यूहन्ना 5:39 - Sunuwar Bible39 गे परमप्रभु यावे आ लोव़ शेंसीन सीन बाक्नीनी। मारदे हना मो पशोनु, ब्रोंइशा बाक्चा तांइसीब, दे मिम्नीनी। मिनु परमप्रभु यावे आ लोव़मी आं पर्बम ब्रेक्शो बाक्त। लूका २४:२७,४४; २तिमोथी ३:१५-१७ အခန်းကိုကြည့်ပါ။ |
यूहन्ना 5:39
51 ပူးပေါင်းရင်းမြစ်များ
मिनु फिलीपमी नथानेल माइश्शो मुर कली ग्रुम्शा, मेको कली “मोसामी नु परमप्रभु यावे आ लोव़ पाइबपुकीमी यो परमप्रभु यावे आ सोइश्शो का आ पर्बम ब्रेक्शो बाक्तेक्म। मिनु गोपुकीमी मेको कली ग्रुम्तक। मेको नासरथ सहर ङा योसेफ आ तौ येसु बाक्माक्त” दे नथानेल कली देंत। यसैया ५३:२; ब्यवस्था १८:१८; येरमीया २३:५; इजीकीएल ३४:२३
यरूसलेममी बाक्बपुकी नु आन ठेयब मुरपुकीमी येसु पाप रे प्रोंइब बाक्ब, दे मरुबेम। नाइक्तीक नाक्त किंत किंत परमप्रभु यावेमी ब्रेक्पाइश्शो लोव़ पढेशा नेंशा यो रुप्ने मचबेम। मोपा मारेइ रुप्ने मचाप्तीके येसु कली दोस गेम्तेक्म। आन मो पशोमी साइ ङा ब्रेक्शो लोव़ नेल्ल थमा सेल्तेक्म। यूहन्ना १६:३
ख्रीस्त आ लोव़ खोत ब्रेक्शा वोतीन। गेपुकीमी शुश तुइश्शा, शेंमुशा थुं बारपमुने। परमप्रभु यावे आ लोव़ ङा कुम्सो, परमप्रभु यावे कली “गे ठेयब बाक्नीनी” दे पशो कुम्सो नु परमप्रभु यावे आ सोक्तीमी इन कली शेंशो कुम्सोमी “गे रिम्शो पाइब बाक्नीनी” दे इन थुंमी परमप्रभु यावे कली कुम्सो पने। एफिसी ५:१९
मीश मुरपुकीमी आन तौ बेक्शा लशा, बेक्शो रे सेंसीशो तामे बाक्त। मिनु मेको आलपुकी एको रागीम ब्रोंइमा बाक्त। कोइमी “बेक्शा नोले बेक्शो रे सेंसीशा गेनायो मबेक्सीब, ग्येरशा बाक्चा तांइसीब” दे थमा सुइश्शा, श्येत जशा यो फाल्शा बाक्मा बाक्त। शुश श्येत जशा तुप्चा पुंइसमा बाक्त हना यो “थमा सुइक्चा प्रोंइनीकी” दे मदेंमा बाक्त। “थमा सुइक्चा प्रोंइनीकी” देंशो नम हना, प्रोंइशा सोइक्तेम वा। “थमा सुइक्चा मप्रोंइनीकी” देंशोमी श्येत जना जन साइक्चा पुंइसमा बाक्त। १राजा १७:१७-२४; २राजा ४:८-३७;
मिनु नोले गो मेको परमप्रभु यावे आ स्वर्ग ङा गेय पाइब कली सेउ पचा कली आ खोइलीमी बाप्ती। मेकोमी चहिं आं कली “मपावो। गो गे नु इ लोक्बपुकी खोदेंशो येसु आ लोव़ पाइब, परमप्रभु यावे आ वाइल नङ। परमप्रभु यावे कली मान पावो। मारदे हना येसु आ लोव़ पाइबपुकीम परमप्रभु यावेमी तुइक्पाइश्शो लोव़ ला पाइनीम” दे माइक्ती। प्रकाश २२:८-९
ကြော်ငြာတွေ