्‍ना ५:१६

मत्ती 21:38

मिनु बुम्‍था पाइबपुकीमी आ तौ कली पिशो तशा ‘एको अङस ताइब बाक्‍ब। लो साइक्‍चा। मिनु रू, अङगुर नेल्‍ल इं केन दुम्‍ब’ देंशा गारमा बाक्‍त। मत्ती २६:३-५; यूहन्‍ना १:११

मर्कूस 11:18

मिनु फरिसी नु सास्‍त्रीपुकीमी मेको नेंशा, दोपा साइक्‍चा दे लां कोव़ङमे बाक्‍त। तन्‍न येसु कली तशा, हिंमा बाक्‍त। मारदे हना मुर नेल्‍लेमी आ शेंशो नेंशा, छक लाक्‍बाक्‍मा बाक्‍त।

मर्कूस 3:4

मिनु योव़की पा कोव़ब आन कली “नाइक्‍तीक नाक्‍त शिशी पचा देय मरिम्‍शो गेय पचा? ब्रोंइचा गेचा देय साइक्‍चा? तेको लोव़ अरेतीक लोव़ नु गारबा?” दे हिल्‍लो पवानु, सिक्‍सी पामे बाक्‍त।

मर्कूस 3:6

मिनु फरिसीपुकी ग्रूशा, हेरोदी आन कली शो शु खुप्‍शा “मेको कली दोपा साइक्‍चा ताइनय” दे लोव़सी पामे बाक्‍त।

यूहन्‍ना 1:17

मोसामी परमप्रभु यावे आ अरेशो लोव़ गेप्‍तु। तन्‍न शिशी पाइब नु परमप्रभु यावे आ थमा लां कोंइब येसु ख्रीस्‍त रे बाक्‍ब। रोमी १०:४

यूहन्‍ना 10:39

मेकोपुकीमी येसु कली ग्‍याइक्‍चा माल्‍तेक्‍म। तन्‍न मेको आन दाते रे ग्रूशा गाक्‍त। यूहन्‍ना ८:५९; लूका ४:३०

यूहन्‍ना 11:53

मिनु मेको नाक्‍त रे येसु कली दोपा साइक्‍चा, दे सल्‍ला पामे बाक्‍त।

यूहन्‍ना 5:16

सापाइक्‍ची गेय नाइक्‍तीक नाक्‍ती पतीक यहूदीपुकीमी येसु कली श्‍येत गेचा गोम्‍तेक्‍म। मत्ती १२:१४

यूहन्‍ना 5:18

आ लोव़ नेंशा, यहूदीपुकीमी येसु कली साइक्‍चा माल्‍तेक्‍म। मारदे हना नाइक्‍तीक नाक्‍ती गेय मपतीके क्‍याम्‍चा ला ममाइ “परमप्रभु यावे नु उइक्‍थ बाक्‍नुङ। परमप्रभु यावे आं आफ बाक्‍ब” दे देंशोमी, मेकोपुकीमी येसु कली साइक्‍चा माल्‍तेक्‍म। यूहन्‍ना ७:३०; यूहन्‍ना १०:३३

यूहन्‍ना 5:45

गो परमप्रभु यावे आ ङोंइती इन कली दोस गेनन्‍नी, दे ममिम्‍तीन। गे मोसामी ब्रेक्‍शो लोव़मी आस पाइनीनी। तन्‍न मेको मोसा आ ब्रेक्‍शो लोव़मी इन कली दोस गेब। ब्‍यवस्‍था ३१:२४-२७

यूहन्‍ना 7:1

मिनु नोले येसु गालील रागीमी हिरना हिरन बाक्‍त। मारदे हना यहूदीपुकीमी येसु कली साइक्‍चा माल्‍‍तीके यहूदीया रागीमी लचा मदाक्‍शो बाक्‍माक्‍त। यूहन्‍ना ४:४३

यूहन्‍ना 7:25

मिनु यरूसलेम ङा मुर का निक्‍शीमी “मुरुमी मेको कली साइक्‍चा माल्‍शो ममाइ?

प्रेरित 7:38

इस्राएलीपुकी गोरशो रागीमी बाक्‍मानु, आन कली लां कोंइब मेको मोसा बाक्‍माक्‍त। सीनै डांडामी परमप्रभु आ सोइश्‍शा आ गेय पाइबमी इं किकी पिपी आन कली लोव़ पवानु, मेको मोसा रे पा नेंपाइक्‍मी बाक्‍त। मेको लोव़ चहिं मजाम्‍थु गेना हना यो लीब लोव़ बाक्‍ब। मुल सम्‍म गो इं कली गारशो लोव़ बाक्‍ब, दे तुइक्‍तीने। प्रस्‍थान १९:-; ब्‍यवस्‍था ९:१०

गलाती 3:19

अरेशो लोव़ शोर गाक्‍शो मदुम्‍बा ङा? नेनीन, परमप्रभु यावेमी अब्राहाम कली गेशो लोव़ खाप्‍ब, दे तुइक्‍नय। मेको युइ मजरमेथु, परमप्रभु यावे आ अरेशो लोव़ रे पा पाप माइश्‍शो मार में, दे तुंइ‍सीशो बाक्‍त। मेको लोव़ परमप्रभु यावे आ स्‍वर्ग ङा गेय पाइबमी गारपाइक्‍ब का आ गुइमी गेशा, मुर आन कली तुइक्‍पदा बाक्‍त। रोमी ५:२०; प्रेरित ७:३८,५३; हिब्रू २:२; ब्‍यवस्‍था ५:५

गलाती 6:13

आंइ यहूदी रिती थिती नेल्‍ल मपाइनीमी, ख्रोइक्‍तीक चिनु ला ख्रोइक्‍नीम। मिनु इन कली ख्रोइक्‍तीक चिनु ख्रोइश्‍शो तचा दाक्‍नीम। मोदेंशो पशो तशा “आंइ शेंशो पामे बाक्‍त” दे आन नें बोरपाइश्‍शा गाक्‍चा ताइनीम।

ब्‍यवस्‍था 1:17

निसाफ पनीनु, मुर आन कुल मकोव़ङीन। गेपुकीमी आइक्‍च नु ठेयब मुर, नेल्‍ल आन लोव़ नेनीन। सुइ कली महिनीन। मारदे हना निसाफ परमप्रभु आ गुइमी बाक्‍ब। इन मचाप्‍शो निसाफ चहिं गो नेंनुङ। मेको कली आं बाक्‍तीक चाक्‍कीन’ दे माइक्‍ताक्‍मी। ब्‍यवस्‍था १६:१९; २इतिहास १९:६-७; प्रस्‍थान २१:६

ब्‍यवस्‍था 33:4

मोसामी आंइ कली इन अरेशो लोव़ ‘पचा माल्‍नीनी’ दे माइक्‍तु। मेको अरेशो लोव़ याकूब आ जात ङा मुर नेल्‍ल आन के दुम्‍त।