30 मिनु गो आंम अधिकारमी मारेइ पने मचाप्नुङ। गो दोदेंशो नेंनुङ, मोदेंशो पा निसाफ पाइनुङ। आं निसाफ चहिं ठीक बाक्ब। मारदे हना आं दाक्शो मपथु, आं कली सोइक्ब आ देंशो पाइनुङ। यूहन्ना ६:३८
ममाइ, गे मोदेंशो पा मक्याम्नीनी। गे ठीक पाइब नु मरिम्शो पाइब आन कली खाल का ङा पा मसाइक्नीनी। थमान, ठीक पाइब नु मरिम्शो मुर आन कली खाल का ङा मपाइनीनी। गे रागी रागी ङा निसाफ पाइब बाक्शा, ठीक निसाफ पाइनीनी” देंमाक्त। भजन संग्रह ८२:१; भजन संग्रह ९४:२
परमप्रभु यावे आ ङोंइती कुम्सो पाइनीम। मारदे हना परमप्रभु यावे जाक्ब। मेको रागी कली निसाफ पथ जाक्ब। मेकोमी रागी नेल्ल कली ठीक पतीकेमी निसाफ पाइब। मिनु जात जात ङा मुर आन कली थमा पा आन कुल मकोव़थु निसाफ पाइब। भजन संग्रह ८२:८; प्रेरित १७:३
निसाफ पाइब कली ठीक पतीक सोक्त दुम्ब। मिनु लडाइ पाइब आन कली सहर ङा लाप्चो रे खेरतीक सक्ति गेब दुम्ब।
परमप्रभु यावेमी इ सजाइ क्याम्शा गेशो बाक्ब। मेकोमी इ जोरी सत्रु आन कली सोइश्शो बाक्ब। इस्राएली आन पिप, परमप्रभु यावे गे नु बाक्ब। मुल ङा मेरे गे तेकोइ श्येत रे हिंचा ममाल्नेवे। जकरिया ९:९
मिनु इच्का ङोंइती लशा, खुम्की पा खपीम बाप्शा “आं आफ, दुम्ब हना, एको कचौरा आं कली मतूपाइक्थु सोइक्तीने। तन्न आं दाक्शो मदुम्ल, इन दाक्शोन दुम्ल” दे प्रार्थना पशा, लेश्शा जाक्माक्त। यूहन्ना १८:११; यूहन्ना ६:३८; हिब्रू ५:८
गो आं आफ आगामी बाक्नुङ। मिनु आं आफ आं आगामी बाक्ब, दे थमा मसुइक्नेवे? आं देंशो लोव़ आं के ममाइ, आं आफ आ लोव़ बाक्ब। आं आगामी बाक्शो आं आफोमी गेय पाइब। यूहन्ना १२:४९
रागीम बाक्शा, इन पपाइश्शो गेय थुम्शा, इन सक्ति कोंइताक्ङमी।
येसुमी “इ या खोतीमी पिप्तो। गो आं आफोमी देंशो श्येत मजङल, दे मिम्नीनी? गो मेको श्येत जचा माल्नुङ” देंत।
येसुमी मेको आन कली “आं जचा थोव़क मार बाक्ब देंशा हना, आं कली सोइक्ब आ दाक्शो पचा नु आ देंशो गेय थुम्चा। मेको आं के जचा थोव़क बाक्ब। यूहन्ना ६:३८; यूहन्ना १७:४
मिनु येसुमी यहूदी आन कली “नोफा दाइश्शा नेनीन, आं आफोमी मार पाइबा, आ तौमी मेको मतवा सम्म मारेइ पने मचाप्ब। मिनु आफोमी दोदेंशो पाइबा, तौमी मोदेंशोन पाइब। यूहन्ना ३:११,३२
मारदे हना गो आं दाक्शो गेय पथ ममाइ, तन्न आं कली सोइक्ब आ दाक्शो गेय पचा कली स्वर्ग रे जाक्शो नङ। यूहन्ना ४:३४
येसुमी “गेपुकी रागीमी जरमेशो कली क्युक्नीनु, गो सु नङा, दे तुइक्नीनी। मिनु गो आंमा मिम्शो मारेइ मपाइनुङ। तन्न आं आफोमी आं कली दोदेंशो शेंदा, मोदेंशो लोव़ इन कली शेंनुङ। यूहन्ना ३:१४; यूहन्ना १२:३२
मिनु येसुमी “परमप्रभु यावे इन आफ बाक्त हना, गेपुकी आं कली दाक्तीनी वा। मारदे हना गो परमप्रभु यावे रे रागीमी जाक्ती। गो आंमा जाक्शो मनङ। तन्न आं आफोमी सोइक्ताक्यी।
गो आंम कली ठेयब मसेल्सीनुङ। आं कली ठेयब सेल्ब का बाक्ब। मेको ठीक निसाफ पाइब यो बाक्ब” देंत।
ख्रीस्तमी यो आंमा दाक्शो मपव “इन कली पशो शुक्शी, आं तार मोंइसाक्व” दे ब्रेक्शो बाक्ब। भजन संग्रह ६९:९
परमप्रभु यावेमी मरिम्शो गेय पाइब आन कली ठीक निसाफ पशा, सजाइ गेब, दे तुइक्नय।
इन थुं परमप्रभु यावे गे मलेत्तीके परमप्रभु यावे आ गाइश्शो तेम्नीनी। मिनु आ ठीक निसाफ पची नाक्त शुश सजाइ ताइनीनी।