यूहन्‍ना 5:44 - Sunuwar Bible

⁴⁴ मोपा गे ठेयब सेल्‍मुइनीनी। तन्‍न का ला परमप्रभु यावेमी इन कली ‘रिम्‍शो ननी’ देंचा मपुंइसीनीनी। आं कली दोपा थमा सुइक्‍ने चाप्‍नीनी ङा? यूहन्‍ना १२:४२-४३; १थिस्‍सलोनिकी २:६

यूहन्‍ना 5:44 ပူးပေါင်းရင်းမြစ်များ

२ इतिहास 6:8

तन्‍न परमप्रभु यावे, गे आं आफ दाऊद कली ‘गे आं नें कली मान पा खिं का सेल्‍चा थुं पाप्‍तीवी। मेको रिम्‍शो बाक्‍ब।

येरमीया 13:23

मार, एथीयोपीयामी आ कुशुल ङा रङ फाइक्‍ने चाप्‍बा ङा? मार, जोइमी आ चां ङा थोप्‍ला फाइक्‍ने चाप्‍बा ङा? गे मरिम्‍शो पचा बानी दुम्‍तीके रिम्‍शो पने मचाप्‍नेवे।

मत्ती 23:5

मार मार पामेनु, मुर आन ङोंइती ला पाइनीम। ठेयब टालोमी परमप्रभु यावेमी अरेशो लोव़ ब्रेक्‍शा आन फेक्‍शो वामी केप्‍नीमी। मिनु आन वामी लाइश्‍शो झुम्‍का क्‍युक्‍सीनीम। मत्ती ६:१; गन्‍ती १५:३८-३९

लूका 19:17

‘गे रिम्‍शो गेय पाइब बाक्‍ते, आइक्‍च गेयमी रिम्‍शो पाप्‍तीवी। मोपतीके १० ओटा सहर कली अधिकार पाइब सेल्‍नन’ देंमाक्‍त। लूका १६:१०

यूहन्‍ना 12:43

मारदे हना मेकोपुकीमी “आंइ पर्बमी मुरपुकीमी मार देंनीमी” दे परमप्रभु यावे क्‍येङा मुरपुकी तशा हिंतेक्‍म। यूहन्‍ना ५:४४

यूहन्‍ना 17:3

गेना हना यो गे नु ब्रोंइशा बाक्‍चा मार बाक्‍ब देंशा हना, सुमी इन कली गे ला थमा परमप्रभु यावे बाक्‍नीनी नु गो, इन सोइश्‍शो येसु ख्रीस्‍त नङ, दे तुइक्‍नीमी, मेको ला गेना हना यो गे नु ब्रोंइशा बाक्‍चा ताइनीम। १यूहन्‍ना ५:२०

यूहन्‍ना 3:20

सुमी मरिम्‍शो गेय पाइबा, मेकोम छेङछेङ कली काइ मदाक्‍ब। आ गेय मतांइसेक्‍ल, दे छेङछेङमी मलाइब। एफिसी ५:१३

यूहन्‍ना 5:41

गो मुर आन ठेयब सेल्‍तीके मब्राइ‍नुङ।

यूहन्‍ना 8:43

आं देंशो लोव़ मारदे मरुप्‍नीनी? गे आं लोव़ नेंशा, फाल्‍ने मचाप्‍नीनी। १कोरिन्‍थी २:१४

रोमी 2:10

रिम्‍शो पाइबपुकी परमप्रभु यावे आ राज्‍य जाक्‍शा, मान तशा, आन थुं नाइश्‍शा बाक्‍चा ताइनीम। ङोंइती यहूदी आन कली मोदेंशो दुम्‍ब। मिनु ग्रीक आन कली यो मोदेंशो दुम्‍ब।

रोमी 2:29

मार पा यहूदी दुम्‍नीम देंशा हना, मार पचा दुम्‍बा, मार पचा मदुम्‍बा, मेको तुइश्‍शा, परमप्रभु यावे आ सोक्‍तीम थुंम ख्रोइक्‍तीक चिनु ख्रोइश्‍शा ला परमप्रभु यावे आ मुर दुम्‍नीम। मेको आन कली मुरपुकीमी ठेयब मसेल्‍नीम। तन्‍न परमप्रभु यावेमी नेल्‍ल तुइश्‍शा “रिम्‍शो पाइतीनी” देंब। ब्‍यवस्‍था ३०:६; फिलिप्‍पी ३:३; कलस्‍सी २:११

रोमी 2:7

सुमी परमप्रभु यावे आ राज्‍य माल्‍शा, रिम्‍शो गेय पना पन बाक्‍नीमी नु गेना हना यो ब्रोंइचा माल्‍नीमी, मेको गेना हना यो परमप्रभु यावे नु बाक्‍चा ताइनीम।

