यूहन्‍ना 6:39 - Sunuwar Bible

³⁹ मिनु आं कली सोइक्‍ब आ दाक्‍शो मार बाक्‍ब देंशा हना, आं कली गेशो मुर का यो मसाम्‍चा, नु नोले ङा नाक्‍तीमी मेको आन कली सेंपाइक्‍चा बाक्‍ब। यूहन्‍ना १०:२८-२९; यूहन्‍ना १७:१२

यूहन्‍ना 6:39 ပူးပေါင်းရင်းမြစ်များ

येरमीया 23:4

गो मेको आन कली योव़ब गोठलापुकी वोइक्‍नुङमी। मिनु मेको आन कली योव़नीम। मेना भेडा महिंनीम। सुर्ता मपाइनीम। मेको आन दाते ङा का यो मजाम्‍नीम” दे परमप्रभु यावेमी देंत। येरमीया ३:१५

मत्ती 10:15

नोफा दाइश्‍शा नेनीने, निसाफ पची नाक्‍त सोदोम नु गोमोररा सहर निक्‍शीमी बाक्‍ब मुर आन क्‍येङा इन लोव़ मनेंब मटीबपुकीमी शुश सजाइ ताइनीम। उत्‍पत्ती १९:१-२९

मत्ती 18:14

मेको बुदी स्‍वर्ग ङा इन आफोमी आइक्‍च का यो मजाम्‍मल, दे मिम्‍ब।

लूका 12:32

गे आइक्‍च बगाल, महिनीन। मारदे हना इन आफोमी इन कली आ राज्‍यम वोइक्‍चा दाक्‍ब। लूका २२:२९

यूहन्‍ना 12:48

सुम आं कली मब्रथु, आं देंशो लोव़ मपाइबा, मेको कली निसाफ पाइब का बाक्‍ब। मेको निसाफ पाइब सु बाक्‍ब देंशा हना, आं देंशो लोव़ बाक्‍ब। एको लोव़मी मेको कली नोले ङा नाक्‍ती निसाफ पाइब।

यूहन्‍ना 17:12

गो आं कली गेशो मुरपुकी नु बाक्‍ङानु, इन नें ङा सक्तिमी रिम्‍शो कोव़शा वोइक्‍तामी। सुइ मजाम्‍म। इन ब्रेक्‍पाइश्‍शो लोव़ थमा दुम्‍चा, दे का चहिं जाम्‍शा, नरक लाइब दुम्‍त। यूहन्‍ना ६:३९; भजन संग्रह ४१:१०

यूहन्‍ना 17:2

गे आं कली मुर नेल्‍ल आन कली अधिकार पचा गेतीनी। मिनु आं कली गेशो मुर नेल्‍ल आन कली गेना हना यो ब्रोंइशा बाक्‍चा गेनुङमी। मत्ती ११:२७

यूहन्‍ना 17:24

आं आफ, आं कली गेशो मुरपुकी गो नु काथा बाक्‍मल, दे पुंइनुङ। गे रागी सेल्‍चा ङोंइती आं कली दाक्‍शा, इन सक्ति आं कली गेतीनी। मिनु मेकोपुकीमी यो आं सक्ति तामेक्‍ल। यूहन्‍ना १२:२६; हितोपदेस ८:२२-३१

यूहन्‍ना 17:6

गेमी रागी रे प्रोंइशो मुरपुकी गेतीनी। मेको आन कली इन नें तुइक्‍पाइक्‍तामी। मेको मुरपुकी इन के बाक्‍तेक्‍म। मिनु गे आं कली गेतीनी। मेकोपुकीमी इन लोव़ टिना टिन बाक्‍नीम।

यूहन्‍ना 17:9

मिनु गो मेको आन पर्बमी इन कली पुंइनुङ। रागी ङा मुर आन पर्बम मपुंइनुङ। आं कली गेशो मुर आन पर्बम पुंइनुङ। मारदे हना मेकोपुकी इन के नम। यूहन्‍ना ६:३७,४४

यूहन्‍ना 18:9

ङोंइती येसुमी परमप्रभु यावेमी गेशो मुर आन पर्बम “गो इन गेशो मुर सुइ मसाम्‍नुङमी” देंशो लोव़ थमा दुम्‍चा कली मेको लोव़ पाप्‍तु। यूहन्‍ना १७:१२

