यूहन्‍ना 5:26 - Sunuwar Bible

²⁶ परमप्रभु यावे नु ब्रोंइतीक सोक्‍त बाक्‍ब। मिनु आ तौ कली यो मोदेंशो ब्रोंइतीक सोक्‍ती गेशो बाक्‍त। यूहन्‍ना १:१-४

यूहन्‍ना 5:26 ပူးပေါင်းရင်းမြစ်များ

भजन संग्रह 36:9

मारदे हना गे नु ब्रोंइतीके बाक्‍ब। मिनु गो इन छेङछेङमी हाम्‍सो ताइनीकी। येरमीया २:१३; यूहन्‍ना ४:१४

भजन संग्रह 90:2

मिनु पहाड दुम्‍चा क्‍येङा ङोंइती नु रागी सेल्‍चा क्‍येङा ङोंइती गे गेना हना यो बाक्‍ब परमप्रभु बाक्‍तीनी।

प्रस्‍थान 3:14

मिनु परमप्रभुमी मोसा कली “आं नें ‘गो नङ’ बाक्‍ब। इस्राएल जात ङा मुर आन कली ‘गो नङ’ देंबमी आं कली इन बाक्‍तीकेमी सोइक्‍ताक्‍यी, देंचा माल्‍नेवे” देंत। प्रस्‍थान ६:२; मलाकी ३:६; प्रकाश १:४,८

येरमीया 10:10

तन्‍न परमप्रभु यावे थमा ङा परमप्रभु बाक्‍ब। मेको ब्रोंइशा बाक्‍ब परमप्रभु नु गेना हना यो लीब पिप बाक्‍ब। मेको गाइक्‍तानु, रागीम ख्रिनु कुइब। मिनु रागी रागी ङा मुरपुकीम मेको आ गाइश्‍शो फाल्‍ने मचाप्‍नीम। येरमीया ५:२

यूहन्‍ना 1:4

मेको नु ब्रोंइतीक सोक्‍त बाक्‍शो बाक्‍त। मिनु मेको ब्रोंइतीक सोक्‍ती मुर आन कली छेङछेङ बाक्‍त। यूहन्‍ना ८:१२

यूहन्‍ना 10:18

गो साइक्‍चा मपुंइसाक्‍यी हना, सुइमी आं कली साइक्‍ने मचाप्‍नीम। गो आं के साइक्‍चा पुंइसीतीके अधिकार बाक्‍ब। मिनु बेक्‍शो रे सेंसीचा अधिकार यो बाक्‍ब। मेको अधिकार निम्‍फा आं आफोमी गेती” दे शेंताक्‍व। यूहन्‍ना ५:२६

यूहन्‍ना 11:25

मिनु येसुमी “गो सेंपाइक्‍ब नु ब्रोंइपाइक्‍ब नङ। आं कली थमा सुइक्‍ब बेक्‍तेक्‍म हना यो, सेंसीनीम।

यूहन्‍ना 11:26

सु ब्रोंइबा, मिनु आं कली थमा सुइक्‍बा, मेको गेनायो मबेक्‍ब। एको लोव़ थमा सुइक्‍नेवे?” दे हिल्‍लो पाप्‍तु। यूहन्‍ना ८:५१

यूहन्‍ना 14:19

इच्‍का नोले थमा मसुइक्‍बपुकीमी आं कली लेंशा मताइनीम। गेपुकीमी चहिं आं कली ताइनीनी। मारदे हना गो ब्रोंइनुङ। मिनु गेपुकी यो ब्रोंइनीनी। यूहन्‍ना २०:२०

यूहन्‍ना 14:6

मिनु येसुमी “गो थमा नु ब्रोंइचा गेब लां नङ। सुइ आन पतीक गेना हना यो आं आफ नु बाक्‍चा मताइनीम। तन्‍न आं पतीके रे ला गेना हना यो परमप्रभु यावे नु बाक्‍चा ताइनीम। यूहन्‍ना १०:९; मत्ती ११:२७; रोमी ५:१-२; हिब्रू १०:२०

यूहन्‍ना 4:10

मिनु येसुमी मेको मीश मुर कली “परमप्रभु यावेमी इ कली मार गेचा दाक्‍ब, दे तुइक्‍ताक्‍वी हना, नु ब्‍वाक्‍कु पुंइब, आं कली, सु बाक्‍नुङ, दे तुइक्‍ताक्‍वी हना, आं कली ‘ब्‍वाक्‍कु गेयी’ दे पुंइदी वा। मिनु ब्रोंइचा गेब ब्‍वाक्‍कु गेन वा” दे मदा बाक्‍त। यूहन्‍ना ७:३८-३९