१ कोरिन्‍थी 4:5

मोपतीके प्रभु आ निसाफ पतीक नाक्‍त मजाक्‍म सम्‍म मुर आन कली मनाक्‍तीन। आ निसाफ नाक्‍ती जाक्‍मेनु, ख्रुइश्‍शा वोइश्‍शो लोव़ नेल्‍ल तुइक्‍पाइक्‍ब। छिङछिङम ख्रुइश्‍शो थुं ङा थोव़क नेल्‍ल छेङछेङम तांइसीनीम। मिनु परमप्रभु यावेमी मुर आन कली “गे रिम्‍शो पाइतीनी” देंब। १कोरिन्‍थी ३:८

२ कोरिन्‍थी 10:18

सुमी आंम कली शेंब सेल्‍बा, मेको कली मब्राइनीम। तन्‍न प्रभुमी शेंब सेल्‍शो कली ब्राइनीम। १कोरिन्‍थी ४:५

फिलिप्‍पी 2:3

गेपुकी ठेयब लेश्‍शा “गो ठेयब नङ” दे मिम्‍शा, काइ गेय मपने। ब्रेम्‍शो थुंमी “मेको मुर आं क्‍येङा ठेयब बाक्‍ब” दे मिम्‍तीन। गलाती ५:२६; रोमी १२:१०

१ थिस्‍सलोनिकी 2:6

गे नु अरु मुरपुकीमी आंइ कली ठेयब सेलीन, दे मशेंदक।

१ तिमोथी 1:17

गेना हना यो मबेक्‍थु बाक्‍ब पिप कली सुइमी तने मचाप्‍नीम। मेको कांइचीक परमप्रभु, परमप्रभु यावे बाक्‍ब। गेना हना यो मान ताक्‍चा नु छेङछेङ मेको केन बाक्‍ब। आमेन।

हिब्रू 3:12

आं लोक्‍बपुकी, होस पांइसीने। मारदे हना मरिम्‍शो नु थमा मसुइक्‍तीक थुंमी गेना हना यो ब्रोंइशा बाक्‍ब परमप्रभु यावे रे सुइ इन कली फ्राशा मलदल।

याकूब 2:1

आं लोक्‍बपुकी, इं प्रभु येसु ख्रीस्‍त कली थमा सुइक्‍नीनी। मेको छेङछेङ ङा प्रभु बाक्‍ब। मोपतीके गेपुकी यो मुर आन कुल मकोव़ङीन।

१ पत्रुस 1:7

मारदे श्‍येत जाइनीनी देंशा हना, इन थमा सुइश्‍शो थमा कों, जोल कों, दे नाक्‍चा कली श्‍येत जाइनीनी। मोपा श्‍येत जाइतीनी हना, इन थमा सुइक्‍तीके मीम याप्‍पाइश्‍शो सुन क्‍येङा शुश क्‍येट लाइब दुम्‍ब। मिनु येसु ख्रीस्‍त आ यिची ना ठेयब सेल्‍तीक, छेङछेङ नु मान पतीक दुम्‍ब। हितोपदेस १७:३, यसैया ४८:१०

यहूदा 1:25

परमप्रभु यावे का ला बाक्‍ब। मेकोमी इं प्रभु येसु ख्रीस्‍त आ पतीकेमी इं कली पाप रे प्रोंइतु। नेल्‍ल छेङछेङ पाइश्‍शो, नेल्‍ल क्‍येङा ठेयब दुम्‍तीके, नेल्‍ल सक्ति नु नेल्‍ल अधिकार मेको केन बाक्‍ब। मेको ङोंइती बाक्‍त। मुल यो बाक्‍ब। मिनु गेना हना यो बाक्‍ब। आमेन।

१ सामुएल 15:30

मिनु सावलमी “गो पाप पाता। मो हना यो खूशो नु इस्राएली आन ङोंइती आं मान ततीक गेने। गो नु लेतीन। मिनु गो परमप्रभु यावे, इन परमप्रभु कली ठेयब सेल्‍नुङ” देंमाक्‍त।

१ सामुएल 2:30

मोपतीके परमप्रभु यावे, इस्राएली आन परमप्रभुमी “इ किकी पिपी आन खिं ङा मुर नेल्‍ल गेना हना यो आं ङोंइती चढ़ेब दुम्‍नीम, गो कसम जशो नङ” देंशो बाक्‍त। तन्‍न परमप्रभु यावेमी “मुल ओदेंशो मदुम्‍ब। मारदे हना आं कली ठेयब सेल्‍ब आन कली गो ठेयब सेल्‍नुङ। आं कली आइक्‍च सेल्‍ब नेल्‍ल आइक्‍च सेल्‍चा पुंइसीनीम। प्रस्‍थान २८:१; मलाकी ३:१६-१८