यूहन्‍ना 7:12 - Sunuwar Bible

¹² मिनु मुरपुकीमी येसु आ पर्बम शुश ख्रुइश्‍शा लोव़ पमुम्‍तेक्‍म। का निक्‍शीमी “रिम्‍शो मुर बाक्‍ब” देंतेक्‍म। का निक्‍शीमी चहिं “ममाइ, मुर आन कली हेंथे गाक्‍पाइक्‍ब बाक्‍ब” देंतेक्‍म।

यूहन्‍ना 7:12 ပူးပေါင်းရင်းမြစ်များ

मत्ती 10:25

शेंब नु शेंसीब, होव़प नु आ गेय पाइब कांइचीक दुम्‍ने चाप्‍नीम। खिं ङा ठेयब मुर कली बेल्‍जीबुल, दे शुक्‍शी पाइक्‍तेक्‍म हना, आ खिं ङा मुर आन कली शुक्‍शी मपाइनीमी ङा? मत्ती १२:२४

मत्ती 21:46

मिनु ग्‍याइक्‍पाइक्‍चा माल्‍मे बाक्‍त। तन्‍न येसु कली “परमप्रभु यावे आ लोव़ पाइब बाक्‍ब” देंब आन कली तशा, हिंमा बाक्‍त।

मत्ती 27:63

“सरकार, एको नेल्‍ल आन थुं क्‍याल्‍पाइक्‍ब मबेक्‍थु बाक्‍मेनु, मार देंत देंशा हना ‘आं बेक्‍शो नित्‍थ नाक्‍त बेक्‍शो रे सेंपांइसीचा पुंइसीनुङ’ देंशो फ्रुक्‍तक। मत्ती २०:१९

लूका 18:19

येसुमी “मारदे आं कली रिम्‍शो मुर, दे माइय्‍‍यीनी? सुइ रिम्‍शो मनमी। परमप्रभु यावे ला रिम्‍शो बाक्‍ब।

लूका 23:47

मेकेर बाक्‍ब कप्‍तानमी मो दुम्‍शो तशा “थमा पा, एको मुरुमी मरिम्‍शो गेय मपशो बाक्‍माक्‍त” देंशा, परमप्रभु यावे कली ठेयब सेला बाक्‍त।

लूका 23:50

यहूदीया रागी अरीमाथीया सहर ङा योसेफ नें पाइश्‍शो ठेयब मुर का बाक्‍माक्‍त। मेको मुर यरूसलेम “येसु कली साइक्‍चा” दे लोव़सी पामेनु, मबिश्‍शो बाक्‍माक्‍त।

लूका 6:45

रिम्‍शो थुं पाइश्‍शो मुरुमी रिम्‍शो पाइब। पापम ब्रीशो थुं पाइश्‍शो मुरुमी चहिं मरिम्‍शो पाइब। मुर आन थुंमी मार बाक्‍मे, मेको आन लोव़ नेंशा रिम्‍शो देय मरिम्‍शो मेको तुंइ‍सीब। मारदे हना थुंम मार बाक्‍मे, मेको शोव़ रे ग्रूब।

लूका 7:16

मिनु मुरपुकी मोदेंशो दुम्‍शो तशा, हिंमा बाक्‍त। मिनु मेकोपुकीमी परमप्रभु यावे कली ठेयब सेल्‍शा “इं दातेमी परमप्रभु यावे आ लोव़ पा छक लाक्‍चा ङा गेय पाइब का ग्रूमाक्‍त। परमप्रभु यावेम इं कली थमा पा शिशी पाइक्‍बाक्‍त” देंमा बाक्‍त। मत्ती १६:१४; लूका १:६८

यूहन्‍ना 6:14

मिनु मुरपुकीमी येसु आ पशो छक लाक्‍चा ङा गेय तशा “रागीमी जाक्‍ब परमप्रभु यावे आ लोव़ पाइब एकोन बाक्‍त” देंतेक्‍म। ब्‍यवस्‍था १८:१५

यूहन्‍ना 7:32

मिनु फरिसीपुकीमी मुर आन पशो लोव़ नेंशा, ठेयब चढ़ेब नु फरिसीपुकीमी “येसु कली ग्‍याइक्‍चा” दे पिप आ गेय पाइब ठेयब मुर आन कली सोइक्‍ताक्‍म।

यूहन्‍ना 7:47

मिनु फरिसीपुकीमी “इन कली यो हेंथे खोइक्‍पदा?

यूहन्‍ना 7:52

मेकोपुकीमी “गे यो गालील रागी ङा नवे? परमप्रभु यावे आ लोव़ ब्रेक्‍शो किताब पढेशा कोव़ङो। गालील रे सुइ परमप्रभु यावे आ लोव़ पाइब मग्रूब, दे मतुइक्‍नेवे?” देंमा बाक्‍त।

यूहन्‍ना 9:16

फरिसी का निक्‍शीमी “परमप्रभु यावे आ सोइश्‍शो ममाइ। मारदे हना नाइक्‍तीक नाक्‍त ममानेब” देंतेक्‍म। का निक्‍शीमी चहिं “पापी मुरुमी दोपा ओदेंशो छक लाक्‍चा ङा गेय पने चाप्‍बा ङा?” देंतेक्‍म। मिनु मेकोपुकी ब्रातेक्‍म।

प्रेरित 11:24

बारनाबास रिम्‍शो मुर बाक्‍माक्‍त। परमप्रभु यावे आ सोक्‍तीमी ब्रीशा, खोइल थेक्‍शो खोदेंशो पा थमा सुइक्‍बाक्‍माक्‍त। आ पशो तशा, आ लोव़ नेंशा, शुश मुरुमी प्रभु कली थमा सुइक्‍ब दुम्‍मा बाक्‍त। प्रेरित ५:१४

रोमी 5:7

ठीक पाइब आन बेक्‍चा आ पा ङा सुइ बेक्‍बा कों? रिम्‍शो पाइब आ पा ङा सुइ बेक्‍ने चाप्‍बा कों?

फिलिप्‍पी 2:14

गेपुकीमी सुंइच मपथु, दाल्‍‍गीर मपथु, गेय पने।