यूहन्‍ना 5:28

आं देंशो आ पर्बम छक मलाक्‍कीन। मारदे हना इच्‍का नोले तुरसुमी बाक्‍शो बेक्‍शो मुर नेल्‍लेमी रागीमी जरमेशो आ सेंदा नेंनीम।

यूहन्‍ना 6:37

मिनु आं आफोमी आं कली गेशो मुरपुकी आं गे पीनीम। आं गे पीब आन कली गेनायो मतिल्‍नुङमी। मत्ती ११:२८

यूहन्‍ना 6:40

मिनु सु सुमी परमप्रभु यावे आ तौ, दे आं कली तुइक्‍नीमी नु थमा सुइक्‍नीम। मेको आन कली नोले ङा नाक्‍तीमी सेंपाइश्‍शा, गेना हना यो ब्रोंइशा बाक्‍चा गेनुङमी। आं आफ आ दाक्‍शो गेय मेकोन बाक्‍त” दे यहूदी आन कली शेंताक्‍व। यूहन्‍ना ५:२९; यूहन्‍ना ११:२४

यूहन्‍ना 6:44

आं कली सोइक्‍ब आं आफोमी आं कली गेशो मुर ला आं गे पिने चाप्‍नीम। अरु चहिं मचाप्‍नीम। आं कली गेशो मुर आन कली नोले ङा नाक्‍ती सेंनुङमी।

यूहन्‍ना 6:54

सु सुमी आं रां ब्‍वाइनीमी नु आं हुश तूनीमी, मेको गेना हना यो ब्रोंइशा बाक्‍चा ताइनीम। मारदे हना गो मेको कली नोले ङा नाक्‍ती सेंपाइक्‍नुङमी। मत्ती २६:२६-२८

रोमी 8:11

परमप्रभु यावे आ सोक्‍तीमी दोपा ख्रीस्‍त येसु कली बेक्‍शो रे सेंदा, मोपान इं कली यो सेंशा ब्रोंइचा गेब। मारदे हना मुल मेको सोक्‍त इं आगाम बाक्‍शा, इं कली ब्रोंइचा गेब।

१ कोरिन्‍थी 6:14

परमप्रभु यावेमी प्रभु कली बेक्‍शो रे सेंताक्‍व। मिनु आ सक्तिम इं कली यो सेंब। १कोरिन्‍थी १५:२०; २कोरिन्‍थी ४:१४

२ तिमोथी 2:19

तन्‍न परमप्रभु यावे आ थमा शेंतीके मब्रेत्‍चा ङा जग खोदेंशो बाक्‍ब। प्रभुमी आ मुर आन कली तुइक्‍ब। मिनु प्रभु कली तुइक्‍ब मुरपुकी मरिम्‍शो पचा रे ङोन बाक्‍चा माल्‍नीम। मेको थोव़शो छाप खोदेंशो बाक्‍ब। गन्‍ती १६:५; मत्ती ७:२२-२३; यूहन्‍ना १०:१४,२७

याकूब 5:15

मोदेंशो थमा सुइश्‍शा पुंइशोमी मेको रोइ पाइब मुर साब। मेको रोइ पाइबमी पाप पशो बाक्‍त हना, मेको यो क्‍याम्‍सीब। मर्कूस १६:१८

१ पत्रुस 1:5

परमप्रभु यावे आ सक्तिमी इं कली कोव़ब। गो पाप रे ब्रोंइशो मुर बाक्‍नय, दे थमा सुइक्‍नय। मेको नेल्‍ल नोले ङा नाक्‍तीमी कोंइब। यूहन्‍ना १०:२८

यहूदा 1:1

गो याकूब आ लोक्‍ब यहूदा नङ। गो येसु ख्रीस्‍त आ वाइल दुम्‍ती। परमप्रभु यावे, इं आफ आ दाक्‍शो नु येसु ख्रीस्‍त कली योव़शा वोइश्‍शो मुर, इन कली ब्रेक्‍ताक्‍ङ। मत्ती १३:५५

१ सामुएल 25:29

सुइ मुरुम इन कली खेदा पा साइक्‍चा माल्‍तु हना, परमप्रभु यावे, इन परमप्रभुमी इन कली कोव़ब। तन्‍न इन जोरी सत्रु आन कली चहिं हुरदम वोइश्‍शा ताइश्‍शो फुल्‍लु खोदेंशो पा ताइक्‍ब। भजन संग्रह ६९:२९