यूहन्‍ना 6:57

दोपा ब्रोंइशा बाक्‍ब आं आफोमी आं कली सोइश्‍शा ब्रोंइपाइय्‍यी, मोपा आं रां ब्‍वाइब यो गो रे पा ब्रोंइचा ताइब।

यूहन्‍ना 8:51

मिनु येसुमी “नोफा दाइश्‍शा नेनीन, सुमी आं देंशो लोव़ टीबा, मेको गेनायो मबेक्‍ब” देंत। यूहन्‍ना ६:४०,४७

प्रेरित 17:25

मुरपुकीमी परमप्रभु कली मारेइ गेचा ममाल्‍नीमी। आं कका रागीमी बाक्‍ब नेल्‍ल आन कली ब्रोंइतीक सोक्‍त नु आन माल्‍शो नेल्‍ल गेशो बाक्‍ब। भजन संग्रह ५०:९-१२

१ कोरिन्‍थी 15:45

मार ब्रेक्‍शो बाक्‍ब देंशा हना “नेल्‍ल क्‍येङा ङोंइती ङा मुर, आदम, ब्रोंइब दुम्‍माक्‍त” दे ब्रेक्‍शो बाक्‍ब। नेल्‍ल क्‍येङा नोले ङा आदम चहिं ब्रोंइतीक सोक्‍त गेब दुम्‍त। उत्‍पत्ती २:७; २कोरिन्‍थी ३:१७

१ तिमोथी 1:17

गेना हना यो मबेक्‍थु बाक्‍ब पिप कली सुइमी तने मचाप्‍नीम। मेको कांइचीक परमप्रभु, परमप्रभु यावे बाक्‍ब। गेना हना यो मान ताक्‍चा नु छेङछेङ मेको केन बाक्‍ब। आमेन।

१ तिमोथी 6:16

मेको ला गेनायो मबेक्‍ब। सुइ आन कोव़ने मचाप्‍चा ङा पा छेङछेङमी बाक्‍ब। सुइमी मेको कली गेनायो मताम। तने यो मचाप्‍नीमी। मेको मान तशा नेल्‍ल क्‍येङा सक्ति पाइश्‍शो बाक्‍ब। आमेन। प्रस्‍थान ३३:२०; यूहन्‍ना १:१८

हिब्रू 1:2

नोले ङा नाक्‍ती आ तौ रे पा इं कली लोव़ पाप्‍तु। आ तौ कली नेल्‍ल अधिकार गेशो बाक्‍त। सरीङ नु रागी नेल्‍ल आ तौ रे पा सेला बाक्‍त। भजन संग्रह २:८; यूहन्‍ना १:३; कलस्‍सी १:१६

प्रकाश 21:6

मिनु मेकोमी लेंशा आं कली “गो आल्‍फा नु ओमेगा नङ। नेल्‍ल क्‍येङा ङोंइती नु नेल्‍ल क्‍येङा नोले ङा गो नङ। सु सुमी तूतू दाक्‍नीमी, मेको आन कली ब्रोंइचा गेब ब्‍वाक्‍कु बुक्‍तीक रे मोशा तूचा गेनुङ। प्रकाश १:८; प्रकाश २२:१३

प्रकाश 22:1

मिनु परमप्रभु यावे आ स्‍वर्ग ङा गेय पाइबमी ब्रोंइचा गेब खोला कोंइताक्‍यी। मेको खोला टल्‍केशो सिसा खोदेंशो तांइसाक्‍व। मिनु मेको खोला परमप्रभु यावे नु पाठा आस ठेयब नित्‍तीके रे ग्रूशा, इजीकीएल ४७:१-१२; जकरिया १४:८; उत्‍पत्ती २:९-१०

प्रकाश 22:17

मिनु परमप्रभु यावे आ सोक्‍त नु ग्‍युम्‍लीमी मुर आन कली “पिने” देंनीस। मिनु सु सुमी मेको लोव़ नेंनीमी, मेकोमी यो “पिने” देंमल। सु सु तूतू दाक्‍नी, पिने। मिनु ब्रोंइचा गेब ब्‍वाक्‍कु मोशा तूङीन। यसैया ५५:१; यूहन्‍ना ७:३७

प्रकाश 7:17

मारदे हना मेको ठेयब नित्‍तीके आ दातेमी बाक्‍शो पाठामी मेको आन कली कोव़शा, गोठला पाइब। मिनु मेकोमी मेको आन कली ब्रोंइचा गेब ब्‍वाक्‍कु बुक्‍तीके कोंइब। मोपा परमप्रभु यावेमी मेको आन प्रेक्‍कु फिक्‍ब” देंत। भजन संग्रह २३:२; प्रकाश २१:४; यसैया २५:८