यूहन्‍ना 5:4 - Sunuwar Bible

⁴ मारदे हना परमप्रभु यावे आ स्‍वर्ग ङा गेय पाइबमी यिशा, दोम्‍ली ङा ब्‍वाक्‍कु कली हिम्‍बाक्‍माक्‍त। मिनु ब्‍वाक्‍कु हिम्‍सेनु, नेल्‍ल क्‍येङा ङोंइती दोम्‍लीम ग्रुम्‍ब आ रोइ साबाक्‍माक्‍त।

यूहन्‍ना 5:4 ပူးပေါင်းရင်းမြစ်များ

२ राजा 5:10

मिनु एलीशाम मेको कली “गे लशा, यर्दन खोलाम ७ खेयप चिक्‍सीचा माल्‍नेवे। मिनु इन श्‍ये ङोंइती ङा खोदेंशो दुम्‍ब। मिनु गे ग्रांग्रा मदिशो दुम्‍नीनी” देंथ मुर का कली सोइक्‍ता बाक्‍त।

भजन संग्रह 119:60

गो इन शेंतीके रीब पा टीनुङ। गो देश मपाइनुङ।

हितोपदेस 6:4

इप्‍शा मबाक्‍को। काइ निन्‍द्रा मपावो।

हितोपदेस 8:17

सुमी आ कली दाक्‍नीमी, गो यो मेको आन कली दाक्‍नुङ। सुम आं कली शुश माल्‍नीमी, मेकोमी आं कली थित्‍नीम।

उपदेसक 9:10

इ ङोंइती मार गेय बाक्‍मे, मेको इ सक्ति नेल्‍लेमी पावो। मारदे हना बेक्‍शो मुर आन बाक्‍तीकेम मारेइ मिम्‍तीके, जोक्‍तीके नु तुइक्‍तीके मबाक्‍ब।

इजीकीएल 47:8

मिनु मेकोम आं कली “एको ब्‍वाक्‍कु पूर्ब रागी गे लशा, उइ अराबाह गे लशो बाक्‍ब। मिनु मेको हिक्‍सी समुन्‍द्रम ब्‍वांइसीब। मिनु मेकेर ङा ब्‍वाक्‍कु रिम्‍शो दुम्‍ब।

होसे 13:13

मीश मुर आल थितीक रोइ पशो खोदेंशो पा मेको कली श्‍येत दुम्‍ब। तन्‍न मेको मारेइ यो मतुइक्‍ब आल खोदेंशो बाक्‍ब। मेको दूली पा जरमेशो बाक्‍ब।

जकरिया 13:1

मेको नाक्‍ती दाऊद आ खिं नु यरूसलेममी बाक्‍ब मुर आन पाप नु आन मरिम्‍शो पशो क्‍याम्‍चा कली ब्‍वाक्‍कु बुक्‍तीके का बुक्‍शा ग्रू‍ब। यसैया १२:३; यसैया ५५:१

जकरिया 14:8

मेको नाक्‍त यरूसलेम रे पा ब्रोंइचा गेब ब्‍वाक्‍कु शाइश्‍शा यीब। मिनु मेको उइक्‍थ पूर्ब ङा समुन्‍द्र गे नु उइक्‍थ पच्‍छिम ङा समुन्‍द्र गे शाइक्‍ब। मेको होशो नु सिक्‍‍शो नेल्‍ल नाक्‍त शाइक्‍ब। इजीकीएल ४७:१-८

मत्ती 11:12

यूहन्‍नामी मुर आन कली शेंशा, ब्‍वाक्‍कुम ख्रुम्‍शा ग्रुंइदा रे मुल सम्‍म स्‍वर्ग ङा राज्‍य ओव़शा, आन के सेल्‍चा, दे दाम पा मुना मुन बाक्‍नीम। लूका १६:१६

मत्ती 6:33

ङोंइती परमप्रभु यावे आ राज्‍य नु आ ठीक पतीके मिम्‍शा मालीने। मिनु जचा तूचा फेक्‍चा यो ताइनीनी। रोमी १४:१७; १राजा ३:१३-१४; भजन संग्रह ३७:४,२५

लूका 13:24

मिनु येसुमी “आइक्‍च लाप्‍चो रे ओव़चा मालो। मेकेर रे शुश मुर ओव़चा दाक्‍नीम, तन्‍न ओव़ने मचाप्‍नीम। मत्ती ७:१३-१४

लूका 16:16

साइ ङोंइती रे परमप्रभु यावे आ अरे‍शो लोव़ नु आ लोव़ पाइब आन ब्रेक्‍शो यूहन्‍ना आ पाला सम्‍म शेंताक्‍म। यूहन्‍ना जाक्‍म रे परमप्रभु यावे आ राज्‍य ङा लोव़ नेंपाइक्‍नीम। मिनु शुश मुरुमी मेको लोव़ नेंशा, थमा सुइश्‍शा, परमप्रभु यावे आ राज्‍यम ओव़चा बोल पाइनीम। मत्ती ११:१२-१३

यूहन्‍ना 5:3

मेको खिं आगामी शुश रोइ पाइब, मिक्‍च मताइब, गुइ खोइल मदुक्‍ब, रां सोव़शो रोइ पाइबपुकी बाक्‍शो बाक्‍तेक्‍म। मेको मुरपुकी दोम्‍ली ङा ब्‍वाक्‍कु गेना हिम्‍सीब, दे कोव़चा कली बाक्‍शो बाक्‍मा बाक्‍त।

यूहन्‍ना 5:5

मिनु मेकेर ३८ बर्स सम्‍म रोइ पशो मुर का बाक्‍त।

यूहन्‍ना 5:7

मेको रोइ पाइबमी “प्रभु, ब्‍वाक्‍कु हिम्‍सेनु, आं कली दोम्‍लीमी ख्रुम्‍ब मुर सुइ मपिदु। मिनु गो हना यो ‘लङ’ देंङानु, मुर का आं ङोंइती ब्‍वाक्‍कुमी ग्रुम्‍ब” देंत।

१ कोरिन्‍थी 6:11

इन दातेमी का निक्‍शी मोदेंशो बाक्‍मा बाक्‍त। तन्‍न मुल गे चिक्‍शो खोदेंशो पा, परमप्रभु यावे आ मुर दुम्‍शा, प्रभु येसु ख्रीस्‍त आ नेंमी नु इं परमप्रभु यावे आ सोक्‍तीम पतीके ठीक मुर सेल्‍चा पुंइसाक्‍नी। तीतस ३:३-७; १कोरिन्‍थी १:२; रोमी ३:२६

१ यूहन्‍ना 1:7

मेको छेङछेङमी बाक्‍शो खोदेंशो पा, गो छेङछेङमी गाक्‍तय हना, अर्को थमा सुइक्‍बपुकी नु थुं का ङा दुम्‍नय। मिनु आ तौ येसु आ हुशेमी इं मरिम्‍शो पशो नेल्‍ल क्‍याम्‍ब। हिब्रू ९:१४; प्रकाश १:५