यूहन्‍ना 6:32 - Sunuwar Bible

³² मिनु येसुमी “नोफा दाइश्‍शा नेनीन, मोसामी इन कली स्‍वर्ग रे शोब्‍ले गेशो ममाइ, तन्‍न आं आफोमी इन कली थमा पा स्‍वर्ग रे शोब्‍ले गेब।

यूहन्‍ना 6:32 ပူးပေါင်းရင်းမြစ်များ

भजन संग्रह 78:23

मो हना यो मेकोमी सरीङ कली अरेशा सरीङ ङा लाप्‍चो रोक्‍पाइश्‍शा गेप्‍तु।

प्रस्‍थान 16:4

मिनु परमप्रभु यावेमी मोसा कली “नेनो, गो इन कली रेउ यिशो खोदेंशो पा सरीङ रे शोब्‍ले यिपाइक्‍नुङ। मिनु मुरपुकीम नाक्‍त किंत किंत गुप्‍चा माल्‍नीम। खेयप का गुप्‍मेनु, नाक्‍त का कली ला गुप्‍चा माल्‍नीमी। आं अरेशो लोव़ पाइबाक्‍मा कों, मपाइबाक्‍मा, गो मेको आन कली नाक्‍नुङ। प्रस्‍थान १६:१५; उत्‍पत्ती २२:१

प्रस्‍थान 16:8

मिनु मोसामी इस्राएली आन कली “परमप्रभु यावेमी आपो नाक्‍दो इन कली श्‍ये गेब, सुनी कना रूथ्री शोब्‍ले गेब, इन गन गन पशो लोव़ नेंतु, दे तुइक्‍तीन। गो निक्‍शी सु नस्‍कु ङा? इन गन गन पशो आंस कली ममाइ, परमप्रभु यावे नु कका गाइक्‍ताक्‍नी दे तुइक्‍तीन” देंत।

यूहन्‍ना 1:9

मिनु छेङछेङ माइश्‍शोमी रागीमी बाक्‍शो मुर नेल्‍ल आन कली रुप्‍ब थुं गेचा कली रागीमी जाक्‍त।

यूहन्‍ना 15:1

मिनु येसुमी “गो थमा ङा अङगुर बोट नङ। आं आफ चहिं अङगुर कली कोव़ब बाक्‍ब। भजन संग्रह ८०:९-१२; यसैया ५:१-७; येरमीया २:२१

यूहन्‍ना 6:31

आंइ किकी पिपीमी गोरशो रागीमी मन्‍ना शोब्‍ले जशो बाक्‍तेक्‍म। ‘मेको आन कली सरीङ रे शोब्‍ले गेम्‍तीमी’ दे ब्रेक्‍शो बाक्‍त” देंतेक्‍म। भजन संग्रह ७८:२४; प्रस्‍थान १६:१३-१५

यूहन्‍ना 6:33

मारदे हना परमप्रभु यावेमी गेशो शोब्‍ले स्‍वर्ग रे यीब। मेकोमी रागी ङा मुर आन कली गेना हना यो परमप्रभु यावे नु ब्रोंइचा गेब” दे माइक्‍तीमी।

यूहन्‍ना 6:35

मिनु येसुमी “गेना हना यो परमप्रभु यावे नु ब्रोंइ‍चा गेब शोब्‍ले गो नङ। सु सु आं गे पीनीमी, मेको शोव़लु मबेक्‍नीम। मिनु आं कली थमा सुइक्‍बपुकी गेनायो तूतू मदाक्‍नीम। यूहन्‍ना ४:१४; यूहन्‍ना ७:३७

यूहन्‍ना 6:41

मिनु यहूदीपुकीमी येसु आ लोव़ नेंशा गन गन पाम्‍तेक्‍म। मारदे हना येसुमी “गो स्‍वर्ग रे यिशो शोब्‍ले नङ” देंशो बाक्‍त।

यूहन्‍ना 6:50

तन्‍न मुरपुकीमी स्‍वर्ग रे यिशो शोब्‍ले कली जाम्‍तेक्‍म हना, मबेक्‍थु ब्रोंइशा बाक्‍नीम।

यूहन्‍ना 6:55

आं रां थमा जचा थोव़क बाक्‍ब। आं हुश यो थम तूचा थोव़क बाक्‍ब।

यूहन्‍ना 6:58

मेको स्‍वर्ग रे यिशो शोब्‍ले बाक्‍ब। इन किकी पिपीमी शोब्‍ले जशा बेक्‍तेक्‍म। गो मेको खोदेंशो शोब्‍ले मगेनुङ। सुमी चहिं आं शोब्‍ले जाइबा, मेको गेना हना यो ब्रोंइशा बाक्‍ब” देंत।

गलाती 4:4

मिनु नोले परमप्रभु यावेमी वोइश्‍शो नाक्‍त आ तौ कली सोइक्‍ताक्‍व। मेको आ तौ मीश मुर रे परमप्रभु यावे आ अरेशो लोव़मी जरमेसाक्‍व। मर्कूस १:१५; एफिसी १:१०

१ यूहन्‍ना 5:20

मिनु परमप्रभु यावे आ तौमी इं कली रुप्‍तीक थुं गेप्‍तु, दे तुइक्‍नय। मेको रुप्‍तीक थुंमी थमा पतीके कली तुइक्‍नय। गोपुकी मेको थमा पाइब नु थुं का ङा बाक्‍नय। मोपा आ तौ येसु ख्रीस्‍त नु यो थुं का ङा बाक्‍नय। मेको थमा परमप्रभु यावे नु गेना हना यो ब्रोंइशा बाक्‍तीक बाक्‍ब। यूहन्‍ना १७:३