यूहन्‍ना 6:55 - Sunuwar Bible

⁵⁵ आं रां थमा जचा थोव़क बाक्‍ब। आं हुश यो थम तूचा थोव़क बाक्‍ब।

यूहन्‍ना 6:55 ပူးပေါင်းရင်းမြစ်များ

भजन संग्रह 4:7

मेकोपुकी नु अन्‍न नु अङगुर रस शुश बाक्‍त हना यो, गे आं कली मेको आन क्‍येङा ग्‍येरपाइक्‍तीनी।

यूहन्‍ना 1:47

मिनु येसुमी नथानेल कली आ बाक्‍तीक जाक्‍शो तशा, नथानेल आ पर्बम “काइ जोल मपाइब नु रिम्‍शो गेय पाइब इस्राएली का बाक्‍ब” देंत।

यूहन्‍ना 1:9

मिनु छेङछेङ माइश्‍शोमी रागीमी बाक्‍शो मुर नेल्‍ल आन कली रुप्‍ब थुं गेचा कली रागीमी जाक्‍त।

यूहन्‍ना 15:1

मिनु येसुमी “गो थमा ङा अङगुर बोट नङ। आं आफ चहिं अङगुर कली कोव़ब बाक्‍ब। भजन संग्रह ८०:९-१२; यसैया ५:१-७; येरमीया २:२१

यूहन्‍ना 6:32

मिनु येसुमी “नोफा दाइश्‍शा नेनीन, मोसामी इन कली स्‍वर्ग रे शोब्‍ले गेशो ममाइ, तन्‍न आं आफोमी इन कली थमा पा स्‍वर्ग रे शोब्‍ले गेब।

यूहन्‍ना 6:54

सु सुमी आं रां ब्‍वाइनीमी नु आं हुश तूनीमी, मेको गेना हना यो ब्रोंइशा बाक्‍चा ताइनीम। मारदे हना गो मेको कली नोले ङा नाक्‍ती सेंपाइक्‍नुङमी। मत्ती २६:२६-२८

यूहन्‍ना 6:56

सुमी आं रां ब्‍वाइबा नु आं हुश तूबा, मेको आं आगाम बाक्‍ब। मिनु गो मेको आ आगाम बाक्‍नुङ। यूहन्‍ना १५:४; १यूहन्‍ना ३:२४

यूहन्‍ना 8:31

मिनु येसुमी आ कली थमा सुइक्‍ब यहूदी आन कली “गेपुकी आं देंशो पना पन बाक्‍तीनी हना, थमा पा आं शेंसीब ननी। यूहन्‍ना १५:७

यूहन्‍ना 8:36

मिनु तौमी इन कली प्रोंइतु हना, गेपुकी थमा पा प्रोंइसीशो मुर दुम्‍नीनी” देंत। रोमी ६:१६,१८,२२

हिब्रू 8:2

मुरपुकीमी सेल्‍शो ममाइ, परमप्रभु यावेमी सेल्‍शो थमा ङा ताम्‍बुमी गेय पाइब दुम्‍शो बाक्‍ब।

१ यूहन्‍ना 5:20

मिनु परमप्रभु यावे आ तौमी इं कली रुप्‍तीक थुं गेप्‍तु, दे तुइक्‍नय। मेको रुप्‍तीक थुंमी थमा पतीके कली तुइक्‍नय। गोपुकी मेको थमा पाइब नु थुं का ङा बाक्‍नय। मोपा आ तौ येसु ख्रीस्‍त नु यो थुं का ङा बाक्‍नय। मेको थमा परमप्रभु यावे नु गेना हना यो ब्रोंइशा बाक्‍तीक बाक्‍ब। यूहन्‍ना १७:३