यूहन्‍ना 6:50 - Sunuwar Bible

⁵⁰ तन्‍न मुरपुकीमी स्‍वर्ग रे यिशो शोब्‍ले कली जाम्‍तेक्‍म हना, मबेक्‍थु ब्रोंइशा बाक्‍नीम।

यूहन्‍ना 6:50 ပူးပေါင်းရင်းမြစ်များ

यूहन्‍ना 3:13

मुर परमप्रभु यावे आ बाक्‍तीकेम मलम। स्‍वर्ग रे जाक्‍शो रागीमी जरमेशो ला परमप्रभु यावे आ बाक्‍तीकेमी बाक्‍शो बाक्‍त।

यूहन्‍ना 3:36

सुमी आ तौ आ देंशो थमा सुइक्‍बा, मेको गेना हना यो ब्रोंइशा बाक्‍चा ताइब। सुम चहिं आ देंशो मटीबा, मेको गेना हना यो ब्रोंइशा बाक्‍चा मतथु, परमप्रभु यावे आ गाइश्‍शो ताइब” दे यूहन्‍नामी शेंताक्‍व।

यूहन्‍ना 5:24

नोफा दाइश्‍शा नेनीन, सुमी आं लोव़ नेंबा नु आं कली सोइक्‍ब आं आफ परमप्रभु यावे कली थमा सुइक्‍बा, मेको गेना हना यो ब्रोंइशा बाक्‍चा ताइब। सजाइ मताइब। मारदे हना बेक्‍शो रे गेना हना यो ब्रोंइशा बाक्‍चा ताइब। यूहन्‍ना ३:१६-१८

यूहन्‍ना 6:33

मारदे हना परमप्रभु यावेमी गेशो शोब्‍ले स्‍वर्ग रे यीब। मेकोमी रागी ङा मुर आन कली गेना हना यो परमप्रभु यावे नु ब्रोंइचा गेब” दे माइक्‍तीमी।

यूहन्‍ना 6:42

मिनु मेकोपुकीमी “मार, एको योसेफ आ तौ येसु ममाइ? मेको आ आम आफ कली गो तुइक्‍नीकी” देंतेक्‍म। मिनु मेकोमी “ ‘गो स्‍वर्ग रे जाक्‍शो नङ’ दे दोपा देंने चाप्‍बा ङा?” दे गन गन पाम्‍तेक्‍म। लूका ४:२२

यूहन्‍ना 6:47

मिनु नोफा दाइश्‍शा नेनीन, सुमी थमा सुइक्‍बा, मेको गेना हना यो ब्रोंइशा बाक्‍चा ताइब। यूहन्‍ना ३:१६

यूहन्‍ना 6:51

गो स्‍वर्ग रे यिशो ब्रोंइतीक शोब्‍ले नङ। सुमी मेको शोब्‍ले जाइबा, मेको गेना हना यो परमप्रभु यावे नु बाक्‍शा ब्रोंइ‍ब। मिनु रागी ङा मुर आन कली ब्रोंइपाइक्‍चा, दे मार शोब्‍ले गेनुङ देंशा हना, आं गेशो शोब्‍ले आं रां बाक्‍ब” दे शेंताक्‍व। मर्कूस १४:२२

यूहन्‍ना 6:58

मेको स्‍वर्ग रे यिशो शोब्‍ले बाक्‍ब। इन किकी पिपीमी शोब्‍ले जशा बेक्‍तेक्‍म। गो मेको खोदेंशो शोब्‍ले मगेनुङ। सुमी चहिं आं शोब्‍ले जाइबा, मेको गेना हना यो ब्रोंइशा बाक्‍ब” देंत।

यूहन्‍ना 8:51

मिनु येसुमी “नोफा दाइश्‍शा नेनीन, सुमी आं देंशो लोव़ टीबा, मेको गेनायो मबेक्‍ब” देंत। यूहन्‍ना ६:४०,४७

रोमी 8:10

गे चहिं येसु ख्रीस्‍त आ मुर दुम्‍तीनी। बेक्‍चा दा बेक्‍नीनी। पाप पशोमी मुर बेक्‍ब दुम्‍तेक्‍म। तन्‍न ख्रीस्‍त आ ठीक पतीकेमी ब्रोंइनीनी। गलाती २:२०