यूहन्‍ना 5:9 - Sunuwar Bible

⁹ मो देंशोनु, मेको मुर आ रोइ सा‍शा, छुल बोक्‍त। मिनु आ ब्राख्‍ये कुरशा गाक्‍त। मिनु मेको सापाइश्‍शो नाक्‍त चहिं नाइक्‍तीक नाक्‍त बाक्‍त।

यूहन्‍ना 5:9 ပူးပေါင်းရင်းမြစ်များ

यसैया 35:6

खोइल मदुक्‍ब मुर किश्‍श खोदेंशो पा प्रेक्‍नीम। मब्‍वाक्‍बपुकीम ग्‍येरसीशा कुम्‍सो पाइनीम। मारदे हना मुर मबाक्‍तीकेम ब्‍वाक्‍कु बुक्‍नीम। गोरशो रागीमी खोला यीनीम।

येरमीया 17:21

परमप्रभु यावेमी “गेपुकी होस पा बाक्‍कीन। मिनु गे नाइक्‍तीक नाक्‍त ठेयब लाप्‍चो आगाम मारेइ भारी मकुरीन। यरूसलेम ङा गारो ङा ठेयब लाप्‍चो रे पा आगा मारेइ मओंइदीन। प्रस्‍थान २०:८-१०

मर्कूस 1:31

मिनु येसु मेको आ नेक्‍था लशा, आ गुइ ग्‍याइश्‍शा पोक्‍गा बाक्‍त। मोपा पोक्‍गानु, जरो जाम्‍माक्‍त। मिनु सेस दुम्‍शा, मेको आन कली मान पा थुल्‍मी बाक्‍त।

मर्कूस 1:42

मो देंमेनु, कोर सामाक्‍त।

मर्कूस 10:52

मिनु येसुमी “साशा लावो। इ थमा सुइश्‍शोमी साते” दे मदानु, ब्रा साशा मिक्‍च ताइब दुम्‍शा, येसु आ नोले खोदा बाक्‍त।

मर्कूस 5:29

मिनु थिवानु, आ हुश याप्‍चा देक्‍माक्‍त। मिनु साङा बाक्‍त दे तुइक्‍ता बाक्‍त।

यूहन्‍ना 5:14

मिनु नोले येसुमी मेको साशो मुर कली परमप्रभु यावे आ खिंमी ग्रुम्‍तु। मिनु “गे साते। मेको क्‍येङा ठेयब रोइ मपचा कली गे लेंशा पाप मपावो” दे माइक्‍तु। यूहन्‍ना ८:११

यूहन्‍ना 7:23

मोसा आ गेशो अरेशो लोव़ टिचा कली नाइक्‍तीक नाक्‍त यो ख्रोइक्‍तीक चिनु ख्रोइक्‍ती‍नी। गो चहिं मुर का आ रां नेल्‍ल सापदुनु, गेपुकी मारदे गाइक्‍नीनी?

यूहन्‍ना 9:14

येसुमी खप निशा, आ मिक्‍चीमी ख्रेक्‍शा सापाइश्‍शो नाक्‍त चहिं नाइक्‍तीक नाक्‍त बाक्‍त।